2014-11-01
Today from Hiiraan Online:  _
Wararka Maanta- Talaado, July 9 , 2013
Wasiirka Gaashaandhigga oo Beeniyay in ay Dowladdu wadahadal kula jirto Sheekh Muktaar Roobow Abuu Mansuur




Talaado, July 09, 2013(HOL) :- Wasiirka gaashaandhigga dowladda federaalka Soomaaliya Mudane C/xakiin Xaaji Max’uud Fiqi ayaa beeniyay in dowladda Soomaaliya ay wadahadallo kula jirto Sheekh Mukhtaar Rooboow Abuu Mansuur oo ka mid ah hogaamiyaasha sare ee Al-shabaab.

Wasiirka gaashaandhigga oo warbaahinta la hadlay ayaa sheegay in dowladda Soomaaliya ay ka warqabto khilaafka u dhexeeya hogaanka sare ee Al-shabaab, wuxuuna xusay in ilaa imika aysan jirin wadahadallo rasmi ah oo dhexmaray dowladda iyo Al-shabaab.

Masuulkan ayaa sheegay in ay soo dhaweyn doonaan cid walba oo ka tirsan Al-shabaab oo dooneeysa in ay isu soo dhiibto dowladda Soomaaliya.

“Dowladdu way soo dhaweeyenysaa cid walba oo Al-shabaab ka tirsan oo ka tanasuleeysa dhibaatooyinka ay shacabka ku hayaan,” ayuu hadalkiisii raaciyay.

Masuulkan ayaa sheegay in weli ay soconayaan dadaallada ay dowladda Soomaaliya ku dooneeyso in Al-shabaab ay uga saarto Soomaaliya, wuxuuna xusay in dhawaan ay bilaaban doonaan howlgallo ballaaran oo ka dhan ah Al-shabaab.

Hadalkan kasoo yeeray wasiirka gaashaandhigga Soomaaliya ayaa kusoo beegmaya xilli dhawaan Sheekh Xasan Daahir Aweys iyo xubno kale oo la socday ay isu dhiibeen maamulka Ximin iyo Xeeb ee bartamaha Soomaaliya, waxaana ay arintaasi ka danbeeysay kadib markii uu khilaaf soo kala dhexgalay masuuliyiinta ugu sareeysa ee Xarakada Al-shabaab.

Xasan Nuur, Hiiraan Online
hnur@hiiraan.com
Kismaayo-Soomaaliya





Post your comments

2013-07-09 4:15 PM EST
Talaado, July 9, 2013—Waxaa sanadwalba lagu qabtaa magaalada Stockholm ee dalka Sweden ciyaaraha xagaaga oo ay soo qabanqaabiyo Ururka SEUKI oo ka dhisan dalka Sweden.

2013-07-09 2:23 PM EST
Talaado, July 09, 2013 (HOL) — Madaxweynaha Soomaaliya, Xasan Sheekh Maxamuud iyo wafdi uu hoggaaminayo ayaa ka qaybgalay maanta xafladda maalinta xorriyadda dalka Koofurta Suudaan oo ay u dabaaldagtay sannad-guuradii labaad ee kasoo wareegtay markii ay xorriyadooda qaateen, iyadoo ay ka qaybgaleen madax kala duwan oo Qaaradda Afrika ka socotay sida madaxweynayaasha Ugandha, Rwanda, Botswana iyo mas’uuliyiin kala oo ka socday dalalka Afrika qaarkood.

2013-07-09 11:58 AM EST
Talaado, July 09, 2013 (HOL) — Guddoomiyaha baarlamaanka Soomaaliya ahna ku simaha madaxweynaha, Prof. Maxamed Sheekh Cismaan (Jawaari) ayaa maanta kula kulmay Muqdisho wafdi ka socday Qaramada Midoobay oo uu hoggaaminaya madaxa hay’adda qoxootiga adduunka ee UNHCR, Antonio Guterres.

2013-07-09 11:54 AM EST
Talaado, July 09, 2013 (HOL) — Jaalliyadda reer Jowhar ee ku dhaqan magaalada London ee dalka Britian ayaa xaflad soo dhaweyn ah xalay ugu sameeyay magaaladaas guddoomiyaha guddiga xuquuqul aadanaha, arrimaha bani'aadannimada, haweenka iyo carruurta baarlamaanka Soomaaliya, xildhibaanad Khadiijo Maxamed Diiriye.

2013-07-09 9:00 AM EST
Talaado, July 9, 2013(HOL)-Iyadoo dunida Muslinka caam ahaan laga soo dhaweenayo bisha Barakaysan ee Ramadaan ayaa gobolka Minnesota lagu qabtay kulan Muxaadarooyin ah oo isagu jiro khayrka bishan ay xanbaarsantahay iyo danbi dhaafkeeda.

2013-07-09 8:06 AM EST
Talaado, July 09, 2013 (HOL) — Ra’iisul wasaaraha Soomaaliya wafdi uu hoggaaminayo oo maanta dib ugu soo laabtay Muqdisho kaddib safar ay ku tageen magaalada Baydhabo ee xarunta gobolka Bay ayaa ka warbixiyay safarkooda, isagoo sheegay in waxybaahihii uu kala hadlay shacabka ku nool degmadaas ay isku afgarteen.

2013-07-09 7:48 AM EST
Talaado, July 09, 2013 (HOL) — Madaxweynaha Soomaaliya, Xasan Sheekh Maxamud iyo wafdi uu hoggaaminayo ayaa xalay kulan la qaatay jaaliyadda Soomaaliyeed ee Koonfurta Suudaan, isagoo u jeediyay khudbad uu kula dar-daarmay Jaaliyadda.

2013-07-09 5:00 AM EST
Talaado, July 09, 2013(HOL) :- Waxaa goordhawayd suuqa Bakaaraha ee magaalada Muqdisho qarax lagula eegtay gaadiid nooca raaxada oo ay wateen askar ka tirsan ciidamada dowladda, iyadoona qaraxaasi uu sababay dhaawacyo soo gaaray laba askari.