3/29/2024
Today from Hiiraan Online:  _
Wararka Maanta- Sabti, July 6 , 2013
Baaritaan lagu sameynayo Dhaawacyadii ka dhashay Dagaalladii Kismaayo ka dhacay oo laga billaabay Muqdisho

Sabti, July 06, 2013 (HOL) — Baaritaanno lagu sameynayo dhaawacyadii ka dhashay dagaalladii Kismaayo ayaa manta ka billowday Muqdisho, iyadoo ay booqdeen maanta isbitaallada ay ku jiraan xubno ka socda ururrada ka shaqeeya xuquuqda aadanaha.

Toddobaadkii hore ayaa waxaa la keenay Muqdisho dhaawacyo ka badan 60-qof oo ka mid ahaa shacabkii ku dhaawacmay dagaalladaas, kuwaasoo qaar ka mid ah ay qabaan dhaawacyo halis ah.

Xubnaha ka socday hay’adaha xuquuqda aadanaha ee maanta tagay qaar ka mid ah isibtaallada ay dhaawacyadu ku jiraan ayaa sheegay inay waxyaabo ka weydiiyeen dhaawacyada sidii ay ku dhaawacmeen iyo ciddii dhaawaca u geysatay.

“Dhaawacyada qaarkood waxay sheegeen inay ku dhaceen madaafiic culus, qaar kalena waxay sheegeen inay dhaawacyo u geysteen dhinacyadii uu u dhexeeyay dagaalka iyo ciidamada Kenya,” ayuu yiri mid ka mid ah xubnihii booqday dhaawacyadii Kismaayo.

Maalinta berri ah ayaa lagu wadaa in sidoo kale ay dhaawacyada booqasho ugu tagaan ururrada bulshada rayidka ah, si ay u eegaan xaaladaha ay ku sugan yihiin dhaawacyada, waxaana tani ay billow u tahay baaritaanno lagu sameynayo dhaawacyadii ka dhashay dagaalladii Kismaayo iyo cidda geysatay.

Xukuumadda Soomaaliya ayaa lagu wadaa in iyadu ay magacowdo dhowrka maalmood ee soo socda guddi gaar ah oo baaritanano ku sameeya dagaalkii Kismaayo, kuwaasoo u kuurgeli doona in ciidamada Kenya ay dagaalladaas ka qaybgaleen iyo in kale.

Dowladda Somalia ayaa ciidamada Kenya ku eedeysay inay iyagu mas’uul ka yihiin dagaalladii ka dhacay Kismaayo ayna garab ka mid ah garabyadii uu u dhexeeyay dagaalka la safteen.

Sidoo kale, waxaa Muqdisho abaabulka bannaanbax weyn oo looga horjeedo ciidamada Kenya, kaasoo ay ka qaybgeli doonaan xubno ka tirsan dowladda Soomaaliya.

Colaaddii Kismaayo ayaa waxay sababtay khilaaf dhinaca siyaasadda ah oo soo dhexgalya dowladaha Soomaaliya iyo Kenya, iyadoo dowladda Somalia ay warqad ay cabanayso ciidamada Kenya u dirtay toddobaadkii hore ururka Midowga Afrika, balse ma jirto wax jawaab ah oo uu ururku ka bixiyay.

Dalka Kenya ayaa waxaa Soomaaliya kaga sugan kumannaan askari oo qayb ka ah howgalka Midowga Afrika ee AMISOM, kuwaasoo ku sugan Kismaayo, balse dowladda Soomaaliya ayaa doonaysa in ciidamada Kenya lagu bedelo kuwo kale oo ka socda Midowga Afrika.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
7/6/2013 11:57 AM EST
Sabti, July 06, 2013 (HOL) — Sheekh Axmed Maxamed Islaam (Sh. Axmed Madoobe) iyo wafdi uu hoggaaminayo ayaa maanta Puntland, iyadoo si weyn loogu soo dhaweeyay garoonka diyaaradaha ee Gaalkacyo, waxaana ka mid ahaa wafdigan Prof. Maxamed Cabdi Gaandi.

7/6/2013 11:30 AM EST
Sabti, July 06, 2013 (HOL) — Rugta ganacsiga iyo warshadaha Soomaaliya ayaa maanta u dabaal-dagtay sanad-guuradii koowaad ee kasoo wareegatay markii la aasaasay, iyagoo magaalada Muqdisho lagu qabtay xaflad ay kusoo ban-dhigeen waxqabadkooda muddadii sanadka ahaa ee ay jireen.

7/6/2013 7:59 AM EST
Inkastoo xukuumadda Kenya aysan wali jawaab rasmi ah ka bixin xumaanshaha xiriirka diblamaasiyadeed ee wadamada Soomaaliya iyo Kenya ayaa haddana wargeysyada kasoo baxa dalka Kenya aad looga dareemayaa halka uu gaaray xiriirka labada dal.

7/6/2013 7:26 AM EST
Sabti, July 06, 2013 (HOL) — Wafti ka kooban wasiiro iyo xubno labadda gole Baarlamaan ka kooban, ayaa shalay u anbaxay dalka Turkiga si ay u fuliyaan ballantii hore loogu qabtay in saddex bilood ka dib la bilaabo wada hadalkii u dhexeeyey Somaliland iyo Soomaaliya.

7/6/2013 2:45 AM EST
Sabti, July 06, 2013 (HOL) — Tartan Qur’aanka akhris ah oo maalmihii lasoo dhaafay ka socday magaalada Taleex ee gobolka Sool ayaa halkaas lagu soo gabgabeeyay, iyadoo abaalmarinno la guddoonsiiyay afartii arday ee kaalinta hore ka galay tartankaas.

7/6/2013 2:10 AM EST
Sabti, July 06, 2013 (HOL) — Ergayga Qaramada Midoobay ee Soomaaliya, danjire Nicholas Kay oo ku sugan magaalada London ayaa ka hadlay markii ugu horreysay xariga Sheekh Xasan Daahir Aweys oo dowladda Soomaaliya ugu xiran Muqdisho.

7/6/2013 2:09 AM EST
Sabti, July 06, 2013 (HOL) — Ugu yaraan afar ka mid ah dhinacyadii uu u dhexeeyay dagaalka ayaa ku dhintay tiro intaas ka badanna dhaawacyo ayaa kasoo gaaray dagaal culus oo ciidamada dowladda Soomaaliya iyo kuwa Al-shabaab ku dhexmaray deegaanno ka tirsan gobolka Bakool shalay oo Jimco ahayd.