2014-07-29
Today from Hiiraan Online:  _
Wararka Maanta- Jimco, July 5 , 2013
Hay’adda WHO sheegtay in Dagaalladii Kismaayo ka dhacay ay ku dhinteen 71-qof, boqolaal kalena ay ku dhaawacmeen


Jimco, July 05, 2013 (HOL) — Hay’adda caafimaadka adduunka ee WHO ayaa sheegtay in dagaalladii ka dhacay Kismaayo ay ku dhinteen 71-qof ayna ku dhaawacmeen 300 oo qof oo kale, kuwaasoo intooda badan ay ahaayeen shacabkii magaaladaas ku noolaa.

Dagaalladii ka dhacay Kismaayo oo u dhexeeyay hoggaamiyeyaal awood ku dagaalan ah ayaa waxaa sidoo kale ay barakiciyeen boqolaal qof oo kale, iyadoo WHO ay sheegtay in dagaalladaas ay kaga tageen Kismaayo xaalad dhinaca bani’aadamnimada ah.

“Magaalada Kismaayo kama jiraan hay’ado dhinaca bani’aadamnimada ka shaqeeya, adeegyadii lagu caawin lahaa dadka dhibaataadu ku dhacdayna meesha way ka maqan yihiin,” ayay WHO ku sheegtay warbixinteeda.

Sidoo kale, hay’adda WHO waxay sheegtay in dhaawacyada ay inta badan qabaan dhaawacyo jab ah iyo kuwo ka gaaray madaxa iyo laabta, 40 ka mid ahna loo sameeyay daweyn caafimaad.

Kismaayo ayaa waxaa labadii bilood ee ugu dambeeyay ka taagnaa xiisado u dhexeeya hoggaamiyeyaal isku haysta maamulka Jubbaland oo degmadaas looga dhawaaqay, iyadoo dhinacyada uu dagaalku u dhexeeyay oo shan qof ah uu mid walba si gaar ah u sheeganayo inuu yahay madaxweynaha loo doortay Jubaland.

Dowladda Soomaaliya ayaa warqad ay kaga cabanayso ciidamada Kenya u dirtay ururka Midowga Afrika, waxaana ciidamadan oo qayb ka ah kuwa AMISOM ay ku eedeysay inay sabab u ahaayeen dagaalkii Kismaayo ayna la safteen dhinac ka mid ah dhinacyadii dagaalamay.

Warqadda ay soo saartay dowladda Soomaaliya ayaa lagu sheegay inay ku dhinteen dagaaalladii Kismaayo 55 qof, ayna ku dhaawacmeen 155 qof oo kale, taasoo aad uga yar tirada ay shaacisay hay’adda caafimaadka WHO.

Madaxda dowladda Soomaaliya ayaa dalbanaya in ciidamada Kenya laga bedelo aagga ay hadda ku sugan yihiin ee Koonfurta Soomaaliya laguna bedelo ciidammo kale oo ka mid ah kuwa qaybta ka ah howgalka Midowga Afrika ee Soomaaliya. Inkastoo dowladda Kenya ay iska fogeysay eedda kaga timid dowladda Soomaaliya.

Kismaayo oo ah xaurnta gobolka Jubbada Hoose ee Koonfurta Soomaaliya ayaa waxaa Al-shabaab laga qabsaday dhammaadkii sannadkii 2011, kaddib markii ay degmadaas gacanta ku haysay kooxdan muddo shan sannadood ka badan.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-07-05 5:30 PM EST
Jimco, July 5, 2013(HOL)—Waxaa lagu qabtay Magaalada Wuhan ee Dalka Shiinaha xaflad ballaaran oo lagu maamusayay arday ka qalinjebisay afar Jaamacadood oo ku yaal Magaaladaas, taasoo ahayd tii ugu badneyd arday mar kaliyah ka qalin jabisay jaamacadaha waddanka Shiinaha. Ardayda qalin-jebisay ayay tiradoodu ahayd 78 arday oo kala ahaa 59 Dhakhtar, 18 Engineer iyo Arday bartay luuqadda Shiinaha.

2013-07-05 1:54 PM EST
Jimco, July 05, 2013 (HOL) — Xarakada Al-shabaab ee Soomaaliya oo ka hadasha xukun ka tuuristii madaxweynihii Masar, Maxamed Mursi ayaa sheegay inay tusaale u tahay in awoodda dalkaas oo dhan ay gacanta ugu jirto ciidamada, ururrada Islaamiga ah aan loo ogoleyn inay xukun qabtaan.

2013-07-05 1:54 PM EST
Jimco, July 05, 2013 (HOL) — Maxjarka xannaanada xoolaha ee Jasiira oo ku yaalla duleedka magaalada Muqdisho ayaa waxaa ku jira kumannaan xoolo ah oo loo diyaariyay in ganacsi ahaan dibadda loogu dhoofiyo, waana maxjarka keliya ee ku yaalla Koonfurta iyo Bartamaha Soomaaliya.

2013-07-05 9:56 AM EST
Jimco, July 05, 2013 (HOL) — Maamulka gobolka Hiiraan ayaa siweyn loogu amaanay isbadalka uu ka sameeyay amniga magaalada iyo dib u habeynta ciidamada kadib booqasho maalintii shalay ay ku tageen magaalada Baladweyne saraakiil ka tirsan booliiska AMISOM.

2013-07-05 8:24 AM EST
Jimco, July 05, 2013 (HOL) - Wasiirka warfaafinta, Boostada iyo gaadiidka Soomaaliya C/laahi Ciilmooge Xirsi ayaa shaaciyay in Xayiraad saarnayd ayraboorka Aadan cadde intii dagaallada sokeeye socdeen si rasmi ah loo qaaday.

2013-07-05 8:10 AM EST
Jimco, July 05, 2013 (HOL) — Waxaa garoonka kubadda cagta ee Central High School ee magaalada Saint Paul ee gobolka Minnesota lagu soo gaba-gabeeyay ciyaar kubadda cagta ah oo lagu maamuusayay toddobaadka xorriyadda Soomaaliya iyo Mareykanka.

2013-07-05 3:37 AM EST
Jimco, July 05, 2013 (HOL) — Xukuumadaha Soomaaliya iyo Koonfur Afrika ayaa kawada hadlay sidii xal loogu heli lahaa dhibaatooyinka Soomaalida ku nool dalkaas loo geysto, iyadoo kulan arrintaas ku saabsan ay magaalada Pretoria ay ku yeesheen wasiirro ka kala tirsan labada dowladood.

2013-07-05 2:51 AM EST
Jimco, July 05, 2013 (HOL) — Wasiirka Maaliyadda iyo qorsheynta dowladda Soomaaliya, Maxamuud Xasan Suleymaan oo markii ugu horreysay ka hadlay warbixin ay kooxda la socodka arrimaha Soomaaliya iyo Eriteriya ay ku sheegeen in lacago badan oo sharci-darro ah laga baxay bangiga dhexe ee Soomaaliya ayaa sheegay inaysan jirin lacago lagala baxay bangiga dhexe ee Soomaaliya.

2013-07-05 2:49 AM EST
Jimco, July 05, 2013 (HOL) — Xildhibaan Maxamed Cumar Dalxa oo ka mid ah xubnaha baarlamaanka Soomaaliya ayaa ku taliyay in dowladda Soomaaliya ay magacowdo guddi baaris ku sameeya dagaalladii ka dhacay magaalada Kismaayo, kuwaasoo u dhexeeyay rag isku haysta xilka madaxweynenimo ee maamulka Jubbaland.

2013-07-05 2:46 AM EST
Jimco, July 05, 2013 (HOL) — Ugu yaraan saddex qof ayaa ku dhintay tiro intaas ka badanna way ku dhaawacmeen dagaal culus oo xalay ciidamada dowladda Soomaaliya iyo xoogagga Al-shabaab ku dhexmaray deegaanka Ow-diinle oo ku dhow degmada Baydhabo ee xarunta gobolka Bay.