2014-07-28
Today from Hiiraan Online:  _
Wararka Maanta- Jimco, July 5 , 2013
Mudane ka tirsan Baarlamaanka Soomaaliya oo ku baaqay in la Magacaabo guddi baaritaan ku sameeya dagaalladii Kismaayo



Jimco, July 05, 2013 (HOL) — Xildhibaan Maxamed Cumar Dalxa oo ka mid ah xubnaha baarlamaanka Soomaaliya ayaa ku taliyay in dowladda Soomaaliya ay magacowdo guddi baaris ku sameeya dagaalladii ka dhacay magaalada Kismaayo, kuwaasoo u dhexeeyay rag isku haysta xilka madaxweynenimo ee maamulka Jubbaland.

Mudane Dalxa ayaa sheegay in guddigan oo ah mid xaqiiqo raadin ah uu baaris ku sameynayo sida uu dagaalku ku dhacay iyo inay ku lug leeyihiin ciidamada Kenya ee qaybta ka ah howlgalka Midowga Afrika ee AMISOM.

“Waxaa soo jeedinayaa in guddi baaris ku sameeya dagaalladii Kismaayo ka dhacay la magacaabo. Haddii ay caddaato in ciidamada Kenya ay dagaalka ku lug leeyihiinna la ciqaabo saraakiisha horkacaysa,” ayuu yiri xildhibaan Dalxa.

Sidoo kale, xildhibaanku wuxuu ku baaqay in laga shaqeeyo sidii lagu damin lahaa xiisadda dublamaasiyadeed ee soo dhexgashay dowladaha Soomaaliya iyo Kenya taasoo salka ku haya dagaalkii ka dhacay Kismaayo.

Magaalada Kismaayo ee gobolka Jubbada Hoose ayaa waxaa toddobaadkan iyo kii ka horreeyay ka dhacay dagaallo culus oo u dhexeeya dhinacyo isku haya maamulka magaaladaas, iyadoo la sheegay inay dagaalladaas ku dhinteen 65 qof ayna ku dhaawacmeen 155-qof oo kale, kuwaasoo u badan dad rayid ah.

Dowladda Soomaaliya ayaa ku eedeysay ciidamada Kenya ee Kismaayo ku sugan inay dhinac ka mid ah dhinacyadii dagaalamay la safteen ayna iyagu mas’uul ka ahaayeen dagaalladaas.

Warqad cabasho ah oo arrintan ku aaddan ayay dowladda Somalia u dirtay ururka Midowga Afrika, iyadoo dowladdu ay horay u dalbatay in laga bedelo ciidamada Kenya gobollada Koonfurta Soomaaliya ku yaalla, lana geeyo ciidammo dalal ka socda oo isku dhafan.

Hadalka xildhibaanka baarlamaanka Soomaaliya ka tirsan ayaa wuxuu kusoo beegmayaa iyadoo ay jirto xiisad ka dhalatay dagaalkii Kismaayo oo soo dhex-gashay dowladaha Soomaaliya iyo Kenya.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-07-05 5:30 PM EST
Jimco, July 5, 2013(HOL)—Waxaa lagu qabtay Magaalada Wuhan ee Dalka Shiinaha xaflad ballaaran oo lagu maamusayay arday ka qalinjebisay afar Jaamacadood oo ku yaal Magaaladaas, taasoo ahayd tii ugu badneyd arday mar kaliyah ka qalin jabisay jaamacadaha waddanka Shiinaha. Ardayda qalin-jebisay ayay tiradoodu ahayd 78 arday oo kala ahaa 59 Dhakhtar, 18 Engineer iyo Arday bartay luuqadda Shiinaha.

2013-07-05 1:54 PM EST
Jimco, July 05, 2013 (HOL) — Xarakada Al-shabaab ee Soomaaliya oo ka hadasha xukun ka tuuristii madaxweynihii Masar, Maxamed Mursi ayaa sheegay inay tusaale u tahay in awoodda dalkaas oo dhan ay gacanta ugu jirto ciidamada, ururrada Islaamiga ah aan loo ogoleyn inay xukun qabtaan.

2013-07-05 1:54 PM EST
Jimco, July 05, 2013 (HOL) — Maxjarka xannaanada xoolaha ee Jasiira oo ku yaalla duleedka magaalada Muqdisho ayaa waxaa ku jira kumannaan xoolo ah oo loo diyaariyay in ganacsi ahaan dibadda loogu dhoofiyo, waana maxjarka keliya ee ku yaalla Koonfurta iyo Bartamaha Soomaaliya.

2013-07-05 9:56 AM EST
Jimco, July 05, 2013 (HOL) — Maamulka gobolka Hiiraan ayaa siweyn loogu amaanay isbadalka uu ka sameeyay amniga magaalada iyo dib u habeynta ciidamada kadib booqasho maalintii shalay ay ku tageen magaalada Baladweyne saraakiil ka tirsan booliiska AMISOM.

2013-07-05 9:48 AM EST
Jimco, July 05, 2013 (HOL) — Hay’adda caafimaadka adduunka ee WHO ayaa sheegtay in dagaalladii ka dhacay Kismaayo ay ku dhinteen 71-qof ayna ku dhaawacmeen 300 oo qof oo kale, kuwaasoo intooda badan ay ahaayeen shacabkii magaaladaas ku noolaa.

2013-07-05 8:24 AM EST
Jimco, July 05, 2013 (HOL) - Wasiirka warfaafinta, Boostada iyo gaadiidka Soomaaliya C/laahi Ciilmooge Xirsi ayaa shaaciyay in Xayiraad saarnayd ayraboorka Aadan cadde intii dagaallada sokeeye socdeen si rasmi ah loo qaaday.

2013-07-05 8:10 AM EST
Jimco, July 05, 2013 (HOL) — Waxaa garoonka kubadda cagta ee Central High School ee magaalada Saint Paul ee gobolka Minnesota lagu soo gaba-gabeeyay ciyaar kubadda cagta ah oo lagu maamuusayay toddobaadka xorriyadda Soomaaliya iyo Mareykanka.

2013-07-05 3:37 AM EST
Jimco, July 05, 2013 (HOL) — Xukuumadaha Soomaaliya iyo Koonfur Afrika ayaa kawada hadlay sidii xal loogu heli lahaa dhibaatooyinka Soomaalida ku nool dalkaas loo geysto, iyadoo kulan arrintaas ku saabsan ay magaalada Pretoria ay ku yeesheen wasiirro ka kala tirsan labada dowladood.

2013-07-05 2:51 AM EST
Jimco, July 05, 2013 (HOL) — Wasiirka Maaliyadda iyo qorsheynta dowladda Soomaaliya, Maxamuud Xasan Suleymaan oo markii ugu horreysay ka hadlay warbixin ay kooxda la socodka arrimaha Soomaaliya iyo Eriteriya ay ku sheegeen in lacago badan oo sharci-darro ah laga baxay bangiga dhexe ee Soomaaliya ayaa sheegay inaysan jirin lacago lagala baxay bangiga dhexe ee Soomaaliya.

2013-07-05 2:46 AM EST
Jimco, July 05, 2013 (HOL) — Ugu yaraan saddex qof ayaa ku dhintay tiro intaas ka badanna way ku dhaawacmeen dagaal culus oo xalay ciidamada dowladda Soomaaliya iyo xoogagga Al-shabaab ku dhexmaray deegaanka Ow-diinle oo ku dhow degmada Baydhabo ee xarunta gobolka Bay.