2014-09-23
Today from Hiiraan Online:  _
Wararka Maanta- Khamiis, July 4 , 2013
Dowladda Federaalka Soomaaliya oo warqad ay kaga cabanayso Ciidamada Kenya u dirtay Ururka Midowga Afrika


Khamiis, July 04, 2013 (HOL) — Dowladda Soomaaliya ayaa warqad ay kaga cabanayso ciidamada Kenya ee ku sugan Koonfurta Soomaaliya u diray ururka Midowga Afrika oo ay ciidammo kaga sugan yihiin Soomaaliya, warqaddan oo lagu tilmaamay qarax siyaasadeed oo soo dhexgalay dalalka Soomaaliya iyo Kenya.

Kenya ayaa waxaa kumanaan ciidammo ah oo ka mid ah howgalka AMISOM waxay kaga sugan yihiin gobollada Jubbooyinka iyo Gedo ee Koonfurta dalka Soomaaliya, waxayna dowladda Soomaaliya ku eedeysay inaysan ka ahayn dhexdhexaad xiisadaha ka taagan Kismaayo.

Warqaddan oo kasoo baxday wasaaradda arrimaha dibadda ee Somalia ayaa lagu sheegay in ciidamada Kenya ayna sababeen dagaalladii ka magaalada Kismaayo oo ay ku dhinteen 55-qof oo rayid u badan ayna sidoo kale ku dhaawacmeen 155-qof oo kale.

Dubalamaasiiyiinta gobolka iyo kuwa Soomaalida ayaa shaki weyn ka qaba in Kenya ay doonayso inay gudaha Soomaaliya ka sameysato aag aan looga soo gudbin dalkeeda oo dhibaatooyin dhinaca ammaank ah kala kulmay Al-shabaab oo ah koox islaamiyiin ah.

Soomaaliya ayaa waxay muddo labaatan sano ka badan kusoo jirtay dagaal sokeeye oo dhibaatooyin badan geystay, ciidamada AMISOM oo ay ku jiraan kuwa AMISOM oo ay qayb ka tahay kuwa Kennya ee dariska ah ayaa waxaa Soomaaliya inay isbedel ka sameeyaan, inkastoo ay isbedel muuqda ka gareen howlgalladooda.

Xukuumadda Kenya ayaa waxay dhowr jeer oo sheegtay inay dhexdhexaad ka tahay xiisadaha ka taagan Jubbooyinka, iyadoo sidoo kalena ay taliska AMISOM sheegeen in ciidamada Kenya aysan wax lug ah ku lahayn xiisadda ka taagan Jubbooyinka.

Mas’uuliyiin u hadlay AMISOM ayaa sidoo kale sheegay inay baaritaanno ku sameyn doonaan eedeymo ay dowladda Soomaaliya horay ugu jeedisay inay ku kaceen ciidamada Kenya, kuwaasoo ay ka mid ahaayeen inay dagaalladii ka dhacay Kismaayo qayb ka qaateen.

Warqaddan dublamaasiyadeed ee ay dowladda Soomaaliya u dirtay ururka Midowga Afirka ayaa noqonaysaa tii ugu horreysay ee nooceeda ah, iyadoo dowladdu ay horay u sheegtay inay doonayso in ciidamada Kenya laga bedelo aagga ay kaga sugan yihiin Soomaaliya lana geeyo kuwo isku dhaf ah oo ka socda dalalka ay ciidamada AMISOM ka joogaan Soomaaliya.

Ma jiraan wax jawaabo ah oo kasoo baxay dowladda Kenay iyo ururka Midowga Afrika oo ay ka socdaan ciidamada AMISOM oo ay qaybta ka yihiin kuwa Kenya ka socda, waxaase jiray in khilaafyo noocan oo kale ay dhowr jeer oo hore u soo dhexgaleen Soomaaliya iyo Kenya.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-07-04 2:33 PM EST
Khamiis, July 04, 2013 (HOL) — Ururka dhallinyarada SYL II oo ah urur ka shaqeeya arrimaha horumarinta dhallinyarada Soomaaliyeed ayaa maanta ku qabtay Muqdisho xaflad shahaadooyin lagu guddoonsiiyay arday bartay xifado kala duwan oo ay ku shaqeystaan.

2013-07-04 2:09 PM EST
Khamiis, July 04, 2013 (HOL) — Marwda madaxweyaha Soomaaliya, Qamar Cali Cumar ayaa maanta deeq gaarsiisay xarunta waxbarashada gabdhaha agoonta ah ee degmada Boondheere ee magaalada Muqdisho.

2013-07-04 11:17 AM EST
Khamiis, July 04, 2013 (HOL) — Ra’iisul wasaaraha Somalia, Cabdi Faarax Shirdoon ( Saacid) oo ay wehliyaan xubno ka tirsan wasiirrada xukuumadda, guddoomiyaha gobolka banaadir, taliyayaasha ciidamada dowladda iyo gudoomiyeyaasha degmooyinka gobolka Banaadir ayaa si rasmi ah u furay barnaamij muddo laga soo shaqaynayay oo lagu xoojinayo amniga Muqdisho.

2013-07-04 10:51 AM EST
Khamiis, July 04, 2013 (HOL) — Maxkamadda Rafcaanka Gobolka Maroodi-jeex, ayaa damaanad ku siidaayey masuuliyiin ka tirsanaa wargeyska HUBAAL oo shalay xukun xadhig ahi lagu riday.

2013-07-04 7:21 AM EST
Khamiis, July 04, 2013 (HOL) — Madaxweynaha cusub ee dalka Masar Cadli Maxamed Mansuur ayaa maanta loo dhaariyay xilka madaxweynimo ee dalkaas, kaddib markii xilka laga tuuray Arbacadii shalay madaxweynihii hore ee lasoo doortay Maxamed Mursi

2013-07-04 6:53 AM EST
Khamiis, July 04, 2013 (HOL) — Kooxo bastoolado ku hubeysan ayaa laba oo kala ahaa ganacsade iyo suldaan ayaa ku dilay degmada Marko ee xarunta gobolka Shabeellada Hoose, iyadoo kooxahaas ay u suurogashay inay ka baxsadaan goobaha ay dilka ka geysteen.

2013-07-04 3:37 AM EST
Khamiis, July 04, 2013(HOL):- Baaq ay soo saareen qaar kamid ah odoyaasha dhaqanka iyo waxgaradka kasoo jeeda gobollada Jubooyinka iyo Gedo ayay si kulul ugu cambaareeyeen ciidamada dowladda Kenya ee ku sugan ku sugan gobolladaasi, iyagoona ka dalbaday in ay si degdeg ah ciidamadeeda ugala baxdo gobollada Jubooyinka iyo Gedo.

2013-07-04 2:27 AM EST
Khamiis, July 04, 2013 (HOL) — Col. Barre Aadan Shire (Hiiraale) oo ka mid ah madaxweynayaashii is-magacaabay ee maamulka Jubbaland ayaa sheegay inuu ku sugan yahay duleedka magaalada Kismaayo uuna wado abaabul dagaal oo uu ku doonayo inuu dib ugu qabsado Kismaayo oo dhawaan laga saaray.

2013-07-04 2:18 AM EST
Khamiis, July 04, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) oo ay weheliyaan wasiirro ka tirsan xukuumaddiisa ayaa booqasho ku tagay garoonka diyaaradaha Muqdisho iyo dekedda oo ah ilaha ugu waaweyn ee uu dhaqaaluhu kasoo galo dowladda Soomaaliya.