12/18/2014
Today from Hiiraan Online:  _
Wararka Maanta- Khamiis, July 4 , 2013
Guddoomiyihii Maxkamadda Cadaaladda ee Dalka Masar oo maanta si rasmi ah loogu dhaariyay xilka Madaxweynimo ee dalkaas


Khamiis, July 04, 2013 (HOL) — Madaxweynaha cusub ee dalka Masar Cadli Maxamed Mansuur ayaa maanta loo dhaariyay xilka madaxweynimo ee dalkaas, kaddib markii xilka laga tuuray Arbacadii shalay madaxweynihii hore ee lasoo doortay Maxamed Mursi.

Go’aanka xilka looga tuuray madaxweynihii hore ayaa waxaa qaatay taliyaha guud ee ciidamada milateriga dalkaas, iyadoo lagu sifeeyay arrintan mid ay ku inqilaabeen madaxweyne si dimuqraadiyad ah loosoo doortay.

Cadli Mansuur ayaa xilka dalkaas u haynaya si KMG ah, waxaana uu horay u ahaa guddoomiyaha maxkamadda dastuuriga ah ee dalka Masar, waxaana la sheegay inuu soo dhisi doono xukuumad farsamo, iyadoo dastuurka dalkaas dib loogu noqdo si doorasho ay dalkaas uga dhacdo.

Howlaha horyaalla madaxweynaha cusub ayaa lagu sheegay inuu ka shaqeyn doono sidii loosoo dooran doono baarlamaan cusub, wuxuuna sidoo kale bixin doonaa amarrada dalka Masar laga fulinayo.

Wararka laga helayo dalka Masar ayaa sheegaya in Madaxweynihii hore Mursi iyo xubno ka tirsan maamulkiisa xabsiga loo taxaabay, iyadoo ay arrintan ay ka hadleen dowlado badan oo Carbeed.

Dalka Sucuudi Carabiya oo ah saaxiib si weyn ugu dhawaa dalka Masar ayaa ku tilmaamay tallaabada sheegay in tallaabadan tahay ay mid habboon si loo badbaadiyo dhiigga shacabka Masar.

Sidoo kale, waxaa arrintan ka hadlay dalalka Suuriya iyo Jordan oo arrintan soo dhaweeyay ku tilmaamay mid lagu badbaadinayo dalka Masar iyo dadka oo ka cabanayaya howlaha xukuumadda Mursi oo ay taageeraan ururka Akhwanul Muslimiin.

Dalka Masar ayaa waxaa maalmihii lasoo dhaafay ka jiray dibadbaxyo ay ka dhigayaan kooxo taageersan mucaaradka barxadda weyn ee Taxriir oo ku yaalla bartamaha magaalada Qaahira ee xarunta dalka Masar.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

7/4/2013 2:33 PM EST
Khamiis, July 04, 2013 (HOL) — Ururka dhallinyarada SYL II oo ah urur ka shaqeeya arrimaha horumarinta dhallinyarada Soomaaliyeed ayaa maanta ku qabtay Muqdisho xaflad shahaadooyin lagu guddoonsiiyay arday bartay xifado kala duwan oo ay ku shaqeystaan.

7/4/2013 2:09 PM EST
Khamiis, July 04, 2013 (HOL) — Marwda madaxweyaha Soomaaliya, Qamar Cali Cumar ayaa maanta deeq gaarsiisay xarunta waxbarashada gabdhaha agoonta ah ee degmada Boondheere ee magaalada Muqdisho.

7/4/2013 11:17 AM EST
Khamiis, July 04, 2013 (HOL) — Ra’iisul wasaaraha Somalia, Cabdi Faarax Shirdoon ( Saacid) oo ay wehliyaan xubno ka tirsan wasiirrada xukuumadda, guddoomiyaha gobolka banaadir, taliyayaasha ciidamada dowladda iyo gudoomiyeyaasha degmooyinka gobolka Banaadir ayaa si rasmi ah u furay barnaamij muddo laga soo shaqaynayay oo lagu xoojinayo amniga Muqdisho.

7/4/2013 10:51 AM EST
Khamiis, July 04, 2013 (HOL) — Maxkamadda Rafcaanka Gobolka Maroodi-jeex, ayaa damaanad ku siidaayey masuuliyiin ka tirsanaa wargeyska HUBAAL oo shalay xukun xadhig ahi lagu riday.

7/4/2013 7:40 AM EST
Khamiis, July 04, 2013 (HOL) — Dowladda Soomaaliya ayaa warqad ay kaga cabanayso ciidamada Kenya ee ku sugan Koonfurta Soomaaliya u diray ururka Midowga Afrika oo ay ciidammo kaga sugan yihiin Soomaaliya, warqaddan oo lagu tilmaamay qarax siyaasadeed oo soo dhexgalay dalalka Soomaaliya iyo Kenya.

7/4/2013 6:53 AM EST
Khamiis, July 04, 2013 (HOL) — Kooxo bastoolado ku hubeysan ayaa laba oo kala ahaa ganacsade iyo suldaan ayaa ku dilay degmada Marko ee xarunta gobolka Shabeellada Hoose, iyadoo kooxahaas ay u suurogashay inay ka baxsadaan goobaha ay dilka ka geysteen.

7/4/2013 3:37 AM EST
Khamiis, July 04, 2013(HOL):- Baaq ay soo saareen qaar kamid ah odoyaasha dhaqanka iyo waxgaradka kasoo jeeda gobollada Jubooyinka iyo Gedo ayay si kulul ugu cambaareeyeen ciidamada dowladda Kenya ee ku sugan ku sugan gobolladaasi, iyagoona ka dalbaday in ay si degdeg ah ciidamadeeda ugala baxdo gobollada Jubooyinka iyo Gedo.

7/4/2013 2:27 AM EST
Khamiis, July 04, 2013 (HOL) — Col. Barre Aadan Shire (Hiiraale) oo ka mid ah madaxweynayaashii is-magacaabay ee maamulka Jubbaland ayaa sheegay inuu ku sugan yahay duleedka magaalada Kismaayo uuna wado abaabul dagaal oo uu ku doonayo inuu dib ugu qabsado Kismaayo oo dhawaan laga saaray.

7/4/2013 2:18 AM EST
Khamiis, July 04, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) oo ay weheliyaan wasiirro ka tirsan xukuumaddiisa ayaa booqasho ku tagay garoonka diyaaradaha Muqdisho iyo dekedda oo ah ilaha ugu waaweyn ee uu dhaqaaluhu kasoo galo dowladda Soomaaliya.