2014-09-01
Today from Hiiraan Online:  _
Wararka Maanta- Khamiis, July 4 , 2013
Kooxo Bastoolado ku Hubeysan oo Siyaabo kala duwan ugu Dilay Degmada Marko Ganacsade iyo Suldaan caan ah



Khamiis, July 04, 2013 (HOL) — Kooxo bastoolado ku hubeysan ayaa laba oo kala ahaa ganacsade iyo suldaan ayaa ku dilay degmada Marko ee xarunta gobolka Shabeellada Hoose, iyadoo kooxahaas ay u suurogashay inay ka baxsadaan goobaha ay dilka ka geysteen.

Labada qof ee la dilay ayaa waxay saakay aroortii ku toogteen Marko mid ka mid ah ganacsadaha degmadaas oo lagu magacaabi jiray, Garweyne Sheekh Xasan iyo suldaan, Sheekh Mad Nuur oo salaaddii duhur kaddib ay ku dileen isla degmada Marko ee gobolka Shabeellada Hoose.

Goobjoogayaal ku sugan degmada Marko ayaa sheegay in kooxaha dilalkan geystay ay ahaayeen dhallinyaro ku hubeysan bastoolado, kuwaasoo aanay u suurogelin maamulka inay gacanta ku dhigaan.

Mas’uul ka tirsan degmada Marko ayaa sheegay in dilalkaas ay ahaayeen kuwo ay geysteen kooxo ka tirsan Al-shabaab, isagoo xusay inay wadaan baaritaanno ay ku raadinayaan kooxahaas.

Sidoo kale, mas’uulka u hadlay maamulka degmada Marko ayaa xusay inay ka jirto degmada marko xaalad aad amni-darro baahsan, iyadoo aysan jirin wax Al-shabaab kasoo baxay oo ku saabsan inay mas’uul ka yihiin dilalkan ama ay ku beeniyeen.

Suldaanka la dilay ayaa la sheegay inuu ahaa suldaanka beesha Jiiddo oo ka mid ah beelaha daga gobolka Shabeellada Hoose ee Koonfurta Soomaaliya oo qaybo ka mid ah ay weli ka taliso Al-shabaab.

Degmada Marko ayaa waxay ka mid tahay degmooyinka ay ciidamada dowaldda iyo kuwa AMISOM oo iskaashanaya ay ka qabsadeen Al-shabaab sannadkii hore, iyadoo dhowr jeer oo hore ay falal noocaas oo kale ah uga dhaceen.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-07-04 2:33 PM EST
Khamiis, July 04, 2013 (HOL) — Ururka dhallinyarada SYL II oo ah urur ka shaqeeya arrimaha horumarinta dhallinyarada Soomaaliyeed ayaa maanta ku qabtay Muqdisho xaflad shahaadooyin lagu guddoonsiiyay arday bartay xifado kala duwan oo ay ku shaqeystaan.

2013-07-04 2:09 PM EST
Khamiis, July 04, 2013 (HOL) — Marwda madaxweyaha Soomaaliya, Qamar Cali Cumar ayaa maanta deeq gaarsiisay xarunta waxbarashada gabdhaha agoonta ah ee degmada Boondheere ee magaalada Muqdisho.

2013-07-04 11:17 AM EST
Khamiis, July 04, 2013 (HOL) — Ra’iisul wasaaraha Somalia, Cabdi Faarax Shirdoon ( Saacid) oo ay wehliyaan xubno ka tirsan wasiirrada xukuumadda, guddoomiyaha gobolka banaadir, taliyayaasha ciidamada dowladda iyo gudoomiyeyaasha degmooyinka gobolka Banaadir ayaa si rasmi ah u furay barnaamij muddo laga soo shaqaynayay oo lagu xoojinayo amniga Muqdisho.

2013-07-04 10:51 AM EST
Khamiis, July 04, 2013 (HOL) — Maxkamadda Rafcaanka Gobolka Maroodi-jeex, ayaa damaanad ku siidaayey masuuliyiin ka tirsanaa wargeyska HUBAAL oo shalay xukun xadhig ahi lagu riday.

2013-07-04 7:40 AM EST
Khamiis, July 04, 2013 (HOL) — Dowladda Soomaaliya ayaa warqad ay kaga cabanayso ciidamada Kenya ee ku sugan Koonfurta Soomaaliya u diray ururka Midowga Afrika oo ay ciidammo kaga sugan yihiin Soomaaliya, warqaddan oo lagu tilmaamay qarax siyaasadeed oo soo dhexgalay dalalka Soomaaliya iyo Kenya.

2013-07-04 7:21 AM EST
Khamiis, July 04, 2013 (HOL) — Madaxweynaha cusub ee dalka Masar Cadli Maxamed Mansuur ayaa maanta loo dhaariyay xilka madaxweynimo ee dalkaas, kaddib markii xilka laga tuuray Arbacadii shalay madaxweynihii hore ee lasoo doortay Maxamed Mursi

2013-07-04 3:37 AM EST
Khamiis, July 04, 2013(HOL):- Baaq ay soo saareen qaar kamid ah odoyaasha dhaqanka iyo waxgaradka kasoo jeeda gobollada Jubooyinka iyo Gedo ayay si kulul ugu cambaareeyeen ciidamada dowladda Kenya ee ku sugan ku sugan gobolladaasi, iyagoona ka dalbaday in ay si degdeg ah ciidamadeeda ugala baxdo gobollada Jubooyinka iyo Gedo.

2013-07-04 2:27 AM EST
Khamiis, July 04, 2013 (HOL) — Col. Barre Aadan Shire (Hiiraale) oo ka mid ah madaxweynayaashii is-magacaabay ee maamulka Jubbaland ayaa sheegay inuu ku sugan yahay duleedka magaalada Kismaayo uuna wado abaabul dagaal oo uu ku doonayo inuu dib ugu qabsado Kismaayo oo dhawaan laga saaray.

2013-07-04 2:18 AM EST
Khamiis, July 04, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) oo ay weheliyaan wasiirro ka tirsan xukuumaddiisa ayaa booqasho ku tagay garoonka diyaaradaha Muqdisho iyo dekedda oo ah ilaha ugu waaweyn ee uu dhaqaaluhu kasoo galo dowladda Soomaaliya.