2014-04-18
Today from Hiiraan Online:  _
Wararka Maanta- Khamiis, July 4 , 2013
Waxgaradka kasoo jeeda Jubbooyinka iyo Gedo oo Xukuumadda Kenya ugu baaqay inay ciidamadeeda kala baxdo Somalia

Khamiis, July 04, 2013(HOL):- Baaq ay soo saareen qaar kamid ah odoyaasha dhaqanka iyo waxgaradka kasoo jeeda gobollada Jubooyinka iyo Gedo ayay si kulul ugu cambaareeyeen ciidamada dowladda Kenya ee ku sugan ku sugan gobolladaasi, iyagoona ka dalbaday in ay si degdeg ah ciidamadeeda ugala baxdo gobollada Jubooyinka iyo Gedo.

Kulan ay isugu yimaadeen qeybaha kala duwan ee bulshada ku dhaqan gobolka Gedo sida odoyaal dhaqameed, culumaa’udiin, dhalinyaro, haween, aqoonyahanno iyo waxgarad kale ayay dowladda Kenya ku eedeeyeen in ay gobollada Jubooyinka ka geysatay tacadiyo isugu jira dilal, kufsi iyo duqeymo ay sheegeen in loo geystay shacab aan waxba galabsan.

 Sidoo kale odoyaashan ayaa baaqoodii ku sheegay in dagaalladii ugu danbeeyay ee ka dhacay magaalada Kismaayo ay ku barakaceen dad gaaraya ilaa sideed kun oo qoys, islamarkaana ay jireen dilal iyo dhac gudaha magaalada Kismaayo loogu geystay dad rayid ah.

Qodobada ay odoyaasha ku xuseen baaqooda ayaa waxaa kamid ahaa:-

1. Dowlada Kenya waa in ay Ciidamadeeda ay kala baxdo Gudaha Dalka Soomaaliya.

2. Dowlada Kenya waa in ay mag dhow ay ka bixisaa dhibaatooyinkii ay ka geysatey Goboladaasi.

3. Kenya waa in aysan ku soo xad gudbin Xuduudaha Soomaaliya, dhulka, Badda iyo Cirka, islamarkaana ay dhowrto derisnimo wanaagga.

Gudiga loo Saarey Baaqan iyo Telefonadooda.

1. Suldaan: Maxamed Bashiir Yarow                          Tel.0615595468

2. Nabadoon: Maxamed Bare Salaad                                          Tel.0515811791

4. Nabadoon: Cali Yuusuf Tuurte(Cali Ganey)            Tel.061591449

5. Nabadoon: Maxamed Ibraahin Macuush(Gagale)     Tel.0615393366

6. Nabadoon.  Xasan Cabdile  Aden                           Tel.0618599060  

Maxamed Xaaji Xuseen, Hiiraan Online
Maxuseen@hiiraan.com
Muqdisho, Soomaaliya





Post your comments

2013-07-04 2:33 PM EST
Khamiis, July 04, 2013 (HOL) — Ururka dhallinyarada SYL II oo ah urur ka shaqeeya arrimaha horumarinta dhallinyarada Soomaaliyeed ayaa maanta ku qabtay Muqdisho xaflad shahaadooyin lagu guddoonsiiyay arday bartay xifado kala duwan oo ay ku shaqeystaan.

2013-07-04 2:09 PM EST
Khamiis, July 04, 2013 (HOL) — Marwda madaxweyaha Soomaaliya, Qamar Cali Cumar ayaa maanta deeq gaarsiisay xarunta waxbarashada gabdhaha agoonta ah ee degmada Boondheere ee magaalada Muqdisho.

2013-07-04 11:17 AM EST
Khamiis, July 04, 2013 (HOL) — Ra’iisul wasaaraha Somalia, Cabdi Faarax Shirdoon ( Saacid) oo ay wehliyaan xubno ka tirsan wasiirrada xukuumadda, guddoomiyaha gobolka banaadir, taliyayaasha ciidamada dowladda iyo gudoomiyeyaasha degmooyinka gobolka Banaadir ayaa si rasmi ah u furay barnaamij muddo laga soo shaqaynayay oo lagu xoojinayo amniga Muqdisho.

2013-07-04 10:51 AM EST
Khamiis, July 04, 2013 (HOL) — Maxkamadda Rafcaanka Gobolka Maroodi-jeex, ayaa damaanad ku siidaayey masuuliyiin ka tirsanaa wargeyska HUBAAL oo shalay xukun xadhig ahi lagu riday.

2013-07-04 7:40 AM EST
Khamiis, July 04, 2013 (HOL) — Dowladda Soomaaliya ayaa warqad ay kaga cabanayso ciidamada Kenya ee ku sugan Koonfurta Soomaaliya u diray ururka Midowga Afrika oo ay ciidammo kaga sugan yihiin Soomaaliya, warqaddan oo lagu tilmaamay qarax siyaasadeed oo soo dhexgalay dalalka Soomaaliya iyo Kenya.

2013-07-04 7:21 AM EST
Khamiis, July 04, 2013 (HOL) — Madaxweynaha cusub ee dalka Masar Cadli Maxamed Mansuur ayaa maanta loo dhaariyay xilka madaxweynimo ee dalkaas, kaddib markii xilka laga tuuray Arbacadii shalay madaxweynihii hore ee lasoo doortay Maxamed Mursi

2013-07-04 6:53 AM EST
Khamiis, July 04, 2013 (HOL) — Kooxo bastoolado ku hubeysan ayaa laba oo kala ahaa ganacsade iyo suldaan ayaa ku dilay degmada Marko ee xarunta gobolka Shabeellada Hoose, iyadoo kooxahaas ay u suurogashay inay ka baxsadaan goobaha ay dilka ka geysteen.

2013-07-04 2:27 AM EST
Khamiis, July 04, 2013 (HOL) — Col. Barre Aadan Shire (Hiiraale) oo ka mid ah madaxweynayaashii is-magacaabay ee maamulka Jubbaland ayaa sheegay inuu ku sugan yahay duleedka magaalada Kismaayo uuna wado abaabul dagaal oo uu ku doonayo inuu dib ugu qabsado Kismaayo oo dhawaan laga saaray.

2013-07-04 2:18 AM EST
Khamiis, July 04, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) oo ay weheliyaan wasiirro ka tirsan xukuumaddiisa ayaa booqasho ku tagay garoonka diyaaradaha Muqdisho iyo dekedda oo ah ilaha ugu waaweyn ee uu dhaqaaluhu kasoo galo dowladda Soomaaliya.