2014-10-22
Today from Hiiraan Online:  _
Wararka Maanta- Khamiis, July 4 , 2013
Ra’iisul Wasaaraha Somalia oo Booqday Dekedda iyo Garoonka Diyaaradaha Aadan Cadde ee Magaalada Muqdisho (SAWIRRO)



Khamiis, July 04, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) oo ay weheliyaan wasiirro ka tirsan xukuumaddiisa ayaa booqasho ku tagay garoonka diyaaradaha Muqdisho iyo dekedda oo ah ilaha ugu waaweyn ee uu dhaqaaluhu kasoo galo dowladda Soomaaliya.

Mudane Saacid iyo wasiirada ayaa markii ay booqdeen goobahaan wacxay u kuurgaleen sida ay howluhu u socdaan, waxayna warbixinno ka dhageysteen mas’uuliyiinta garoonka iyo dekedda Muqdisho. Waxayna dhanka kale kaga warbixiyeen baahiyaha ay qabaan in goobaha la casriyeeyo.

Intii ay booqashadu socotay, ra’iisul wasaaraha iyo wasiirrada la socday ayaa waxay indho-indheyn ku sameeyeen qaybaha ay ka kooban tahay dekedda iyo maraakiibta ku xiran halkaas, halkaasoo ay howlo ka wadeen qalab cusub oo loogu talogalay dejinta konteennarada waaweyn.

Ra’iisul wasaaraha ayaa sheegay in ay dowladdu xil weyn iska saarayso sidii ay u horumarin lahayd dekedda,iyo sidii shaqadeeda loo sii xoojin lahaa, isla markaana loo heli lahaa dekeddo kale si dhoofku u kobco.

"Dhawaan waxaan ku rajo weynahay inaan suuro-galino in hawlaha dekeddu si weyn u kobcaan. Waan casriyaynaynaa dekadda hawl ahaan iyo weliba qaab ahaan," ayuu yiri ra'iisal wasaaraha Soomaaliya.

Sidoo kale, ra’iisul wasaaraha Soomaaliya iyo wasiirradiisu waxay kormeer ku sameeyeen garoonka diyaaradaha Muqdisho, iyagoo indho-indheyn ku sameeyay qeybaha kala duwan ee garonka oo ay ka mid yihiin qaybta dulista iyo saadasha hawada iyo waliba qaybta maaliyadda.

Mudaddii ay ku gudo-jireen kormeerka garoonka dayuuradaha waxay sidoo kale dhagaysteen warbixino la xariira shaqada iyo hawlaha kala duwan ee uu garoonku u qabto bulshada Soomaaliyeed.

Ra'iisal wasaare Saacid ayaa booqashadiisan ku tilmaamay mid lagu dar-dar-galinayo habsami u socodka hawlaha illaha ugu waaweyn ee dowalddu ay ka hesho dhaqaalaha. Wuxuuna hawl-wadeennada garoonka iyo dekedda kula dar-daarmay inay dareemaan mas’uuliyadda Qaran ee saran, isagoo xusay in dowladdu si buuxda ulla socoto shaqada ka socota labada goobood.

"Waa muhiim in aad mas’uuliyad dheeri ah aad isi saartaan isla markaana aad ka dhowrsataan wax kasta oo curyaamin kara holaha Qaran ee aad u haysaan bulshada Soomaaliyeed," ayuu ra'iisal wasaaruhu shaqaalihii iyo mas’uuliyiintii labada goobood kula dardaarmay.



Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-07-04 2:33 PM EST
Khamiis, July 04, 2013 (HOL) — Ururka dhallinyarada SYL II oo ah urur ka shaqeeya arrimaha horumarinta dhallinyarada Soomaaliyeed ayaa maanta ku qabtay Muqdisho xaflad shahaadooyin lagu guddoonsiiyay arday bartay xifado kala duwan oo ay ku shaqeystaan.

2013-07-04 2:09 PM EST
Khamiis, July 04, 2013 (HOL) — Marwda madaxweyaha Soomaaliya, Qamar Cali Cumar ayaa maanta deeq gaarsiisay xarunta waxbarashada gabdhaha agoonta ah ee degmada Boondheere ee magaalada Muqdisho.

2013-07-04 11:17 AM EST
Khamiis, July 04, 2013 (HOL) — Ra’iisul wasaaraha Somalia, Cabdi Faarax Shirdoon ( Saacid) oo ay wehliyaan xubno ka tirsan wasiirrada xukuumadda, guddoomiyaha gobolka banaadir, taliyayaasha ciidamada dowladda iyo gudoomiyeyaasha degmooyinka gobolka Banaadir ayaa si rasmi ah u furay barnaamij muddo laga soo shaqaynayay oo lagu xoojinayo amniga Muqdisho.

2013-07-04 10:51 AM EST
Khamiis, July 04, 2013 (HOL) — Maxkamadda Rafcaanka Gobolka Maroodi-jeex, ayaa damaanad ku siidaayey masuuliyiin ka tirsanaa wargeyska HUBAAL oo shalay xukun xadhig ahi lagu riday.

2013-07-04 7:40 AM EST
Khamiis, July 04, 2013 (HOL) — Dowladda Soomaaliya ayaa warqad ay kaga cabanayso ciidamada Kenya ee ku sugan Koonfurta Soomaaliya u diray ururka Midowga Afrika oo ay ciidammo kaga sugan yihiin Soomaaliya, warqaddan oo lagu tilmaamay qarax siyaasadeed oo soo dhexgalay dalalka Soomaaliya iyo Kenya.

2013-07-04 7:21 AM EST
Khamiis, July 04, 2013 (HOL) — Madaxweynaha cusub ee dalka Masar Cadli Maxamed Mansuur ayaa maanta loo dhaariyay xilka madaxweynimo ee dalkaas, kaddib markii xilka laga tuuray Arbacadii shalay madaxweynihii hore ee lasoo doortay Maxamed Mursi

2013-07-04 6:53 AM EST
Khamiis, July 04, 2013 (HOL) — Kooxo bastoolado ku hubeysan ayaa laba oo kala ahaa ganacsade iyo suldaan ayaa ku dilay degmada Marko ee xarunta gobolka Shabeellada Hoose, iyadoo kooxahaas ay u suurogashay inay ka baxsadaan goobaha ay dilka ka geysteen.

2013-07-04 3:37 AM EST
Khamiis, July 04, 2013(HOL):- Baaq ay soo saareen qaar kamid ah odoyaasha dhaqanka iyo waxgaradka kasoo jeeda gobollada Jubooyinka iyo Gedo ayay si kulul ugu cambaareeyeen ciidamada dowladda Kenya ee ku sugan ku sugan gobolladaasi, iyagoona ka dalbaday in ay si degdeg ah ciidamadeeda ugala baxdo gobollada Jubooyinka iyo Gedo.

2013-07-04 2:27 AM EST
Khamiis, July 04, 2013 (HOL) — Col. Barre Aadan Shire (Hiiraale) oo ka mid ah madaxweynayaashii is-magacaabay ee maamulka Jubbaland ayaa sheegay inuu ku sugan yahay duleedka magaalada Kismaayo uuna wado abaabul dagaal oo uu ku doonayo inuu dib ugu qabsado Kismaayo oo dhawaan laga saaray.