2014-10-22
Today from Hiiraan Online:  _
Wararka Maanta- Arbaco, July 3 , 2013
Wakiilka Midowga Afrika ee Somalia oo Muqdisho kula kulmay Madaxweyne Xasan Sheekh iyo Ra’iisul Wasaare Saacid (SAWIRRO)



Arbaco, July 03, 2013 (HOL) — Ergayga Midowga Afrika ee arrimaha Somalia dajire Maxamed Saalax Anaadiif ayaa maanta kulan la yeeshay madaxweyne Xasan Sheekh Maxamuud iyo ra’iisul wasaare Cabdi Faarax Shirdoon (Saacid) kaasoo ay kaga hadleen dagaalladii ka dhacay Kismaayo.

Intii uu kulanku socday ayaa waxay mas’uuliyiintan si aad ah uga hadleen dhibaatadii ka dhalatay Kismaayo iyo walaaca laga qabo xasillooni-darrada ka taagan magaalada xeebta ku taalla.

Wakiilka iyo madaxweynaha Soomaaliy ayaa si gaar ah uga hadlay sidii ay wadajir uga shaqeyn lahaayeen sidii ay u yareyn lahaayeen xaalado dhinaca bani’aadamnimo oo ka dhaca magaalada Kismaayo, iyagoo kaashanaya xafiiska UNSOM ee Soomaaliya.

Kulanka kaddib ayaa warsaxaafadeed uu soo saaray dajire Anaadiif wuxuu ku sheegay inay isku raaceen madaxda dowladda in AMISOM ay sii wado caawinta shacabka Soomaaliyeed, isagoo sheegay in waajibkooda uu yahay sidii ay u xaqiijin lahaayeen sidii shacabka Soomaaliyeed ay ugu noolaan lahaayeen nabad iyo xasillooni.

“AMISOM waxay sii wadaysaa daweynta dhaawacyada dhamaan dhinacyada ku dagaalamay Kismaayo,” ayuu yiri ergayga Midowga Afrika ee Soomaaliya, isagoo intaas ku daray in howlahooda ay yihiin caawinta dadka Soomaaliyeed oo dhan.

Ugu dambeyn ergaygu wuxuu sheegay in ciidamada AMISOM ee ku sugan guud ahaan afarta qaybood ee Soomaaliya inay yihiin kuwo waajibaadkoodu yahay xaqiijinta ammaanka oo aysan jirin cid ay gaar ah ula safteen, isagoo xusay inay kaashanayaan mar walba ciidamada dowladda Soomaaliya.


Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-07-03 5:33 PM EST
Arbaco, July 03, 2013(HOL)—Kaddib mudaharaadyo xiriir ahaa oo dhawaanahan ka socday magaalada Qaahira ee xarunta dalka Masar, gaar ahaan halkii looga mudaharaaday Madaxweynihii hore Maxamed Xusni Mubaarak ayaa waxay ugu dambeyntii keeneen in xukunka xoog looga wareejiyo madaxweynaha Masar Maxamed Musri oo xilli yar waddanka soo xukumayay.

2013-07-03 4:12 PM EST
Arbaco, July 03, 2013(HOL) — Xukuumadda Britain ayaa ku dhawaaqday in ay mamnuuceyso qaadka oo ay u aragto in uu halis caafimaad sababo, isla markaana uu la mid yahay daroogada qaarkeed.

2013-07-03 10:51 AM EST
Arbaco, July 03, 2013 (HOL) — Madaxweynaha Puntland C/raxmaan Maxamed Maxamuud (Faroole) oo todobaadyadii ugu danbeeyey safar shaqo dalka dibaddiisa ugu maqnaa ayaa maanta dib ugu soo laabtay caasimadda Puntland ee Garoowe.

2013-07-03 9:34 AM EST
Arbaco, July 03, 2013 (HOL) — Xildhibaannada baarlamaanka Soomaaliya oo maanta kulan ku yeeshay Muqdisho ayaa ansixiyeen hindise sharciyeedka dib u eegista iyo hirgelinta dastuurka dalka.

2013-07-03 9:10 AM EST
Arbaco, July 03, 2013 (HOL) — Xarakada Al-shabaab ayaa madaafiic hoobiye ah xalay iyo saakay ku weeraray saldhigyo ay ciidamada AMISOM iyo kuwa Itoobiya oo ku kala sugan garoonka diyaaradaha Baydhabo iyo warshadda Xaseey, lana oga khasaaraha ka dhashay weerarradaas.

2013-07-03 8:42 AM EST
Arbaco, July 03, 2013 (HOL) — Iyadoo lagu guda jiro wareegii labaad ee ololaha doorashooyinka goleyaasha deegaanka ee Puntland, islamarkaana maanta uu ku qornaa ururka xukuumadda ee HORSEED, ayaa waxaa ciidamo aad u tira badan lasoo dhoobay jidadka muhiimka ah ee magaalada Boosaaso.

2013-07-03 8:24 AM EST
Arbaco, July 03, 2013 (HOL) — Magaalada Gaalkacayo ee xarunta gobolka Mudug, waxaa maanta ka dhacay iska hor imaad khasaare badan geystey oo dhex maray ciidamada ammaanka ee Puntland iyo kooxo hubeysan oo kasoo horjeeda ololaha doorashada ee ururka Horseed ee uu hoggaamiyo Madaxweyne Faroole.

2013-07-03 8:23 AM EST
Arbaco, July 03, 2013 (HOL) — Maxkamada degmada Hargeysa, ayaa maanta xukun xadhig iyo ganaax iskugu jira ku riday masuuliyiinta wargeyska madaxa banaan ee HUBAAl ka dib markii xayiraad la saaray wargeyska oo dacwadiisi ka socotay maxkamadda.

2013-07-03 8:20 AM EST
Arbaco, July 03, 2013 (HOL) — Golaha mucaaradka Puntland oo shir-jaraa'id ku qabtay xafiiskooda magaalada Boosaaso, ayaa sheegay in maanta laga horjoogsaday bannaan bax nabadeed oo ka dhan ah urur-siyaasadeedka Horseed.

2013-07-03 7:16 AM EST
Arbaco, July 03, 2013(HOL) :- Mudnayaasha baarlamaanka federaalka Soomaliya ee kasoo jeeda gobollada Jubooyinka iyo Gedo ayaa booqday dhaawacyadii ciidamada dowlada Soomaaliya iyo dad rayid ah oo kusoo dhaawacmay dagaaladii ka dhacay magaalada kismaayo ee xarunta gobolka jubada hoose kuwaasoo lasoo dhigay isbitaalka Madiino ee magaalada Muqdisho.

2013-07-03 4:01 AM EST
Arbaco, July 03, 2013 (HOL) — Magaalada Seattle ee gobolka Washington ayaa lagu soo gabagabeeyey koob kubadda koleyga ah oo loogu magic-daray isbuucii Soomaalida iyo tartan kubadda koley ah kaasoo lagu soo beegay munaasabadda 53-guuradii xoriyadda Soomaaliya. Cayaarahaan oo soo socday muddo toddobaad ah ayaa lasoo gabagabeeyay 01-dii Luuliyo.

2013-07-03 4:00 AM EST
Arbaco, July 03, 2013 (HOL) — Guddoomiyaha bankiga dhexe, Cabdisalaan Cumar Hadliye ayaa iska fogeeyay warbixinta ku saabsan in 80% lacagaha kusoo xarooday bankiga dhexe ee Soomaaliya ay la baxeen shaqsiyaad gaar ah oo ay soo saartay Qaramada Midoobay.