12/20/2014
Today from Hiiraan Online:  _
Wararka Maanta- Arbaco, July 3 , 2013
Xildhibaannada Baarlamanka oo Maanta ansixiyay hindise sharciyeedka dib u eegista iyo Hirgelinta Dastuurka Somalia


Arbaco, July 03, 2013 (HOL) — Xildhibaannada baarlamaanka Soomaaliya oo maanta kulan ku yeeshay Muqdisho ayaa ansixiyeen hindise sharciyeedka dib u eegista iyo hirgelinta dastuurka dalka.

Kulankan oo ka mid ah kulammadii aan caadiga ahayn ee baarlamaanka u furmay shalay oo Talaado ahayd, ayaa waxaa soo xaadiray 149 mudane, iyadoo uu shir guddoominayay guddoomiye ku xigeenka koowaad ee golaha baarlamaanaka Soomaaliya, Jeylaani Nuur Iikar.

Guddoomiyaha guddiga dib u eegista iyo hirgelinta dastuurka Soomaaliya, xildhibaanad Maryan Cariif Qaasim ayaa sharraxaad ka bixisay qodobbo ay xildhibaannada baarlamaanka codsadeen in wax laga bedelo.

“Qodobbada la codsaday in wax laga bedelo waxaa ka mid ah: qodobka koowaad farqaddiisa labaad toddobaad ee ah in lasoo koobo magaca wasaaradda garsoorka, arrimaha diinta iyo dastuurka, waxaana ka dhignay wasaaradda dastuurka,” ayay tiri Xildhibaanad Maryan Cariif.

Sidoo kale, waxaa wax ka bedelnay qodobka 134-afaraad farqaddiisa labaad oo ka hadlayay xubnaha guddiga oo ahayd inay noqdaan shan xubnood oo keliya, balse waxaan ku biirinnay inay kusoo darsamaan xubno ka socda ka socda maamullada federaalka ah ee dalka.

Xildhibaannadu waxay sheegtay inay meesha ka saareen qodobka 17-aad ee dastuurka dalka, iyadoo sheegtay in qodobkaas ay ku bedeleen qodobkii ku xigay ee 18-aad.

Sharraxaadda kaddib ayuu Jeylaani Nuur Iikar oo shirka guddoominayay kulankii maanta baarlamaanka wuxuu cod geliyay hidise sharciyeedka, iyadoo 144 mudane oo ka mid ahaa kuwii kulanka soo xaadiray ay codka siiyeen, halka hal mudane uu diiday, afar mudane oo kalena ay ka aamuseen.

Hindise sharciyeedkan ayaa noqonaya kii ugu horreeyay oo xildhibannada baarlamaanka Soomaaliya ay ansixiyaan, iyadoo sharcigan uu awood buuxda siinayo guddiga ku howlan dib u eegista iyo hirgelinta dastuurka dalka.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

7/3/2013 5:33 PM EST
Arbaco, July 03, 2013(HOL)—Kaddib mudaharaadyo xiriir ahaa oo dhawaanahan ka socday magaalada Qaahira ee xarunta dalka Masar, gaar ahaan halkii looga mudaharaaday Madaxweynihii hore Maxamed Xusni Mubaarak ayaa waxay ugu dambeyntii keeneen in xukunka xoog looga wareejiyo madaxweynaha Masar Maxamed Musri oo xilli yar waddanka soo xukumayay.

7/3/2013 4:12 PM EST
Arbaco, July 03, 2013(HOL) — Xukuumadda Britain ayaa ku dhawaaqday in ay mamnuuceyso qaadka oo ay u aragto in uu halis caafimaad sababo, isla markaana uu la mid yahay daroogada qaarkeed.

7/3/2013 11:30 AM EST
Arbaco, July 03, 2013 (HOL) — Ergayga Midowga Afrika ee arrimaha Somalia dajire Maxamed Saalax Anaadiif ayaa maanta kulan la yeeshay madaxweyne Xasan Sheekh Maxamuud iyo ra’iisul wasaare Cabdi Faarax Shirdoon (Saacid) kaasoo ay kaga hadleen dagaalladii ka dhacay Kismaayo.

7/3/2013 10:51 AM EST
Arbaco, July 03, 2013 (HOL) — Madaxweynaha Puntland C/raxmaan Maxamed Maxamuud (Faroole) oo todobaadyadii ugu danbeeyey safar shaqo dalka dibaddiisa ugu maqnaa ayaa maanta dib ugu soo laabtay caasimadda Puntland ee Garoowe.

7/3/2013 9:10 AM EST
Arbaco, July 03, 2013 (HOL) — Xarakada Al-shabaab ayaa madaafiic hoobiye ah xalay iyo saakay ku weeraray saldhigyo ay ciidamada AMISOM iyo kuwa Itoobiya oo ku kala sugan garoonka diyaaradaha Baydhabo iyo warshadda Xaseey, lana oga khasaaraha ka dhashay weerarradaas.

7/3/2013 8:42 AM EST
Arbaco, July 03, 2013 (HOL) — Iyadoo lagu guda jiro wareegii labaad ee ololaha doorashooyinka goleyaasha deegaanka ee Puntland, islamarkaana maanta uu ku qornaa ururka xukuumadda ee HORSEED, ayaa waxaa ciidamo aad u tira badan lasoo dhoobay jidadka muhiimka ah ee magaalada Boosaaso.

7/3/2013 8:24 AM EST
Arbaco, July 03, 2013 (HOL) — Magaalada Gaalkacayo ee xarunta gobolka Mudug, waxaa maanta ka dhacay iska hor imaad khasaare badan geystey oo dhex maray ciidamada ammaanka ee Puntland iyo kooxo hubeysan oo kasoo horjeeda ololaha doorashada ee ururka Horseed ee uu hoggaamiyo Madaxweyne Faroole.

7/3/2013 8:23 AM EST
Arbaco, July 03, 2013 (HOL) — Maxkamada degmada Hargeysa, ayaa maanta xukun xadhig iyo ganaax iskugu jira ku riday masuuliyiinta wargeyska madaxa banaan ee HUBAAl ka dib markii xayiraad la saaray wargeyska oo dacwadiisi ka socotay maxkamadda.

7/3/2013 8:20 AM EST
Arbaco, July 03, 2013 (HOL) — Golaha mucaaradka Puntland oo shir-jaraa'id ku qabtay xafiiskooda magaalada Boosaaso, ayaa sheegay in maanta laga horjoogsaday bannaan bax nabadeed oo ka dhan ah urur-siyaasadeedka Horseed.

7/3/2013 7:16 AM EST
Arbaco, July 03, 2013(HOL) :- Mudnayaasha baarlamaanka federaalka Soomaliya ee kasoo jeeda gobollada Jubooyinka iyo Gedo ayaa booqday dhaawacyadii ciidamada dowlada Soomaaliya iyo dad rayid ah oo kusoo dhaawacmay dagaaladii ka dhacay magaalada kismaayo ee xarunta gobolka jubada hoose kuwaasoo lasoo dhigay isbitaalka Madiino ee magaalada Muqdisho.

7/3/2013 4:01 AM EST
Arbaco, July 03, 2013 (HOL) — Magaalada Seattle ee gobolka Washington ayaa lagu soo gabagabeeyey koob kubadda koleyga ah oo loogu magic-daray isbuucii Soomaalida iyo tartan kubadda koley ah kaasoo lagu soo beegay munaasabadda 53-guuradii xoriyadda Soomaaliya. Cayaarahaan oo soo socday muddo toddobaad ah ayaa lasoo gabagabeeyay 01-dii Luuliyo.

7/3/2013 4:00 AM EST
Arbaco, July 03, 2013 (HOL) — Guddoomiyaha bankiga dhexe, Cabdisalaan Cumar Hadliye ayaa iska fogeeyay warbixinta ku saabsan in 80% lacagaha kusoo xarooday bankiga dhexe ee Soomaaliya ay la baxeen shaqsiyaad gaar ah oo ay soo saartay Qaramada Midoobay.