2014-04-24
Today from Hiiraan Online:  _
Wararka Maanta- Arbaco, July 3 , 2013
Xaflad iyo ciyaaro Isboorti oo lagu Maamuusayay Maalinta Xorriyadda dalka oo lagu qabtay Seattle, Washington (SAWIRRO)


Arbaco, July 03, 2013 (HOL) — Magaalada Seattle ee gobolka Washington ayaa lagu soo gabagabeeyey koob kubadda koleyga ah oo loogu magic-daray isbuucii Soomaalida iyo tartan kubadda koley ah kaasoo lagu soo beegay munaasabadda 53-guuradii xoriyadda Soomaaliya. Cayaarahaan oo soo socday muddo toddobaad ah ayaa lasoo gabagabeeyay 01-dii Luuliyo.

Ciyaarahan ayaa waxaa kasoo qayb-galay 14-kooxood oo ka kala yimid gobollada dalka Mareykanka, sida afar koox oo ka socotay magaalada Seattle, koox ka socotay magaalada San Diego ee gobolka California, laba kooxood oo  ka socotay gobolka Minnesota, gaar ahaan magaalooyinka Minneapolis iyo Rocherster, koox ka socotay magaalada Atlanta ee gobolka Georgia.

Tartankan ayaa waxaa soo qabanqaabiyay bulshada ku nool Washington, waxaana abaabulkiisa lahaa Cabdiraxmaan Kalkaal “Juuli”, Daahir Jaamac iyo Axmed Xasan “Canjeero”, kuwaasoo muujiyay howlkarnimo aad u weyn suuro-galna ka dhigay inuu tartankan qabsoomo lana soo gabagabeeyo.

Xubninta golaha deegaanka ee Seattle, Larry Gossett ayaa ka hadlay goobta isagoo sheegay inuu ku faraxsan yahay ka qaybgalka xiritaanka tartanka iyo sidoo kale xaflad loo sameeyay maalinta xorriyadda Soomaaliyeed 01-Luliyo.

Sidoo kale, waxaa goobta ka hadlay, Jen. Shariif Sheekhunaa Maye oo ahaa taliyihii booliiska Soomaaliya, kaasoo dhawaan xilka laga qaaday dibna ugu laabtay dalka Mareykanka, wuxuuna ka sheekeeyay qiimaha ay leedahay 01-da Luuliyo, isagoo sheegay in intii uu dalka ku sugnaa uu howlo badan oo horumar leh sameeyay, isagoo ku boorriyay Soomaalida inay ka shaqeeyaan sidii dalka loo nabadeyn lahaa dibna loogu dhisi lahaa, wuxuuna ugu baaqay inay ka fogaadaan qabyaaladda.

Garyaqaan Cusmaan Gacamey oo ka mid ah qareennadii ugu horreeyey ee dalkeena soo mara ayaa isaguna ka warramay taariikhda loosoo maray sidii xorriyadda hadda la haysto loo soo maray.

Waxaa iyadana goobta lagu soo dhaweeyay  wasiirkii hore ee boostadda iyo isgaarsiinta dowladdii kacaanka ahayd ee Somoaaliya, Cabdullaahi Cosoble Siyaad isla markaana xubin ka ahaa baarlamaankii dowladdii rayidka ahayd ee Soomaaliya ayaa ka sheekeeyay midowgii labadii gobol ee Soomaaliya iyo halgankii ka horreeyay ee dhiig badan oo Soomaaliyeed uu ku daatay, sidii mar shacabka Soomaaliyeed xorriyaddooda u heli lahaayeen.

Dr. Cosoble ayaa u hambalyeeyay guud ahaan shacabka Soomaaliyeed gaar ahaan dowladda uu madaxweynaha ka yahay, Xasan Sheekh Mohamuud, isagoo ugu duceeyay in Ilaahay la garab-galo howsha ay hayso. Shacabkana ka codsaday in lala shaqeeyo oo la taageero xakuumadda Soomaaliya.

Gabagabdii ayaa waxaa dhacday ciyaar u dhexeysay koox ka socotay Seattle, Washington iyo kooxda Atlanta, Georgia iyadoo kooxdii Seattle ka socotay ay hal gool kaga badisay kooxdii ka socday Atlanta. Larry Gossett ayaa koobkii guddoonsiiyay kooxdii ka socotay Seattle ee ku guuleysatay, waxaana ciyaartu ay ahayd mid ay labada kooxood kusoo bandhigeen farsamooyin wanaagsan.

Ugu dambeyn, waxaa dabaaldagga kowda Luuliyo iyo tartanka ciyaaraha ku soo xirtay hadal, guddoomiyaha xarunta Soomaalida ee gobolka Washington Sahro Faarax iyadoo u mahadcelisay intii soo abaabushay munaasabadda iyo tartan ciyaareedka kubadda kolayga.







Hiiraan Online, Seattle Washington





Post your comments

2013-07-03 5:33 PM EST
Arbaco, July 03, 2013(HOL)—Kaddib mudaharaadyo xiriir ahaa oo dhawaanahan ka socday magaalada Qaahira ee xarunta dalka Masar, gaar ahaan halkii looga mudaharaaday Madaxweynihii hore Maxamed Xusni Mubaarak ayaa waxay ugu dambeyntii keeneen in xukunka xoog looga wareejiyo madaxweynaha Masar Maxamed Musri oo xilli yar waddanka soo xukumayay.

2013-07-03 4:12 PM EST
Arbaco, July 03, 2013(HOL) — Xukuumadda Britain ayaa ku dhawaaqday in ay mamnuuceyso qaadka oo ay u aragto in uu halis caafimaad sababo, isla markaana uu la mid yahay daroogada qaarkeed.

2013-07-03 11:30 AM EST
Arbaco, July 03, 2013 (HOL) — Ergayga Midowga Afrika ee arrimaha Somalia dajire Maxamed Saalax Anaadiif ayaa maanta kulan la yeeshay madaxweyne Xasan Sheekh Maxamuud iyo ra’iisul wasaare Cabdi Faarax Shirdoon (Saacid) kaasoo ay kaga hadleen dagaalladii ka dhacay Kismaayo.

2013-07-03 10:51 AM EST
Arbaco, July 03, 2013 (HOL) — Madaxweynaha Puntland C/raxmaan Maxamed Maxamuud (Faroole) oo todobaadyadii ugu danbeeyey safar shaqo dalka dibaddiisa ugu maqnaa ayaa maanta dib ugu soo laabtay caasimadda Puntland ee Garoowe.

2013-07-03 9:34 AM EST
Arbaco, July 03, 2013 (HOL) — Xildhibaannada baarlamaanka Soomaaliya oo maanta kulan ku yeeshay Muqdisho ayaa ansixiyeen hindise sharciyeedka dib u eegista iyo hirgelinta dastuurka dalka.

2013-07-03 9:10 AM EST
Arbaco, July 03, 2013 (HOL) — Xarakada Al-shabaab ayaa madaafiic hoobiye ah xalay iyo saakay ku weeraray saldhigyo ay ciidamada AMISOM iyo kuwa Itoobiya oo ku kala sugan garoonka diyaaradaha Baydhabo iyo warshadda Xaseey, lana oga khasaaraha ka dhashay weerarradaas.

2013-07-03 8:42 AM EST
Arbaco, July 03, 2013 (HOL) — Iyadoo lagu guda jiro wareegii labaad ee ololaha doorashooyinka goleyaasha deegaanka ee Puntland, islamarkaana maanta uu ku qornaa ururka xukuumadda ee HORSEED, ayaa waxaa ciidamo aad u tira badan lasoo dhoobay jidadka muhiimka ah ee magaalada Boosaaso.

2013-07-03 8:24 AM EST
Arbaco, July 03, 2013 (HOL) — Magaalada Gaalkacayo ee xarunta gobolka Mudug, waxaa maanta ka dhacay iska hor imaad khasaare badan geystey oo dhex maray ciidamada ammaanka ee Puntland iyo kooxo hubeysan oo kasoo horjeeda ololaha doorashada ee ururka Horseed ee uu hoggaamiyo Madaxweyne Faroole.

2013-07-03 8:23 AM EST
Arbaco, July 03, 2013 (HOL) — Maxkamada degmada Hargeysa, ayaa maanta xukun xadhig iyo ganaax iskugu jira ku riday masuuliyiinta wargeyska madaxa banaan ee HUBAAl ka dib markii xayiraad la saaray wargeyska oo dacwadiisi ka socotay maxkamadda.

2013-07-03 8:20 AM EST
Arbaco, July 03, 2013 (HOL) — Golaha mucaaradka Puntland oo shir-jaraa'id ku qabtay xafiiskooda magaalada Boosaaso, ayaa sheegay in maanta laga horjoogsaday bannaan bax nabadeed oo ka dhan ah urur-siyaasadeedka Horseed.

2013-07-03 7:16 AM EST
Arbaco, July 03, 2013(HOL) :- Mudnayaasha baarlamaanka federaalka Soomaliya ee kasoo jeeda gobollada Jubooyinka iyo Gedo ayaa booqday dhaawacyadii ciidamada dowlada Soomaaliya iyo dad rayid ah oo kusoo dhaawacmay dagaaladii ka dhacay magaalada kismaayo ee xarunta gobolka jubada hoose kuwaasoo lasoo dhigay isbitaalka Madiino ee magaalada Muqdisho.

2013-07-03 4:00 AM EST
Arbaco, July 03, 2013 (HOL) — Guddoomiyaha bankiga dhexe, Cabdisalaan Cumar Hadliye ayaa iska fogeeyay warbixinta ku saabsan in 80% lacagaha kusoo xarooday bankiga dhexe ee Soomaaliya ay la baxeen shaqsiyaad gaar ah oo ay soo saartay Qaramada Midoobay.