2014-08-27
Today from Hiiraan Online:  _
Wararka Maanta- Talaado, July 2 , 2013
Kumannaan Soomaali ah oo isugu soo baxay xaafada Islii si ay u xusaan sannadguuradii 53-aad ee xorriyada Soomaaliya


942092_10201026834248631_1287992928_n.jpg
Talaado, July 02, 2013 (HOL) - Soomaali lagu qiyaasay kumanaan kun ayaa habaynkii xalay ahaa isugu soo baxay fagaare ku yaalla xaafada Islii ee Soomaalida ay ka daggantahay magaalada Nairobi.
935826_10152963094920442_1199770195_n.jpg


Dadka isu soo baxay oo u badnaa dhalinyaro ayaa waxay jirkooda iyo wajiyada ku soo xardheen midabada calanka jamhuuriyada Soomaaliya iyagoo sidoo kalana xirnaa dhar calanka u eg, xilli dunida dacalladeeda ay Soomaalidu wadeen xaflado lagu xusayo  sannadguuradii 53-aad ee kasoo wareegatay markii ay midoobeen gobollada waqooyiga iyo koonfurta Soomaaliya iyo markii si toos ay isugu biireen labadii gobol ee ka kala xoroobay Talyaaniga iyo Ingiriiska 1-da Luuliyo 1960-kii.

Waxaana dhalinyarada ku maaweelinayay heesaha wadaniga fanaaniin ay hormuud ka yihiin kooxda waayaha cusub oo isu soo baxa soo qabanqaabisay.

Shiine Akhyaar, gudoomiyaha kooxda waayaha cusub ee soo qabanqaabisay isu soo baxan ayaa ku tilmaamay dadkii halkaas isugu yimid inay ka badnaayeen kuwii sannadkii hore isugu yimid oo lagu tilmaamay inuu ahaa isu soo bixii ugu waynaa ee Soomaalidu ay ka sameeyaan caalamka.

Guud ahaanba xaafada Islii ayaa laga dareemay damaashaadka oo ila xalay saqdii dhexe socday, iyadoo si nabadgalyo ahna uu ku soo gabagaboobay.

1039650_224516804362159_692956680_o.jpg
1016103_10201026834648641_487516449_n.jpg
1012799_10152963099470442_708275156_n.jpg

Axmed C/samad, Hiiraan Online
asamad@hiiraan.com
Nairobi , Kenya




Post your comments

2013-07-02 12:01 PM EST
Talaado, July 02, 2013 (HOL) — Wasiirka Arrimaha gudaha Somalia, C/kariin Xuseen Guuleed oo ka hadlay xaaladda Sheekh Xasan Daahir ayaa sheegay inuu ku jiro gacanta dowladda Soomaaliya uuna caafimaad qabo, isagoo wax aan jirin ku tilmaamay wararka sheegaya in lagu wareejiyay dad ajnabi ah.

2013-07-02 11:07 AM EST
Talaado, July 02, 2013 (HOL) — Qaar kamid ah dadkii ku dhaawacmay dagaalladii ka dhacay magaalada Kismaayo - dhowrkii maalmood ee lasoo dhaafay- ayaa maanta lasoo gaarsiiyey magaalada Gaalkacayo ee xarunta gobolka Mudug.

2013-07-02 11:02 AM EST
Talaado, July 02, 2013 (HOL) — Ururka hormarinta midowgga dhalinyarrada gobolka Hiiraan oo kashanaya qaar ka mid ah guddiyada xaafaddaha magaalada Baladweyne ayaa bilaaway dib u dayactir lagu sameynayo jidadka muhiim u ah isku xirka magaalada iyo deegaannada ku dhaw dhaw oo ay dhibaato ku qabeen gadiidleyda iyo dadka kale ee isticmaala.

2013-07-02 10:15 AM EST
Talaado, July 02, 2013 (HOL) — Madaxtooyada Puntland ee Garoowe waxaa maanta kulan ku yeeshay wefdi ka socda dowlad deegaanka Soomaalida ee Itoobiya (DDSI) oo shalay Garoowe soo gaarey iyo mas'uuliyiinta ugu sareysa maamulka Puntland.

2013-07-02 8:43 AM EST
Talaado, July 02, 2013 (HOL) — Madaxweynaha Soomaaliya, Xasan Sheekh Maxamud ayaa maanta waraaqihii aqoonsiga danjirenimo kala guddoomay danjiraha cusub ee Britain ay u soo magacowday Soomaaliya, Neil Wigan.

2013-07-02 4:12 AM EST
Talaado, July 02, 2013 (HOL) — Ururka dhallinyarada SYAO ayaa Muqdisho kula qabtay kulan lagu taageerayay sidii dhallinyarada Somaliland kasoo jeeda ee Muqdisho ku sugan ay fursado shaqo uga heli lahaayeen hay’adaha dowladda Soomaaliya iyo kuwa gaarka ah, iyadoo kulankan lagu soo beegay shalay oo ahayd maalintii xoriyadda Soomaaliya.

2013-07-02 4:02 AM EST
Talaado, July 02, 2013 (HOL) — Madaxweyne ku xigeenka Puntland, C/samad Cali Shire ayaa dowladda Soomaaliya ku eedeeyay inay kasoo horjeeddo maamulka Jubbaland iyo joogitaanka ciidamada Kenya ee qaybta ka ah howgalka Midowga Afrika ee AMISOM.

2013-07-02 4:01 AM EST
Talaado, July 02, 2013 (HOL) — Xildhibaannada baarlamaanka Somalia ayaa lagu wadaa inay maanta yeeshaan kulan ka duwan kuwii hore oo soconaya muddo bil ah, kaddib markii uu dhawaan sidaas ka codsaday madaxweynaha dowladda Soomaaliya, Xasan Sheekh Maxamuud.

2013-07-02 3:59 AM EST
Talaado, July 02, 2013 (HOL) — Duqa magaalada Laascaanood ee xarunta gobolka Sool, Cabdiqaadir Jaamac Saalax ayaa shir lagu qabtay xafiiska ay leeyihiin barakacayaasha gobolka Sool ayaa ugu baaqay dhamaan hay’adaha samafalka ee ka hawlgala magaalada inay qayb ka qaataan caawinta dadka barakacayaasha ah ee ku sugan magaaladaas iyo qaybaha kale ee gobolka.