2014-10-20
Today from Hiiraan Online:  _
Wararka Maanta- Talaado, July 2 , 2013
Wafdi ka socda Ismaamulka Soomaalida Itoobiya oo Maanta Garoowe kulan kula yeeshay Madaxda Maamulka Puntland



Talaado, July 02, 2013 (HOL) — Madaxtooyada Puntland ee Garoowe waxaa maanta kulan ku yeeshay wefdi ka socda dowlad deegaanka Soomaalida ee Itoobiya (DDSI) oo shalay Garoowe soo gaarey iyo mas'uuliyiinta ugu sareysa maamulka Puntland.

Kulanka oo ahaa mid muddo saacad ka badan qaatay waxaa dhinaca Puntland uga qayb galay madaxweyne ku-xigeenka ahna sii hayaha xilka madaxweynaha Jen. C/samed Cali Shire halka ay dhinaca DDSI uga qayb galeen mas'uuliyiin ay kamid yihiin: wasiirka tababarrada iyo xirfadaha Maxamed Faatax Maxamed iyo wasiir ku-xigeenka shaqaalaha Qalbi Axmed Jaamac.

Sidoo kale waxaa kulanka maanta ka dhacay xarunta madaxtooyada Puntland ee Garoowe ka qayb galay madax dhaqameedka dhulka ismaamulka Soomaalida ee Itoobiya qaar kamid ah, kuwaasoo iyagu qayb ka ahaa wefdiga shalay Garoowe soo gaarey.

Qodobbada ugu muhiimsan ee ay labada dhinac kulankooda iskula soo qaadeenna waxaa kamid ahaa: xoojinta xiriirka labada dhinac, is-dhaafsiga khibradaha dhanka shaqada iyo weliba xoojinta heshiis ay sanadkii hore labada madaxweyne ee Puntland iyo DDSI ku kala saxiixdeen magaalada Jigjiga.

Madaxwne ku-xigeenka Puntland oo kulanka kaddib si kooban war-fidiyeenka ula hadlay ayaa sheegay in ay soo dhoweynayaan booqashada wefdiga DDSI ka socdaa ay Puntland kusoo gaareen, wuxuuna intaas raaciyey in ay tahay markii ugu horeysey ee wefdi heerkan gaarsiisan oo ka socda dhinaca Jigjiga ay Garoowe soo gaaraan.

Wasiirka tababarrada iyo xirfadaha ee dowlad deegaanka Soomaalida ee Itoobiya Maxamed Faarax Maxamed ayaa isna dhankiisa sheegay in  ay aad ugu faraxsan yihiin safarka shaqo ee  ay xilligan kusoo gaareen Puntland, isagoo xusay in booqashooyinka noocan ahi ay noqonayaan kuwo joogto ah.

Wafdiga ka socda dowlad deegaanka Soomaalida ee Itoobiya oo ka kooban wasiirro iyo isimmo waxaa la filayaa in maalmaha soo aaddan ay u gudbaan dhinaca magaalada Qardho, halkaas oo uu ka dhici doono aaska Boqor C/laahi Boqor Muuse oo isniintii lasoo dhaafay ku geeriyoodey dalka Finland.

Maxamed Salaad Xaaji Dirir, Hiiraan Online
xaajidirir@hiiraan.com
Puntland, Soomaaliya





Post your comments

2013-07-02 2:37 PM EST
Soomaali lagu qiyaasay kumanaan kun ayaa habaynkii xalay ahaa isugu soo baxay fagaare ku yaalla xaafada Islii ee Soomaalida ay ka daggantahay magaalada Nairobi.

2013-07-02 12:01 PM EST
Talaado, July 02, 2013 (HOL) — Wasiirka Arrimaha gudaha Somalia, C/kariin Xuseen Guuleed oo ka hadlay xaaladda Sheekh Xasan Daahir ayaa sheegay inuu ku jiro gacanta dowladda Soomaaliya uuna caafimaad qabo, isagoo wax aan jirin ku tilmaamay wararka sheegaya in lagu wareejiyay dad ajnabi ah.

2013-07-02 11:07 AM EST
Talaado, July 02, 2013 (HOL) — Qaar kamid ah dadkii ku dhaawacmay dagaalladii ka dhacay magaalada Kismaayo - dhowrkii maalmood ee lasoo dhaafay- ayaa maanta lasoo gaarsiiyey magaalada Gaalkacayo ee xarunta gobolka Mudug.

2013-07-02 11:02 AM EST
Talaado, July 02, 2013 (HOL) — Ururka hormarinta midowgga dhalinyarrada gobolka Hiiraan oo kashanaya qaar ka mid ah guddiyada xaafaddaha magaalada Baladweyne ayaa bilaaway dib u dayactir lagu sameynayo jidadka muhiim u ah isku xirka magaalada iyo deegaannada ku dhaw dhaw oo ay dhibaato ku qabeen gadiidleyda iyo dadka kale ee isticmaala.

2013-07-02 8:43 AM EST
Talaado, July 02, 2013 (HOL) — Madaxweynaha Soomaaliya, Xasan Sheekh Maxamud ayaa maanta waraaqihii aqoonsiga danjirenimo kala guddoomay danjiraha cusub ee Britain ay u soo magacowday Soomaaliya, Neil Wigan.

2013-07-02 4:12 AM EST
Talaado, July 02, 2013 (HOL) — Ururka dhallinyarada SYAO ayaa Muqdisho kula qabtay kulan lagu taageerayay sidii dhallinyarada Somaliland kasoo jeeda ee Muqdisho ku sugan ay fursado shaqo uga heli lahaayeen hay’adaha dowladda Soomaaliya iyo kuwa gaarka ah, iyadoo kulankan lagu soo beegay shalay oo ahayd maalintii xoriyadda Soomaaliya.

2013-07-02 4:02 AM EST
Talaado, July 02, 2013 (HOL) — Madaxweyne ku xigeenka Puntland, C/samad Cali Shire ayaa dowladda Soomaaliya ku eedeeyay inay kasoo horjeeddo maamulka Jubbaland iyo joogitaanka ciidamada Kenya ee qaybta ka ah howgalka Midowga Afrika ee AMISOM.

2013-07-02 4:01 AM EST
Talaado, July 02, 2013 (HOL) — Xildhibaannada baarlamaanka Somalia ayaa lagu wadaa inay maanta yeeshaan kulan ka duwan kuwii hore oo soconaya muddo bil ah, kaddib markii uu dhawaan sidaas ka codsaday madaxweynaha dowladda Soomaaliya, Xasan Sheekh Maxamuud.

2013-07-02 3:59 AM EST
Talaado, July 02, 2013 (HOL) — Duqa magaalada Laascaanood ee xarunta gobolka Sool, Cabdiqaadir Jaamac Saalax ayaa shir lagu qabtay xafiiska ay leeyihiin barakacayaasha gobolka Sool ayaa ugu baaqay dhamaan hay’adaha samafalka ee ka hawlgala magaalada inay qayb ka qaataan caawinta dadka barakacayaasha ah ee ku sugan magaaladaas iyo qaybaha kale ee gobolka.