2014-09-15
Today from Hiiraan Online:  _
Wararka Maanta- Talaado, July 2 , 2013
Madaxweynaha Somalia oo Warqadihii Aqoonsiga Safiirnimo ka guddoomay danjiraha Britain u joogaya Somalia (SAWIRRO)



Talaado, July 02, 2013 (HOL) — Madaxweynaha Soomaaliya, Xasan Sheekh Maxamud ayaa maanta waraaqihii aqoonsiga danjirenimo kala guddoomay danjiraha cusub ee Britain ay u soo magacowday Soomaaliya, Neil Wigan.

Ra’iisul wasaare ku xigeenka ahna wasiiradda arrimaha dibadda Soomaaliya, Fowziyo Yuusuf Xaaji Aadan ayaa goob-joog ka ahayd kulanka dhexmaray madaxweynaha Soomaaliya iyo dajiraha UK.

Madaxweynaha ayaa uga mahadceliyay dowladda Ingiriiska sida ay doorka hoggaamineed uga qaadatay Soomaaliya oo ayna mar walba u garab-taagan tahay dowladda iyo shacabka Soomaaliyeed.

Dajiraha cusub ee Britain ayaa isagana madaxweynaha uga mahadceliyay ka guddoonka waraaqihiisa aqoonsiga, isla markaana soo gaarsiiyay farriin uu uga siday ra’iisul wasaaraha UK, David Cameron taasoo uu ku sheegay inay dowladda Ingiriiska ka go’antahay sidii loo saacidi lahaa dowladda iyo dadka Soomaaliyeed.

Madaxweynaha ayaa ugu dambeyntii u rajeeyay safiirka cusub, Neil Wigan inuu howshiisa u guto si wanaagsan, dowladda iyo shacabka Soomaaliyana ay diyaar u yihiin inay la shaqeeyaan.

Kulanka kaddib ayaa wasiiadda arrimaha dibadda Soomaaliya iyo danjiraha cuusb ee Britain waxay qabteen shir jaraa’id, kaasoo ay ku sheegeen in wixii maanta ka dambeeya uu danjiraha Britain ee Soomaaliya ku shaqeyn doono Muqdisho.

Safiirka oo dhankiisa hadlay ayaa sheegay inuu aad ugu faraxsan yahay inuu ka shaqeeyo Soomaaliya, isagoo hadalkiisa ku billaabay erayo af Soomaali ah ayuu haddana xusay inuu ku shaqeyn doono Muqdisho uuna rajeynayo in howshiisa ay noqoto mid waxtar u yeelata Soomaalida.

Dowladda Britain ayaa waxay ahayd dowladdii ugu horreysay oo Yurub ah oo safaarad ka furata Muqdisho, iyadoo safaaraddeedu ay ku taallo xarunta ay AMISOM ka daggan tahay Muqdisho ee Xalane.



Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-07-02 2:37 PM EST
Soomaali lagu qiyaasay kumanaan kun ayaa habaynkii xalay ahaa isugu soo baxay fagaare ku yaalla xaafada Islii ee Soomaalida ay ka daggantahay magaalada Nairobi.

2013-07-02 12:01 PM EST
Talaado, July 02, 2013 (HOL) — Wasiirka Arrimaha gudaha Somalia, C/kariin Xuseen Guuleed oo ka hadlay xaaladda Sheekh Xasan Daahir ayaa sheegay inuu ku jiro gacanta dowladda Soomaaliya uuna caafimaad qabo, isagoo wax aan jirin ku tilmaamay wararka sheegaya in lagu wareejiyay dad ajnabi ah.

2013-07-02 11:07 AM EST
Talaado, July 02, 2013 (HOL) — Qaar kamid ah dadkii ku dhaawacmay dagaalladii ka dhacay magaalada Kismaayo - dhowrkii maalmood ee lasoo dhaafay- ayaa maanta lasoo gaarsiiyey magaalada Gaalkacayo ee xarunta gobolka Mudug.

2013-07-02 11:02 AM EST
Talaado, July 02, 2013 (HOL) — Ururka hormarinta midowgga dhalinyarrada gobolka Hiiraan oo kashanaya qaar ka mid ah guddiyada xaafaddaha magaalada Baladweyne ayaa bilaaway dib u dayactir lagu sameynayo jidadka muhiim u ah isku xirka magaalada iyo deegaannada ku dhaw dhaw oo ay dhibaato ku qabeen gadiidleyda iyo dadka kale ee isticmaala.

2013-07-02 10:15 AM EST
Talaado, July 02, 2013 (HOL) — Madaxtooyada Puntland ee Garoowe waxaa maanta kulan ku yeeshay wefdi ka socda dowlad deegaanka Soomaalida ee Itoobiya (DDSI) oo shalay Garoowe soo gaarey iyo mas'uuliyiinta ugu sareysa maamulka Puntland.

2013-07-02 4:12 AM EST
Talaado, July 02, 2013 (HOL) — Ururka dhallinyarada SYAO ayaa Muqdisho kula qabtay kulan lagu taageerayay sidii dhallinyarada Somaliland kasoo jeeda ee Muqdisho ku sugan ay fursado shaqo uga heli lahaayeen hay’adaha dowladda Soomaaliya iyo kuwa gaarka ah, iyadoo kulankan lagu soo beegay shalay oo ahayd maalintii xoriyadda Soomaaliya.

2013-07-02 4:02 AM EST
Talaado, July 02, 2013 (HOL) — Madaxweyne ku xigeenka Puntland, C/samad Cali Shire ayaa dowladda Soomaaliya ku eedeeyay inay kasoo horjeeddo maamulka Jubbaland iyo joogitaanka ciidamada Kenya ee qaybta ka ah howgalka Midowga Afrika ee AMISOM.

2013-07-02 4:01 AM EST
Talaado, July 02, 2013 (HOL) — Xildhibaannada baarlamaanka Somalia ayaa lagu wadaa inay maanta yeeshaan kulan ka duwan kuwii hore oo soconaya muddo bil ah, kaddib markii uu dhawaan sidaas ka codsaday madaxweynaha dowladda Soomaaliya, Xasan Sheekh Maxamuud.

2013-07-02 3:59 AM EST
Talaado, July 02, 2013 (HOL) — Duqa magaalada Laascaanood ee xarunta gobolka Sool, Cabdiqaadir Jaamac Saalax ayaa shir lagu qabtay xafiiska ay leeyihiin barakacayaasha gobolka Sool ayaa ugu baaqay dhamaan hay’adaha samafalka ee ka hawlgala magaalada inay qayb ka qaataan caawinta dadka barakacayaasha ah ee ku sugan magaaladaas iyo qaybaha kale ee gobolka.