2014-10-01
Today from Hiiraan Online:  _
Wararka Maanta- Talaado, July 2 , 2013
Madaxweyne ku xigeenka Puntland oo eedeyay Dowlada Soomaaliya isagoo difaacay Joogitaanka Ciidamada Kenya


Talaado, July 02, 2013 (HOL) — Madaxweyne ku xigeenka Puntland, C/samad Cali Shire ayaa dowladda Soomaaliya ku eedeeyay inay kasoo horjeeddo maamulka Jubbaland iyo joogitaanka ciidamada Kenya ee qaybta ka ah howgalka Midowga Afrika ee AMISOM.

C/samad Cali Shire wuxuu ku eedeeyay dowladda Soomaaliya inay qayb ka qaadatay dagaalladii ka dhacay Kismaayo, ayna faragelin qaawan ku hayso maamulka Jubbaland ee uu madaxda ka yahay Sheekh Axmed Madoobe, sidoo kalena ay cambaareynayso ciidamada Kenya, markii laga adkaaday xoogaggii kasoo horjeeday maamulka Jubbaland sida Col. Barre Hiiraale iyo xubno kale oo uu ku sheegay Al-shabaab.

"Dowladda waxay faragelin ku haysaa maamulka Jubbaland, dhawaan waxay dhaleeceysay ciidamada Kenya ee qaybta ka ah howgalka AMISOM, waayo waxay dowladdu dhaleeceynta billowday markii laga adkaaday raggii kasoo horjeeday Jubbaland ee magaalada ka dagaalamay, taasna ma ahan mid la aqbali karo,” ayuu yiri madaxweyne xigeenka Puntland.

Sidoo kale, madaxweyne ku xigeenku wuxuu sheegay in ciidamada Kenya ay ka mid yihiin AMISOM, eedeynta dowladdu ay u jeedisayna ay tahay mid aan la ogolaan karin, maadaama ay howlahooda si caadi ah u wataan.

"Waan taageeraynaa joogitaanka ciidamada Puntland ee Jubbooyinka waayo waxay ka mid yihiin AMISOM, ma ahan in la kala sooco ciidamada Midowga Afrika ka socda, kuwa Xamar joogana in lasoo dhaweeyo kuwa Jubbooyinka joogana la dhaliilo waa arrin aanan fahmi karin,” ayuu hadalkiisa ku daray.

Madaxweyne ku xigeenka Puntland wuxuu sheegay in maamulkiisu uu si cad u taageersan yahay maamulka Jubbaland ee uu hoggaaminayo Sheekh Axmed Maxamed Islaam (Sheekh Axmed Madoobe) ayna soo dhaweynayaan joogitaanka ciidamada Kenya.

Dowladda Soomaaliya ayaan wax jawaab ah ka bixin hadalka madaxweyne ku xigeenka Puntland, iyadoo dowladdu ay horay u sheegtay in maamulka Jubbaland ee Kismaayo looga dhawaaqay uu yahay mid aan waafaqsanayn shuruucda kala duwan ee dalka u taalla.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-07-02 2:37 PM EST
Soomaali lagu qiyaasay kumanaan kun ayaa habaynkii xalay ahaa isugu soo baxay fagaare ku yaalla xaafada Islii ee Soomaalida ay ka daggantahay magaalada Nairobi.

2013-07-02 12:01 PM EST
Talaado, July 02, 2013 (HOL) — Wasiirka Arrimaha gudaha Somalia, C/kariin Xuseen Guuleed oo ka hadlay xaaladda Sheekh Xasan Daahir ayaa sheegay inuu ku jiro gacanta dowladda Soomaaliya uuna caafimaad qabo, isagoo wax aan jirin ku tilmaamay wararka sheegaya in lagu wareejiyay dad ajnabi ah.

2013-07-02 11:07 AM EST
Talaado, July 02, 2013 (HOL) — Qaar kamid ah dadkii ku dhaawacmay dagaalladii ka dhacay magaalada Kismaayo - dhowrkii maalmood ee lasoo dhaafay- ayaa maanta lasoo gaarsiiyey magaalada Gaalkacayo ee xarunta gobolka Mudug.

2013-07-02 11:02 AM EST
Talaado, July 02, 2013 (HOL) — Ururka hormarinta midowgga dhalinyarrada gobolka Hiiraan oo kashanaya qaar ka mid ah guddiyada xaafaddaha magaalada Baladweyne ayaa bilaaway dib u dayactir lagu sameynayo jidadka muhiim u ah isku xirka magaalada iyo deegaannada ku dhaw dhaw oo ay dhibaato ku qabeen gadiidleyda iyo dadka kale ee isticmaala.

2013-07-02 10:15 AM EST
Talaado, July 02, 2013 (HOL) — Madaxtooyada Puntland ee Garoowe waxaa maanta kulan ku yeeshay wefdi ka socda dowlad deegaanka Soomaalida ee Itoobiya (DDSI) oo shalay Garoowe soo gaarey iyo mas'uuliyiinta ugu sareysa maamulka Puntland.

2013-07-02 8:43 AM EST
Talaado, July 02, 2013 (HOL) — Madaxweynaha Soomaaliya, Xasan Sheekh Maxamud ayaa maanta waraaqihii aqoonsiga danjirenimo kala guddoomay danjiraha cusub ee Britain ay u soo magacowday Soomaaliya, Neil Wigan.

2013-07-02 4:12 AM EST
Talaado, July 02, 2013 (HOL) — Ururka dhallinyarada SYAO ayaa Muqdisho kula qabtay kulan lagu taageerayay sidii dhallinyarada Somaliland kasoo jeeda ee Muqdisho ku sugan ay fursado shaqo uga heli lahaayeen hay’adaha dowladda Soomaaliya iyo kuwa gaarka ah, iyadoo kulankan lagu soo beegay shalay oo ahayd maalintii xoriyadda Soomaaliya.

2013-07-02 4:01 AM EST
Talaado, July 02, 2013 (HOL) — Xildhibaannada baarlamaanka Somalia ayaa lagu wadaa inay maanta yeeshaan kulan ka duwan kuwii hore oo soconaya muddo bil ah, kaddib markii uu dhawaan sidaas ka codsaday madaxweynaha dowladda Soomaaliya, Xasan Sheekh Maxamuud.

2013-07-02 3:59 AM EST
Talaado, July 02, 2013 (HOL) — Duqa magaalada Laascaanood ee xarunta gobolka Sool, Cabdiqaadir Jaamac Saalax ayaa shir lagu qabtay xafiiska ay leeyihiin barakacayaasha gobolka Sool ayaa ugu baaqay dhamaan hay’adaha samafalka ee ka hawlgala magaalada inay qayb ka qaataan caawinta dadka barakacayaasha ah ee ku sugan magaaladaas iyo qaybaha kale ee gobolka.