3/28/2024
Today from Hiiraan Online:  _
Wararka Maanta- Talaado, July 2 , 2013
Duqa Laascaanood oo Hay’adaha Samafalka ugu Baaqay inay Gargaar lasoo gaaraan dadka Barkacayaasha ah (SAWIRRO)


Talaado, July 02, 2013 (HOL) — Duqa magaalada Laascaanood ee xarunta gobolka Sool, Cabdiqaadir Jaamac Saalax ayaa shir lagu qabtay xafiiska ay leeyihiin barakacayaasha gobolka Sool ayaa ugu baaqay dhamaan hay’adaha samafalka ee ka hawlgala magaalada inay qayb ka qaataan caawinta dadka barakacayaasha ah ee ku sugan magaaladaas iyo qaybaha kale ee gobolka.

Cabdiqaadir Jaamac ayaa madasha ka sheegay inay bishii barakaysnayd ee Ramadaan ay in soo fool leedahay oo aysan awood u lahayn dadkaan in ay daboolaan baahidooda maamul ahaanna aysa wax ka hagran doonin.

Ku xigeenka duqa dagmada Laascaanood, Cabdi Maahir Cashuur oo ka qayb-galay shirkan ayaa isagana carrabka ku dhuftay in duruuf nololeed oo aad u adag ay haysato barakacayaasha ku sugan magaalada,wuxuuna xusay inay jiraan hantiilayaal ku dhaqan Laascaanood  oo wax tari kara bulshadan.

Guddoomiyaha guddiga barakacayaasha, Jibriil Qaasim iyo xoghayaha Xasan Maxamed Cali oo iyaguna hadlay ayaa ku dheeraada ka sheekeynta dhibta haysata, iyagoo hay’adaha qaarkood ku dhaliilay inay ku been abuurtaan .

Jibriil Qaasim ayaa xusay inay samaysteen xafiis u gaar ah oo ciddii jecel in ay ka qayb-qaadato caawinta barakacayaasha ay ugu soo hagaagi karaan, isagoo maamulka iyo hay’adaha ugu baaqay in la caawiyo.

Si kastaba ha ahaatee, barakacayaash ku nool gobolka Sool ayaa aad u sii tiro badanaya, waxayna isugu jiraan dad colaaddii uga soo cararay goobihii ay ku noolaayeen ee Koonfurta Soomaaliya iyo kuwo kasoo barakacay goobo ku dhowdhow degmada Laascaanood oo ay abaaro ka dillaaceen.


Seynab Cabdi Warsame, Hiiraan Online
[email protected]
Laascaanood, Gobolka Sool













Click here
7/2/2013 2:37 PM EST
Soomaali lagu qiyaasay kumanaan kun ayaa habaynkii xalay ahaa isugu soo baxay fagaare ku yaalla xaafada Islii ee Soomaalida ay ka daggantahay magaalada Nairobi.

7/2/2013 12:01 PM EST
Talaado, July 02, 2013 (HOL) — Wasiirka Arrimaha gudaha Somalia, C/kariin Xuseen Guuleed oo ka hadlay xaaladda Sheekh Xasan Daahir ayaa sheegay inuu ku jiro gacanta dowladda Soomaaliya uuna caafimaad qabo, isagoo wax aan jirin ku tilmaamay wararka sheegaya in lagu wareejiyay dad ajnabi ah.

7/2/2013 11:07 AM EST
Talaado, July 02, 2013 (HOL) — Qaar kamid ah dadkii ku dhaawacmay dagaalladii ka dhacay magaalada Kismaayo - dhowrkii maalmood ee lasoo dhaafay- ayaa maanta lasoo gaarsiiyey magaalada Gaalkacayo ee xarunta gobolka Mudug.

7/2/2013 11:02 AM EST
Talaado, July 02, 2013 (HOL) — Ururka hormarinta midowgga dhalinyarrada gobolka Hiiraan oo kashanaya qaar ka mid ah guddiyada xaafaddaha magaalada Baladweyne ayaa bilaaway dib u dayactir lagu sameynayo jidadka muhiim u ah isku xirka magaalada iyo deegaannada ku dhaw dhaw oo ay dhibaato ku qabeen gadiidleyda iyo dadka kale ee isticmaala.

7/2/2013 10:15 AM EST
Talaado, July 02, 2013 (HOL) — Madaxtooyada Puntland ee Garoowe waxaa maanta kulan ku yeeshay wefdi ka socda dowlad deegaanka Soomaalida ee Itoobiya (DDSI) oo shalay Garoowe soo gaarey iyo mas'uuliyiinta ugu sareysa maamulka Puntland.

7/2/2013 8:43 AM EST
Talaado, July 02, 2013 (HOL) — Madaxweynaha Soomaaliya, Xasan Sheekh Maxamud ayaa maanta waraaqihii aqoonsiga danjirenimo kala guddoomay danjiraha cusub ee Britain ay u soo magacowday Soomaaliya, Neil Wigan.

7/2/2013 4:12 AM EST
Talaado, July 02, 2013 (HOL) — Ururka dhallinyarada SYAO ayaa Muqdisho kula qabtay kulan lagu taageerayay sidii dhallinyarada Somaliland kasoo jeeda ee Muqdisho ku sugan ay fursado shaqo uga heli lahaayeen hay’adaha dowladda Soomaaliya iyo kuwa gaarka ah, iyadoo kulankan lagu soo beegay shalay oo ahayd maalintii xoriyadda Soomaaliya.

7/2/2013 4:02 AM EST
Talaado, July 02, 2013 (HOL) — Madaxweyne ku xigeenka Puntland, C/samad Cali Shire ayaa dowladda Soomaaliya ku eedeeyay inay kasoo horjeeddo maamulka Jubbaland iyo joogitaanka ciidamada Kenya ee qaybta ka ah howgalka Midowga Afrika ee AMISOM.

7/2/2013 4:01 AM EST
Talaado, July 02, 2013 (HOL) — Xildhibaannada baarlamaanka Somalia ayaa lagu wadaa inay maanta yeeshaan kulan ka duwan kuwii hore oo soconaya muddo bil ah, kaddib markii uu dhawaan sidaas ka codsaday madaxweynaha dowladda Soomaaliya, Xasan Sheekh Maxamuud.