2014-09-03
Today from Hiiraan Online:  _
Wararka Maanta- Isniin, July 15, 2013
U qeybsanaha Safaaradda Soomaaliyeed ee Dhanka Ganacsiga ayaa shalay ka qeybgashay Bandhig Ganacsi ay soo abaabushay Wasaaradda Warshadaha Dowladda Sudan (SAWIRRO)



Isniin, July 15, 2013(HOL)—Wasaaradda Warshadaha Dowladda  Sudan oo kaashaneysa Midowga Rugta Warshadaha ayaa shalay soo bandhigtay wax soosaarka Warshadahooda, iyadoo ay kasoo qeyb galeen bandhigaasi Wakiilada  dhanka Ganacsiga ee Safaaradaha Wadamada Caalamka ay ku leeyihiin Dalka Suudaan.

 

Bandhiggan Ganacsi ee ay sameysay Wasaaradda Warshadaha Sudan ayaa waxaa ka qeybqaatay Boqol iyo Konton Shirkadood oo Maxalli ah , kuwaasoo soo bandhigay waxyaabaha ay soo saaraan shirkadahooda sida Warshadda Soosaarta Sonkorta, Burta, Caanaha, Cabitaaka, Yaanyo ShiiShiid , Saliida, Suufka, Kabaha, Lacagta, Gawaarida iyo kuwa kale.

 

Dowladda Soomaaliya ayaa Bandhigaasi uga Qeybgalay Marwo Suusaan Xirsi Faarax oo ah Uqeybsanaha dhanka Ganacsiga ee Safaaradda Soomaaliyeed ee Dalka Suudaan iyo Uqeybsanaha Dhanka Waxbarashada, hidaha iyo Tacliinta Mudane C/qaadir Maxamuud Cali (Guulane).

 

Uqeybsanaha dhanka Ganacsiga ee Safaaradda Soomaaliyeed ee Dalka Suudaan Marwo Suusaan Xirsi Faarax oo Saxaafadda la hadashay kadib markii uu soo idlaaday Bandhigaas ayaa sheegtay in Dowladda Sudan ay ku talaabsatay Horumar aan horey loogu arag Wadamada Afrika , waxayna tusaale usoo qaadatay Warshada Sonkorta oo soo saartay Noocyada kala gedisan sida Sonkor Caddaan, Gaduud iyo  wixii la mid ah.

 


Intaas kaddib waxay sheegtay in Wasiirka Warshada Dowladda Sudan uu horey ugu ballanqaaday in ay Tababar u furi doonaan Walaalahooda Soomaaliyeed , ama khubaro ay soomaaliya u diri doonaan oo halkaasi Tababaro ku bixin bixiya.

 

Ugu dambeyn waxay hambalyo ku aaddan Curashada Bisha Barakeysan ee Ramadaan u dirtay Madaxda ugu sareysa ee dowladda , iyadoo si gaar ah u xustay Wasiirka Ganacsiga iyo Warshadaha Dowladda Federaalka Soomaaliya Mudane Maxamuud Axmed Xasan oo ay u rajeysay Nabad iyo Barwaaqo ay ku gaaraan soonkan Soonkiisa kale.




 

C/qaadir Maxamed C/qaadir (Carab)

cmc_vip@hotmail.com

Khartuum – Suudaan





Post your comments

2013-07-15 10:52 AM EST
Isniin, July 15, 2013 (HOL) —Wasiirka Duulista iyo hawada Somaliland Maxamuud Xaashi Cabdi, ayaa sheegay inuu xayiraaddii ka qaaday duulimaadyadii diyaaradaha Qaramada midoobay ee si ku meelgaadh ah uga joojiyey madaaradda Somaliland.

2013-07-15 8:09 AM EST
Isniin, July 15, 2013 (HOL) — Ciidamada Kenya ee ku sugan Kismaayo ayaa iska fogeeyay eedeyn ay guddiga la socodka Soomaaliya iyo Eritrea maalin ka hor soo saareen, taasoo ay ku sheegeen in ciidamada Kenya ay gacan ku siiyaan maamulka Axmed Madoobe dhoofinta dhuxusha.

2013-07-15 7:47 AM EST
Isniin, July 15, 2013 (HOL) — Xildhibaanada baarlamaanka Soomaaliya ayaa maanta diiday hindise-sharciyeedka Gar-doon oo ay soo gudbisay wasaarada cadaalad, owqaafta iyo arrimaha diinta xukuumadda Soomaaliya, iyadoo ay inta badan mudanayaashu u codeeyeen diidmada sharcigan.

2013-07-15 7:27 AM EST
Isniin, July 15, 2013 (HOL) — Madaxweynaha Somaliland, Axmed Maxamed Maxamuud (Siilaanyo) ayaa xalay casuumad ugu sameeyey culimadda Somaliland xarunta madaxtooyada.

2013-07-15 6:54 AM EST
Waxaa xalay magaalada Nairobi ka dhacay kulan ballaaran oo isugu yimaadeen siyaasiyiin caan ah oo ku jira siyaasada wadamada Soomaaliya iyo Kenya.

2013-07-15 3:58 AM EST
Isniin, July 15, 2013 (HOL) — Laba qarax oo waaweyn ayaa saakay aroortii hore ka dhacay jidka soddonka oo isku xira degmooyin ka tirsan Muqdisho, iyadoo la sheegay in qaraxayadaas oo miino ahaa lagu burburiyay qaar ka mid ah baallayaasha korontada ku shaqeeya ee ku yaalla jidkaas.

2013-07-15 3:38 AM EST
Isniin, July 15, 2013 (HOL) — Magaalada Nairobi ee xarunta dalka Kenya ayaa lagu soo gabgabeeyay shalay oo Axad ahayd shir looga hadlayay dhaqaalaha iyo maal-gashiga Soomaaliya, kaasoo socday laba maalmood, waxaana shirkaas ka qaybgalay ganacsato Soomaaliyeed iyo kuwo ajnabi ah.

2013-07-15 2:55 AM EST
Isniin, July 15, 2013 (HOL) — Dalka Kenya waxaa ku sugan hal milyan oo qoxooti Soomaaliyeed ah, kuwaasoo intooda badan ay ku nool yihiin xeryaha qoxootiga Dhadhaab oo ku yaalla soohdinta ay wadaagaan Soomaaliya iyo Kenya.