2014-10-31
Today from Hiiraan Online:  _
Wararka Maanta- Isniin, July 15, 2013
Madaxweynaha Somaliland oo culummada Somaliland xalay casuumad ugu sameeyay Xarunta Madaxtooyada (SAWIRRO)



Isniin, July 15, 2013 (HOL) — Madaxweynaha Somaliland, Axmed Maxamed Maxamuud (Siilaanyo) ayaa xalay casuumad ugu sameeyey culimadda Somaliland xarunta madaxtooyada.

Madaxweynaha Somaliland oo kulankaas ka hadlay ayaa culimmadda uga mahad celiyay siday u soo ajiibeen marti-qaadkii uu u fidiyay, waxaanu sheegay inay ixtiraam iyo sharaf weyn u hayo culimadda.

“Waxaanan u arkaa sharaf weyn inaad soo ajiibteen oo noo timaadeen. Runtii marti-qaadkani waxa uu naga daaran yahay ixtiraamka iyo qadarinta aanu u hayno culimmadda iyo annaga oo ay noogu muuqato inaanay culimmada la’aantood iyo wada shaqayntooda la’aantood dalka iyo dadkaba waxba inooga hagaagayn.”ayuu yidhi madaxweyne siilaanyo oo la hadlayey culimadda. Waxaanu intaas ku daray “Waxaanu mar walba diyaar u nahay inaanu culimadda la shaqayno oo la tashano oo wixii aa’raa ah iyo wanaag ah ka wada shaqayno. Dalkeenu waa dal muslim ah iyo ummad muslim ah, waana ummad jecel wanaagga, waana ummad jecel inay if iyo aakhiraba horumarto oo wax anfaca ku dhawaaqdo.”

“Arrintaas ayaa nagu aj-buraysa inaanu ku hoggaamino dalka oo culimmadda dalka la tashano oo hadba wixii arrin ah ka tallo gelino. Waxaan idiinka mahad celinayaa tallooyinka qiimaha leh ee wax ku oolka ah ee aad soo jeediseen. Waxa kale oo aan idiinka mahad naqayaa taageeradda aad noo fidiseen,”ayuu yidhi Madaxweynaha Somaliland.

Sh. Cabdilaahi Sh. Cali Jawhar oo ka mid ahaa culimaddii waaweyn ee reer Somaliland ayaaa madaxweynaha uga mahadceliyey casuumadoodda.

“Waxaan Madaxweynaha ku ammaanayaa inuu Golihiisa xukuumadda ku soo daray ashkhaas mucaarid ah oo ka soo horjeeday, taasina ay tahay geesinimo weyn. Waxaanan u arkayaa inay ka turjumayso inaad wax toosiso,”ayuu yidhi Sh. Cabdilaahi Sh. Cali Jawhar.

“Madaxweyne, Marka u horaysa waxaan kugu hambalyaynaynaa idaacadda FM-ta ah ee quraanka kariimka ah ee bishan Ramadaan la bilatay ee dalka laga furay. Waxaan rajaynayaa idaacadani Hargeysa ayay maraysaaye’ inay dalka oo dhan wada gaadho. Waxay faa’iido ka tahay haddii ummadda quraanku ku baxo oo meel walba gaadho gabadh dambe oo jin innaga gallo arki mayno. Waana halka wacdiga iyo wax toosinta ummadda laga hagayo.”ayuu yidhi Sheekh Maxamed Aadan.

Sidoo kale waxa halkaasi ka hadlay wasiirka arrimaha gudaha Cali Warancade iyo Wasiirka Diinta iyo Awqaafta Sheekh khaliil Cabdilaahi oo si balaadhan usoo dhoweeyey culimadda.





Barkhad-Ladiif  M. Cumar, Hiiraan Online 
barkhadladiif@hiiraan.com  
Hargeysa, Somaliland





Post your comments


2013-07-15 10:52 AM EST
Isniin, July 15, 2013 (HOL) —Wasiirka Duulista iyo hawada Somaliland Maxamuud Xaashi Cabdi, ayaa sheegay inuu xayiraaddii ka qaaday duulimaadyadii diyaaradaha Qaramada midoobay ee si ku meelgaadh ah uga joojiyey madaaradda Somaliland.

2013-07-15 8:09 AM EST
Isniin, July 15, 2013 (HOL) — Ciidamada Kenya ee ku sugan Kismaayo ayaa iska fogeeyay eedeyn ay guddiga la socodka Soomaaliya iyo Eritrea maalin ka hor soo saareen, taasoo ay ku sheegeen in ciidamada Kenya ay gacan ku siiyaan maamulka Axmed Madoobe dhoofinta dhuxusha.

2013-07-15 7:47 AM EST
Isniin, July 15, 2013 (HOL) — Xildhibaanada baarlamaanka Soomaaliya ayaa maanta diiday hindise-sharciyeedka Gar-doon oo ay soo gudbisay wasaarada cadaalad, owqaafta iyo arrimaha diinta xukuumadda Soomaaliya, iyadoo ay inta badan mudanayaashu u codeeyeen diidmada sharcigan.

2013-07-15 6:54 AM EST
Waxaa xalay magaalada Nairobi ka dhacay kulan ballaaran oo isugu yimaadeen siyaasiyiin caan ah oo ku jira siyaasada wadamada Soomaaliya iyo Kenya.

2013-07-15 3:58 AM EST
Isniin, July 15, 2013 (HOL) — Laba qarax oo waaweyn ayaa saakay aroortii hore ka dhacay jidka soddonka oo isku xira degmooyin ka tirsan Muqdisho, iyadoo la sheegay in qaraxayadaas oo miino ahaa lagu burburiyay qaar ka mid ah baallayaasha korontada ku shaqeeya ee ku yaalla jidkaas.

2013-07-15 3:38 AM EST
Isniin, July 15, 2013 (HOL) — Magaalada Nairobi ee xarunta dalka Kenya ayaa lagu soo gabgabeeyay shalay oo Axad ahayd shir looga hadlayay dhaqaalaha iyo maal-gashiga Soomaaliya, kaasoo socday laba maalmood, waxaana shirkaas ka qaybgalay ganacsato Soomaaliyeed iyo kuwo ajnabi ah.

2013-07-15 2:55 AM EST
Isniin, July 15, 2013 (HOL) — Dalka Kenya waxaa ku sugan hal milyan oo qoxooti Soomaaliyeed ah, kuwaasoo intooda badan ay ku nool yihiin xeryaha qoxootiga Dhadhaab oo ku yaalla soohdinta ay wadaagaan Soomaaliya iyo Kenya.