2014-10-01
Today from Hiiraan Online:  _
Wararka Maanta- Isniin, July 15, 2013
Qaraxyo Miino oo saaka Aroortii hore ka dhacay Jidka Soddonka oo isku xira degmooyin ka tirsan Gobolka Banaadir



Isniin, July 15, 2013 (HOL) — Laba qarax oo waaweyn ayaa saakay aroortii hore ka dhacay jidka soddonka oo isku xira degmooyin ka tirsan Muqdisho, iyadoo la sheegay in qaraxayadaas oo miino ahaa lagu burburiyay qaar ka mid ah baallayaasha korontada ku shaqeeya ee ku yaalla jidkaas.

Qaraxyadan ayaa ka dhacay agagaarka isgoyska Al-baraka ee degmada Hodan, iyadoo la sheegay in miinooyinkan lagu xiray saddex baalle oo ka mid ah kuwa cadceedda qorraxda ku shaqeeya.

“Saakay markii aan salaadda subax kasoo baxnay ayaan maqalnay laba qarax oo waaweyn, markii aan laamiga nimid ayaan aragnay saddex baalle oo ka mid ah kuwa korontada ku shaqeeya oo dhulka yaalla,” ayuu yiri mid ka mid ah goobjoogayaal ku sugan xaafad ku dhow halka ay qaraxyadu ka dhaceen.

Goobjoogaha ayaa sheegay inay filayaan in qarxyadan ay ahaayeen kuwo lagu sii xiray baallayaasha, wuxuuna sheegay inaysan qaraxyadan geysan wax khasaare nafeed ah, cid loo qabtayna aysan jirin.

Jidka Soddonka oo ka mid ah kuwa ugu waaweyn ee Muqdisho ayaa waxaa laba bilood ka hor maamulka gobolka Banaadir uu ka hirgeliyay nalalka ku shaqeeya cad-ceedda, kuwaasoo xiliga habeenkii ah iftiimiya jidadka.

Tallaabadan ayaa waxaa dadka qaarkood ay ku sheegeen mid laga xumaado iyagoo sheegay in lagu dhibaateeyay qaraxyadan nalal dadka ay ifsan jireen xilliyada habeenkii ah.

Maamulka degmada Hodan ayaan weli ka hadlin qaraxyadan, inkastoo ay ku eedeyso dowladda Soomaaliya falalka noocan oo kale ah inay ka dambeyso Al-shabaab oo dagaal kula jirta.

Ballayaashan ayaa waxaa la geliyay jidadka Maka Al-Mukarama, Wadnaha iyo jidka Soddonka, waxaana maamulka gobolka Banaadir uu horay dadka deegaannadaas ugu baaqay inay ka shaqeeyaan sidii ay ballayaashaas uga difaacan lahaayeen kuwa dhibaatada geysanaya.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments


2013-07-15 10:52 AM EST
Isniin, July 15, 2013 (HOL) —Wasiirka Duulista iyo hawada Somaliland Maxamuud Xaashi Cabdi, ayaa sheegay inuu xayiraaddii ka qaaday duulimaadyadii diyaaradaha Qaramada midoobay ee si ku meelgaadh ah uga joojiyey madaaradda Somaliland.

2013-07-15 8:09 AM EST
Isniin, July 15, 2013 (HOL) — Ciidamada Kenya ee ku sugan Kismaayo ayaa iska fogeeyay eedeyn ay guddiga la socodka Soomaaliya iyo Eritrea maalin ka hor soo saareen, taasoo ay ku sheegeen in ciidamada Kenya ay gacan ku siiyaan maamulka Axmed Madoobe dhoofinta dhuxusha.

2013-07-15 7:47 AM EST
Isniin, July 15, 2013 (HOL) — Xildhibaanada baarlamaanka Soomaaliya ayaa maanta diiday hindise-sharciyeedka Gar-doon oo ay soo gudbisay wasaarada cadaalad, owqaafta iyo arrimaha diinta xukuumadda Soomaaliya, iyadoo ay inta badan mudanayaashu u codeeyeen diidmada sharcigan.

2013-07-15 7:27 AM EST
Isniin, July 15, 2013 (HOL) — Madaxweynaha Somaliland, Axmed Maxamed Maxamuud (Siilaanyo) ayaa xalay casuumad ugu sameeyey culimadda Somaliland xarunta madaxtooyada.

2013-07-15 6:54 AM EST
Waxaa xalay magaalada Nairobi ka dhacay kulan ballaaran oo isugu yimaadeen siyaasiyiin caan ah oo ku jira siyaasada wadamada Soomaaliya iyo Kenya.

2013-07-15 3:38 AM EST
Isniin, July 15, 2013 (HOL) — Magaalada Nairobi ee xarunta dalka Kenya ayaa lagu soo gabgabeeyay shalay oo Axad ahayd shir looga hadlayay dhaqaalaha iyo maal-gashiga Soomaaliya, kaasoo socday laba maalmood, waxaana shirkaas ka qaybgalay ganacsato Soomaaliyeed iyo kuwo ajnabi ah.

2013-07-15 2:55 AM EST
Isniin, July 15, 2013 (HOL) — Dalka Kenya waxaa ku sugan hal milyan oo qoxooti Soomaaliyeed ah, kuwaasoo intooda badan ay ku nool yihiin xeryaha qoxootiga Dhadhaab oo ku yaalla soohdinta ay wadaagaan Soomaaliya iyo Kenya.