2014-04-24
Today from Hiiraan Online:  _
Wararka Maanta- Isniin, July 15, 2013
Shir-weyne looga Hadlay Dhaqaalaha iyo Maal-gashiga Somalia oo lagu soo Gabagabeeyay Magaalada Nairobi (SAWIRRO)


Isniin, July 15, 2013 (HOL) — Magaalada Nairobi ee xarunta dalka Kenya ayaa lagu soo gabgabeeyay shalay oo Axad ahayd shir looga hadlayay dhaqaalaha iyo maal-gashiga Soomaaliya, kaasoo socday laba maalmood, waxaana shirkaas ka qaybgalay ganacsato Soomaaliyeed iyo kuwo ajnabi ah.

Shirka waxaa soo qaban-qaabiyay Somali Economic Forum iyadoo maal-gashadaayasha ajnabiga ah iyo kuwa Soomaalida ahba lagu tusaaleeyay fursadaha ka bannaan Soomaaliya xilligan oo ay nabadgelyo ka jirto.

Agaasimaha Somali Economic Forum, Xasan Muuse Dudde oo shirka hadal ka jeediyay ayaa sheegay inay doonayaan in Soomaaliya laga kaalmeeyo dhinacyada ay dadkeedu u baahan yihiin sida beeraha, kalluumaysiga iyo xoolaha nool oo Soomaaliya ay hodan ku tahay, wuxuuna u mahadceliyay ganacsatada gudaha oo uu sheegay inay dalka ka sameeyeen maalgashi aad u wanaagsan.

Shirkan ayaa laga soo saaray talo-bixin ku wajahan maal-gashadayaasha Soomaalida iyo ajnabiga ah iyo sidoo kale talooyin loosoo jeediyay dowladda Somalia oo ku saabsan sida ay u soo dhoweyn lahayd ganacsatada doonaya inay dalka ku sameystaan maal-gashi ballaaran.

Dhawaan ayay ahayd markii golaha baarlamaanka Somalia ay cod aqlabiyad ah ku ansixiyeen sharciga maal-gashiga dalka, kaasoo in muddo ah la sugayay, waxaana arrinkaas aad u soo dhaweeyay shirkadaha ajaanibta ah ee doonaya inay Soomaaliya maal-gashadaan.

Soomaaliya hadda waxaa ka jira dowlad rasmi ah oo geli karta heshiisyada caalamiga ah, waxaa sidoo kale dib u soo noqday nabadgalyadii caasimadda Soomaaliya ee Muqdisho oo laf dhabar u ah isku xirka ganacsiga dalka iyo maal-gashiga, iyadoo lagu howlan yahay sidii maalgashi loogu sameysan lahaa Soomaaliya.

Shirkadaha caalamiga ah ayaa waxay indhaha ku hayaan Soomaaliya si ay maal-gashi ugu sameystaan, iyadoo sidoo kalena shir midkan ka horreeyay lagu qabtay bishii lasoo dhaafay magaalada Nairobi, kaasoo looga hadlay sidii loo maalgashan lahaa Soomaaliya.








Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments


2013-07-15 10:52 AM EST
Isniin, July 15, 2013 (HOL) —Wasiirka Duulista iyo hawada Somaliland Maxamuud Xaashi Cabdi, ayaa sheegay inuu xayiraaddii ka qaaday duulimaadyadii diyaaradaha Qaramada midoobay ee si ku meelgaadh ah uga joojiyey madaaradda Somaliland.

2013-07-15 8:09 AM EST
Isniin, July 15, 2013 (HOL) — Ciidamada Kenya ee ku sugan Kismaayo ayaa iska fogeeyay eedeyn ay guddiga la socodka Soomaaliya iyo Eritrea maalin ka hor soo saareen, taasoo ay ku sheegeen in ciidamada Kenya ay gacan ku siiyaan maamulka Axmed Madoobe dhoofinta dhuxusha.

2013-07-15 7:47 AM EST
Isniin, July 15, 2013 (HOL) — Xildhibaanada baarlamaanka Soomaaliya ayaa maanta diiday hindise-sharciyeedka Gar-doon oo ay soo gudbisay wasaarada cadaalad, owqaafta iyo arrimaha diinta xukuumadda Soomaaliya, iyadoo ay inta badan mudanayaashu u codeeyeen diidmada sharcigan.

2013-07-15 7:27 AM EST
Isniin, July 15, 2013 (HOL) — Madaxweynaha Somaliland, Axmed Maxamed Maxamuud (Siilaanyo) ayaa xalay casuumad ugu sameeyey culimadda Somaliland xarunta madaxtooyada.

2013-07-15 6:54 AM EST
Waxaa xalay magaalada Nairobi ka dhacay kulan ballaaran oo isugu yimaadeen siyaasiyiin caan ah oo ku jira siyaasada wadamada Soomaaliya iyo Kenya.

2013-07-15 3:58 AM EST
Isniin, July 15, 2013 (HOL) — Laba qarax oo waaweyn ayaa saakay aroortii hore ka dhacay jidka soddonka oo isku xira degmooyin ka tirsan Muqdisho, iyadoo la sheegay in qaraxayadaas oo miino ahaa lagu burburiyay qaar ka mid ah baallayaasha korontada ku shaqeeya ee ku yaalla jidkaas.

2013-07-15 2:55 AM EST
Isniin, July 15, 2013 (HOL) — Dalka Kenya waxaa ku sugan hal milyan oo qoxooti Soomaaliyeed ah, kuwaasoo intooda badan ay ku nool yihiin xeryaha qoxootiga Dhadhaab oo ku yaalla soohdinta ay wadaagaan Soomaaliya iyo Kenya.