2014-10-31
Today from Hiiraan Online:  _
Wararka Maanta- Axad, July 14, 2013
Kulan looga hadlayay sidii Odayaashu u taageeri lahaayeen dagaalka lagula jiro Al-shabaab oo Muqdisho lagu qabtay (SAWIRRO)



Axad, July 14, 2013 (HOL) — Kulan weyn oo looga hadlayay sidii odayaasha dhaqanka ay ugu midoobi lahaayeen taageerada dagaalka ka dhanka ah Al-Shabaab ayaa maanta ka dhacay magaalada Muqdisho, kaasoo ay ka qayb-galeen madax-dhaqameedyo, odayaal, waxgarad iyo guddoomiyaha hay’ada wadahadalka bulshada, Ciise Axmed Cumar.

Kulankan oo ay soo qaban-qaabisay hay’adda CCD ayaa waxaa khudbado dhinacyo badan taabanayay ka jeediyay madax dhaqameedyadii kas qayb-galay, kuwaasoo soo jeediyay in loo midoobo sidii looga hortegi lahaa dhibka ay Al-shabaab ka geysanayso magaalada Muqdisho.

Iimaam Maxamed Yuusuf oo ka mid ahaa madax dhaqameedyadii kulanka kasoo qeyb galay ayaa sheegay in kulankan uu yahay sidii xaaladda dalka uu ku jiro looga arinsan lahaa, gaar ahaan odayaasha dhaqankan sidii ay ugu midoobi lahaayeen taageerada lagula jiro Al-shabaab.

"Maanta waxaa halkan isugu nimid wax dalka u roon inaan ka arrinsanno, odayaashana dhibaatada ugu badan ayay soo mareen, waxayna ku baaqeen nabad, dagaalkana in lasoo afjaro waa taageereynaa," ayuu yiri Iimaam Maxamed Yuusuf.

Guddoomiyaha golaha dhaqanka iyo midnimada beelaha Muqdisho, Maxamed Xasan Xaad oo kulanka ka hadlay ayaa uga mahad-celiyay CCD sida ay isugu xilqaantay isku keenidda odayaasha dhaqanka iyo ka hadalka arrimaha ku saabsan nabadda.

"Dhibaatada Muqdisho ka jirta waa iska caddahay, waa caasimadda dalka danaha laga leeyahay waa badan tahay. Cadow badan ayay leedahay oo gudaha iyo dibadda ah, waana in laga hortagaa. Kuwa dhagar-qabayaasha ah ee dilalka iyo qaraxyada Muqdisho ka geysanaya waa in la iska qabto," ayuu yiri nabaddoon Xaad.

Suldaan Maxamed Cabdi Shirdo oo isna hadlay ayaa sheegay in odayaasha dhaqanka ay u midoobaan sidii looga talin lahaa aayaha ummadda, isagoo xusay in culeys badan lasoo saaray magaalada, ayna muhiim tahay in dadka oo dhan ay iska kaashadaan sidii kooxaha dhibaatada geysanaya meel looga soo wada-jeesan lahaa, isla markaana ay odayaasha dhabarka u xirtaan.

Caaqil Xasan Cilmi Yaxye oo kulanka ka hadlay ayaa isagana shaaciyay inay odayaasha dhaqanku u midoobaan sidii looga hortegi lahaa dhibaatooyinka laga geysanayo Muqdisho. isagoo sheegay in odayaasha looga baahan yahay inay la shaqeeyaan ciidamada ammaanka.

"Arrimaha dalka ka jira waa in waxgaradka ka midoobaan, Al-shabaab dhib ayay ka waddaa caasimadda, sida dhiigga iyo xiddidduhu isugu milan yihiin ayay dadka ugu dhex jiraan, waa in la iska kaashado sidii dhibka ay wadaan looga hortagi lahaa," ayuu yiri Caaqil Yaxye.

Sidoo kale, waxaa hadlay Xasan Cali Waranto oo yiri: "Waa in laga hortagaa hadii abaabul loo helo, in bulshada iyo ciidanka isku xirnaadaanna waa mid meesha ku jirta, waana in gacmaha la is qabsadaan oo laga hortagaa kuwa dhibka geysanaya, in degmo walbo isku-xirnaado oo lasoo sheego kuwa ku howlan dhibaateynta shacabka ."

Ugu dambeyn waxgaradkii, odayaashii dhaqanka iyo qaybihii kale ee kasoo qayb-galay kulanka ayaa is weydaarsaday fikrado iyo talooyin la xiriira sidii looga hortagi lahaa dhibaatooyinka dalka ka jira, loogna midoobi lahaa, sidii ciidamada amniga gacan lagu siin lahaa sugidda ammaanka.





Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-07-14 12:48 PM EST
Axad, July 14, 2013 (HOL) — Ciidamada Itoobiya ayaa maanta isaga baxay gabi ahaan gobolka Bay oo ay ku jirto magaalada Baydhabo ee xarunta gobolkaas, waxaana ammaanka gobolka lagu wareejiyay ciidamada Midowga Afrika ee AMISOM.

2013-07-14 12:48 PM EST
Axad, July 14, 2013 (HOL) — Ergayga Qaramada Qaramadda Midowbay ee arrimaha Soomaaliya, Nicholas Kay oo ka hadlay dib u dhigista doorashada dawladaha hoose ee maamula Puntland ayaa ku tilmaaay go’aankaas mid geesinimo ah.

2013-07-14 10:33 AM EST
Axad, July 14, 2013(HOL)—Waxaa magaalada Abidjan ee waddanka Ivory Coast lagu soo gabagabeeyey Shirweynihi Olympik ada qarammada Africa ANOCA. Shirka oo soconayay laba maalmood 12 & 13 July 2013 waxaa shalay la bixiyey warbixinnadii kala duwanaa waxaa sidoo kale dhacday doorashadii guddiga maamuli doona ururka 4ta sano ee soo socota.

2013-07-14 8:25 AM EST
Axad, July 14, 2013 (HOL) — Guddoomiyaha maamulka gobolka Hiiraan Cabdi Faarax Laqanyo ayaa maanta xariga ka jiray xafiis cusub oo waaxda socdaalka dowladda federaalka Soomaaliya ka her-galisay magaalada Baladweyne ee xarunta gobolka Hiiraan.

2013-07-14 8:06 AM EST
Axad, July 14, 2013 (HOL) — Qaar ka mid ah magaalooyinka waaweyn ee Puntland, waxaa maanta lagu gubey sanaadiiqdii iyo waraaqihii doorashada ee loogu tala galay in maalinta berri ah ay dadku codkooda ku dhiibtaan.

2013-07-14 7:38 AM EST
Axad, July 14, 2013 (HOL) — Madaxweynaha Soomaaliya, Xasan Sheekh Maxamud ayaa maanta kormeeray isbitaalkii Digfeer oo ay dib u dhis weyn ku sameeysay dowladda Turkiga. Kormeerkan ayaa waxaa madaxweynaha ku wehliyay wasiirrada arrimaha gudaha, gaashaandhiga, wasiir-u-dowlaha madaxtooyada iyo danjiraha dalka Turkiga ee Somalia.

2013-07-14 7:24 AM EST
Axad, July 14, 2013 (HOL) — Wakaalada wararka ee Reuters ayaa daabacday warbixin muujinaysa in ciidamada Kenya ay ku lug leeyihiin dhoofinta dhuxusha ee magaalada kismaayo.

2013-07-14 6:59 AM EST
Axad, July 14, 2013 (HOL) — Madaxweynaha Puntland, C/rxmaan Maxamed Faroole ayaa ku dhawaaqay in la joojiyey doorashadii goleyaasha deegaanka oo maalinta berri ah qorshuhu ahaa in ay ka qabsoomto dhammaan gobollada Puntland.

2013-07-14 6:27 AM EST
Axad, July 14, 2013(HOL):- Qarax xooggan ayaa maanta gudaha magaalada Kismaayo lagula eegtay gaadiid ay wateen ciidamo ka tirsan kuwa nabadsugidda maamulka, wuxuuna qaraxaasi ku dhaawacmay wadihii gaariga iyadoona sidoo kale uu ku burburay gaarigii lala beegsaday.

2013-07-14 3:35 AM EST
Axad, July 14, 2013 (HOL) — Qarax lagu weeraray ciidamada maamulka Jubbaland ayaa goor dhow ka dhacay bartamaha degmada Kismaayo ee xarunta gobolka Jubbada Hoose, qaraxaas oo uu ku dhaawacmay hal askari.

2013-07-14 3:30 AM EST
Axad, July 14, 2013 (HOL) — Afhayeenka guud ee Al-shabaab Sheekh Cali Maxamuud Raage (Sheekh Cali Dheere) oo ka hadlay qaraxii Ismiidaaminta ahaa ee dhawaan ka dhacay Muqdisho ayaa sheegay inay ku dileen taliye ku xigeenkii ciidamada Uganda ee qaybta ka ah howlgalka AMISOM iyo saraakiil ka tirsan ciidamada AMISOM, ayna dhaawac ugu geysteen madaxii hay’adda CIA-da ee Bariga Afrika.

2013-07-14 3:24 AM EST
Axad, July 14, 2013 (HOL) — Kooxo hubeysan ayaa xalay fiidkii ku toogtay waqooyiga magaalada Gaalkacyo ee xarunta gobolka Mudug sarkaal sare oo ka tirsanaa hay’adda xuquuqda aadanaha ee INXA oo lagu magacaabi jiray, Cabdi Faarax Sandheere; kaasoo la toogtay xilli uu kasoo baxay masaajidka Al-towba.

2013-07-14 3:11 AM EST
Axad, July 14, 2013 (HOL) — Haweenka wax-ka-barta machadyada diiniga ah ee magaalada Laascaanood ayaa soo bandhigay jariidad ama wargeys bille ah oo ka hadli doonta arrimaha haweenka iyo horumarintooda, kuna soo baxaya afka Carabiga.

2013-07-14 2:32 AM EST
Axad, July 14, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa galabta kulan ballaaran la qaatay dhallinyaro isugu jiray rag iyo dumar, kuwaasoo tiradoodu ahayd 250, kana socday ururrada dhallinyarada, ardayda jaamacaddaha iyo kuwa dugsiyada sare ee gobolka Banaadir.

2013-07-14 2:07 AM EST
Axad, July 14, 2013 (HOL) —Iyadoo berri deegaanada Puntland oo dhan looga dareeri doono doorashada goleyaasha deegaanka - oo ah tii ugu horeysey ee nooceeda ah ee Puntland ka dhacda- ayaa maanta magaalada Qardho waxaa ka dhacay israsaaseyn xooggan oo u dhexeysey ciidamada dowladda iyo kooxo hubeysan oo kasoo horjeeda qabsoomidda doorashada iyo geeddi socodka Dimuqraadiyadda ee Puntland.