2014-10-25
Today from Hiiraan Online:  _
Wararka Maanta- Axad, July 14, 2013
Guddoomiyaha Gobolka Hiiraan oo Xariga ka jaray Xafiis Waaxda Socdaalka ay ka Hirgelisay Degmada Baladwene (SAWIRRO)



Axad, July 14, 2013 (HOL) — Guddoomiyaha maamulka gobolka Hiiraan Cabdi Faarax Laqanyo ayaa maanta xariga ka jiray xafiis cusub oo waaxda socdaalka dowladda federaalka Soomaaliya ka her-galisay magaalada Baladweyne ee xarunta gobolka Hiiraan.

Gudoomiyaha oo hadal ka jeediyay munaasabada furitaanka xafiiska cusub ee waaxda socdaalka dowladda federaalka Soomaaliya, ayaa sheegay sharxaad kooban ka bixiyay muhiiimada uu xafiiskan u yeellan doono bulshada ku dhaqan magaalada Baladweyne, gaar  ahaan marka la eego heliska baasaboorka oo ay dhibaato xoog leh ku qabeen shacabka, madaama la joojiyay basaboorkii hore.

“In xafiiska waxaad socdaalka dowladda federaalka hergaliso magaalada Baladweyne iskama iman, laakiin waxaa ay ku timid dadaal dheer oo loo gallay,gaar ahaan nabad-galyada oo si wanaagsan looga shaqeeyay iyo maamulka gobolka oo xil gaar ah iska saaray sidii bulshada loogu fududeyn lahaa helista baasaboorada iyaga oo magaalooda jooga, ugu danebytiina dadaalkaas waan ku guuleysanay,'' ayuu yiri guddoomiyaha maamulka gobollka Hiiraan.

Waxaa uu ugu baaqay shacabka ku dhaqan magaalada Baladweyne iyo guud ahaan gobolka Hiiraan in ay ka faa'ideystaan xafiiskan cusub, maadaama markii hore qasab ku aheydn in ay baasaboorka u doontaan magaalada Muqdisho.

Taliyaha qeybta booliiska gobollka Hiiraan Col. Isaaq Cali Cabdulle oo ka hadllay munaasabadda ayaa sheegay in ay siweyn u soo dhaaweynayaa xafiiska cusub ee waaxda ama laanta socdaalka ka hergalisay magaalada Baladweyne, isaga oo sheegay in ay gacan ku siin doonaan howl-wadeenada laanta socdalka magaalada Baladweyne dhinaca nabad-galyada.

Madaxa xafiiska Ibraahim Xusseen Yuusuf ayaa sheegay in baasaboorka aan cid kasta la siin karin, gaar ahaan dadka danbiyada kala duwan ku eedeysan, isaga oo sheegay in lagu bixin doono baasaboorka damaanad.

“Qofka basaboorka qadanaya marka hore waa in la hubiyaa in uusa aheyn qof danbiile ah, marka arintaa la hubiyo kadib ayaa la siinayaa basaboorka,'' ayuu yiri madaxa xafiiska waaxda socdaalka magaalada Baladweyne.

Sidoo kale, sarkaal ka tirsan ciidamada Jabuuti oo ka hadllay munaasabada ayaa soo dhaaweeyay furintaaka xafiiska cusub oo sida uu sheegay shacabka u sahli kara safarada.

Dadka ku dhaqan magalada Baladweyne ayaa dhinacooda soo dhaweeyay in laga hergaliyo magaalada xafiis ay si toos ah uga heli karaan baasaboorka, halka markii hore ay ugu safri jireen helista baasaboorka magaalada Muqdisho ama Gaalkacyo.



C/raxmaan Diini, Hiiraan Online
diini@hiiraan.com
Baladweyne, Soomaaliya





Post your comments

2013-07-14 12:48 PM EST
Axad, July 14, 2013 (HOL) — Ciidamada Itoobiya ayaa maanta isaga baxay gabi ahaan gobolka Bay oo ay ku jirto magaalada Baydhabo ee xarunta gobolkaas, waxaana ammaanka gobolka lagu wareejiyay ciidamada Midowga Afrika ee AMISOM.

2013-07-14 12:48 PM EST
Axad, July 14, 2013 (HOL) — Ergayga Qaramada Qaramadda Midowbay ee arrimaha Soomaaliya, Nicholas Kay oo ka hadlay dib u dhigista doorashada dawladaha hoose ee maamula Puntland ayaa ku tilmaaay go’aankaas mid geesinimo ah.

2013-07-14 10:33 AM EST
Axad, July 14, 2013(HOL)—Waxaa magaalada Abidjan ee waddanka Ivory Coast lagu soo gabagabeeyey Shirweynihi Olympik ada qarammada Africa ANOCA. Shirka oo soconayay laba maalmood 12 & 13 July 2013 waxaa shalay la bixiyey warbixinnadii kala duwanaa waxaa sidoo kale dhacday doorashadii guddiga maamuli doona ururka 4ta sano ee soo socota.

2013-07-14 8:36 AM EST
Axad, July 14, 2013 (HOL) — Kulan weyn oo looga hadlayay sidii odayaasha dhaqanka ay ugu midoobi lahaayeen taageerada dagaalka ka dhanka ah Al-Shabaab ayaa maanta ka dhacay magaalada Muqdisho, kaasoo ay ka qayb-galeen madax-dhaqameedyo, odayaal, waxgarad iyo guddoomiyaha hay’ada wadahadalka bulshada, Ciise Axmed Cumar.

2013-07-14 8:06 AM EST
Axad, July 14, 2013 (HOL) — Qaar ka mid ah magaalooyinka waaweyn ee Puntland, waxaa maanta lagu gubey sanaadiiqdii iyo waraaqihii doorashada ee loogu tala galay in maalinta berri ah ay dadku codkooda ku dhiibtaan.

2013-07-14 7:38 AM EST
Axad, July 14, 2013 (HOL) — Madaxweynaha Soomaaliya, Xasan Sheekh Maxamud ayaa maanta kormeeray isbitaalkii Digfeer oo ay dib u dhis weyn ku sameeysay dowladda Turkiga. Kormeerkan ayaa waxaa madaxweynaha ku wehliyay wasiirrada arrimaha gudaha, gaashaandhiga, wasiir-u-dowlaha madaxtooyada iyo danjiraha dalka Turkiga ee Somalia.

2013-07-14 7:24 AM EST
Axad, July 14, 2013 (HOL) — Wakaalada wararka ee Reuters ayaa daabacday warbixin muujinaysa in ciidamada Kenya ay ku lug leeyihiin dhoofinta dhuxusha ee magaalada kismaayo.

2013-07-14 6:59 AM EST
Axad, July 14, 2013 (HOL) — Madaxweynaha Puntland, C/rxmaan Maxamed Faroole ayaa ku dhawaaqay in la joojiyey doorashadii goleyaasha deegaanka oo maalinta berri ah qorshuhu ahaa in ay ka qabsoomto dhammaan gobollada Puntland.

2013-07-14 6:27 AM EST
Axad, July 14, 2013(HOL):- Qarax xooggan ayaa maanta gudaha magaalada Kismaayo lagula eegtay gaadiid ay wateen ciidamo ka tirsan kuwa nabadsugidda maamulka, wuxuuna qaraxaasi ku dhaawacmay wadihii gaariga iyadoona sidoo kale uu ku burburay gaarigii lala beegsaday.

2013-07-14 3:35 AM EST
Axad, July 14, 2013 (HOL) — Qarax lagu weeraray ciidamada maamulka Jubbaland ayaa goor dhow ka dhacay bartamaha degmada Kismaayo ee xarunta gobolka Jubbada Hoose, qaraxaas oo uu ku dhaawacmay hal askari.

2013-07-14 3:30 AM EST
Axad, July 14, 2013 (HOL) — Afhayeenka guud ee Al-shabaab Sheekh Cali Maxamuud Raage (Sheekh Cali Dheere) oo ka hadlay qaraxii Ismiidaaminta ahaa ee dhawaan ka dhacay Muqdisho ayaa sheegay inay ku dileen taliye ku xigeenkii ciidamada Uganda ee qaybta ka ah howlgalka AMISOM iyo saraakiil ka tirsan ciidamada AMISOM, ayna dhaawac ugu geysteen madaxii hay’adda CIA-da ee Bariga Afrika.

2013-07-14 3:24 AM EST
Axad, July 14, 2013 (HOL) — Kooxo hubeysan ayaa xalay fiidkii ku toogtay waqooyiga magaalada Gaalkacyo ee xarunta gobolka Mudug sarkaal sare oo ka tirsanaa hay’adda xuquuqda aadanaha ee INXA oo lagu magacaabi jiray, Cabdi Faarax Sandheere; kaasoo la toogtay xilli uu kasoo baxay masaajidka Al-towba.

2013-07-14 3:11 AM EST
Axad, July 14, 2013 (HOL) — Haweenka wax-ka-barta machadyada diiniga ah ee magaalada Laascaanood ayaa soo bandhigay jariidad ama wargeys bille ah oo ka hadli doonta arrimaha haweenka iyo horumarintooda, kuna soo baxaya afka Carabiga.

2013-07-14 2:32 AM EST
Axad, July 14, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa galabta kulan ballaaran la qaatay dhallinyaro isugu jiray rag iyo dumar, kuwaasoo tiradoodu ahayd 250, kana socday ururrada dhallinyarada, ardayda jaamacaddaha iyo kuwa dugsiyada sare ee gobolka Banaadir.

2013-07-14 2:07 AM EST
Axad, July 14, 2013 (HOL) —Iyadoo berri deegaanada Puntland oo dhan looga dareeri doono doorashada goleyaasha deegaanka - oo ah tii ugu horeysey ee nooceeda ah ee Puntland ka dhacda- ayaa maanta magaalada Qardho waxaa ka dhacay israsaaseyn xooggan oo u dhexeysey ciidamada dowladda iyo kooxo hubeysan oo kasoo horjeeda qabsoomidda doorashada iyo geeddi socodka Dimuqraadiyadda ee Puntland.