12/22/2014
Today from Hiiraan Online:  _
Wararka Maanta- Axad, July 14, 2013
Qaramada Midoobay oo soo saartay Warbixin Muujinaysa in Ciidanka Kenya ay ku lug leeyihiin dhoofinta dhuxusha Kismaayo


kENYAN.jpg

Axad, July 14, 2013 (HOL) — Wakaalada wararka ee Reuters ayaa daabacday warbixin muujinaysa in ciidamada Kenya ay ku lug leeyihiin dhoofinta dhuxusha ee magaalada Kismaayo.

Dhoofinta dhuxusha ayaa ah sharci darro kadib markii dawlada Soomaaliya iyo qaramada midoobay ay si isku mid ah u soo saareen go'aamo lagu mamnuucayo dhoofinta dhuxusha oo nabaad guur ku keenaysa deegaanka isla markaana qayb ka ah meelaha uu dakhligu uga soo xaroodo xarakada Alshabab.

Reuters ayaa sheegtay in warbixinta cusub ee ay qoreen guddi ka tirsan qaramada midoobay lagu cadeeyay in ciidamada Kenya oo qayb ka ah hawlgalka AMISOM ay ku joogto gudaha Soomaaliya inay masuul ka yihiin fududaynta dhoofinta dhuxusha oo si toos ah looga dhoofiyo dekadda magaalada Kismaayo.

Waxay warbixintu sheegtay in dhoofinta dhuxusha ay qayb ka tahay meelaha uu Alshabaab kasoo galo dakhliga ay ku maalgaliyaan hawlgalladooda ay ka wadaan gudaha Soomaaliya.

Guddiga ayaa warbxintooda ku muujiyay inay adkaan doonto in Alshabaab laga curyaamiyo ilaha uu kasoo galo dhaqaaluhu inta ay socoto dhoofinta dhuxusha.

Militariga dalka Kenya ayaa bilihii lasoo dhaafay si isdaba joog ah u beeninayay wararka sheegaya in ciidamadoodu ay ka qaybqaataan dhoofinta dhuxusha sharci darrada ah.

Warbixintan qaramada midoobay ayay is waafaqayaan warbixin horay xildhibaano ka tirsan dawlada Soomaaliya ay ugu gudbiyeen diblamaasiyiin ka socota beesha caalamka oo ku sugan magaalada Nairobi, kuwaasoo qaarkood lagu weeraray magaalada Nairobi islamarkaana looga qaatay dikumiintiyo iyo kumbiyuutarro ay ugu jireen macluumaad muhiim ah.

Wakaalada wararka ee Reuters ayaa horay u daabacday warxbixin kale oo ay guddigaas qaramada midoobay qoreen taasoo muujinaysa in bangiga dhexe ee Soomaaliya uu ka socdo musuqmaasuq ballaaran oo lacagaha si aan nidaamsanayn loogala baxo, iyadoo aan la raacayn shuruucda rasmiga ah ee laga doonayo in lagu dhaqo bangiyada dhexe ee dawladaha.

Waxaana warbixintan cusub ee ku saabsan doofinta dhuxusha laga yaabaa inay Kenya u keento mushkilad diblamaasiyadeed maadaama golaha ammaanka ee qaramada midoobay ay soo saareen go'aan lagu mamnuucayo gabi ahaanba dhoofinta dhuxusha magaalada Kismaayo oo loo arkayay inay lacag xooglihi uga soo xarooto ururka Alshabaab.

Axmed C/samad, Hiiraan Online
asamad@hiiraan.com
Nairobi , Kenya





Post your comments

7/14/2013 12:48 PM EST
Axad, July 14, 2013 (HOL) — Ciidamada Itoobiya ayaa maanta isaga baxay gabi ahaan gobolka Bay oo ay ku jirto magaalada Baydhabo ee xarunta gobolkaas, waxaana ammaanka gobolka lagu wareejiyay ciidamada Midowga Afrika ee AMISOM.

7/14/2013 12:48 PM EST
Axad, July 14, 2013 (HOL) — Ergayga Qaramada Qaramadda Midowbay ee arrimaha Soomaaliya, Nicholas Kay oo ka hadlay dib u dhigista doorashada dawladaha hoose ee maamula Puntland ayaa ku tilmaaay go’aankaas mid geesinimo ah.

7/14/2013 10:33 AM EST
Axad, July 14, 2013(HOL)—Waxaa magaalada Abidjan ee waddanka Ivory Coast lagu soo gabagabeeyey Shirweynihi Olympik ada qarammada Africa ANOCA. Shirka oo soconayay laba maalmood 12 & 13 July 2013 waxaa shalay la bixiyey warbixinnadii kala duwanaa waxaa sidoo kale dhacday doorashadii guddiga maamuli doona ururka 4ta sano ee soo socota.

7/14/2013 8:36 AM EST
Axad, July 14, 2013 (HOL) — Kulan weyn oo looga hadlayay sidii odayaasha dhaqanka ay ugu midoobi lahaayeen taageerada dagaalka ka dhanka ah Al-Shabaab ayaa maanta ka dhacay magaalada Muqdisho, kaasoo ay ka qayb-galeen madax-dhaqameedyo, odayaal, waxgarad iyo guddoomiyaha hay’ada wadahadalka bulshada, Ciise Axmed Cumar.

7/14/2013 8:25 AM EST
Axad, July 14, 2013 (HOL) — Guddoomiyaha maamulka gobolka Hiiraan Cabdi Faarax Laqanyo ayaa maanta xariga ka jiray xafiis cusub oo waaxda socdaalka dowladda federaalka Soomaaliya ka her-galisay magaalada Baladweyne ee xarunta gobolka Hiiraan.

7/14/2013 8:06 AM EST
Axad, July 14, 2013 (HOL) — Qaar ka mid ah magaalooyinka waaweyn ee Puntland, waxaa maanta lagu gubey sanaadiiqdii iyo waraaqihii doorashada ee loogu tala galay in maalinta berri ah ay dadku codkooda ku dhiibtaan.

7/14/2013 7:38 AM EST
Axad, July 14, 2013 (HOL) — Madaxweynaha Soomaaliya, Xasan Sheekh Maxamud ayaa maanta kormeeray isbitaalkii Digfeer oo ay dib u dhis weyn ku sameeysay dowladda Turkiga. Kormeerkan ayaa waxaa madaxweynaha ku wehliyay wasiirrada arrimaha gudaha, gaashaandhiga, wasiir-u-dowlaha madaxtooyada iyo danjiraha dalka Turkiga ee Somalia.

7/14/2013 6:59 AM EST
Axad, July 14, 2013 (HOL) — Madaxweynaha Puntland, C/rxmaan Maxamed Faroole ayaa ku dhawaaqay in la joojiyey doorashadii goleyaasha deegaanka oo maalinta berri ah qorshuhu ahaa in ay ka qabsoomto dhammaan gobollada Puntland.

7/14/2013 6:27 AM EST
Axad, July 14, 2013(HOL):- Qarax xooggan ayaa maanta gudaha magaalada Kismaayo lagula eegtay gaadiid ay wateen ciidamo ka tirsan kuwa nabadsugidda maamulka, wuxuuna qaraxaasi ku dhaawacmay wadihii gaariga iyadoona sidoo kale uu ku burburay gaarigii lala beegsaday.

7/14/2013 3:35 AM EST
Axad, July 14, 2013 (HOL) — Qarax lagu weeraray ciidamada maamulka Jubbaland ayaa goor dhow ka dhacay bartamaha degmada Kismaayo ee xarunta gobolka Jubbada Hoose, qaraxaas oo uu ku dhaawacmay hal askari.

7/14/2013 3:30 AM EST
Axad, July 14, 2013 (HOL) — Afhayeenka guud ee Al-shabaab Sheekh Cali Maxamuud Raage (Sheekh Cali Dheere) oo ka hadlay qaraxii Ismiidaaminta ahaa ee dhawaan ka dhacay Muqdisho ayaa sheegay inay ku dileen taliye ku xigeenkii ciidamada Uganda ee qaybta ka ah howlgalka AMISOM iyo saraakiil ka tirsan ciidamada AMISOM, ayna dhaawac ugu geysteen madaxii hay’adda CIA-da ee Bariga Afrika.

7/14/2013 3:24 AM EST
Axad, July 14, 2013 (HOL) — Kooxo hubeysan ayaa xalay fiidkii ku toogtay waqooyiga magaalada Gaalkacyo ee xarunta gobolka Mudug sarkaal sare oo ka tirsanaa hay’adda xuquuqda aadanaha ee INXA oo lagu magacaabi jiray, Cabdi Faarax Sandheere; kaasoo la toogtay xilli uu kasoo baxay masaajidka Al-towba.

7/14/2013 3:11 AM EST
Axad, July 14, 2013 (HOL) — Haweenka wax-ka-barta machadyada diiniga ah ee magaalada Laascaanood ayaa soo bandhigay jariidad ama wargeys bille ah oo ka hadli doonta arrimaha haweenka iyo horumarintooda, kuna soo baxaya afka Carabiga.

7/14/2013 2:32 AM EST
Axad, July 14, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa galabta kulan ballaaran la qaatay dhallinyaro isugu jiray rag iyo dumar, kuwaasoo tiradoodu ahayd 250, kana socday ururrada dhallinyarada, ardayda jaamacaddaha iyo kuwa dugsiyada sare ee gobolka Banaadir.

7/14/2013 2:07 AM EST
Axad, July 14, 2013 (HOL) —Iyadoo berri deegaanada Puntland oo dhan looga dareeri doono doorashada goleyaasha deegaanka - oo ah tii ugu horeysey ee nooceeda ah ee Puntland ka dhacda- ayaa maanta magaalada Qardho waxaa ka dhacay israsaaseyn xooggan oo u dhexeysey ciidamada dowladda iyo kooxo hubeysan oo kasoo horjeeda qabsoomidda doorashada iyo geeddi socodka Dimuqraadiyadda ee Puntland.