2014-08-23
Today from Hiiraan Online:  _
Wararka Maanta- Sabti, July 13, 2013
Xukuumadda Kenya oo sheegtay inay adkeynayso Ammaanka Soohdinta ay la wadeegto Dalalka Somaaliya iyo Itoobiya


Sabti, July 13, 2013 (HOL) — Xukuumadda Kenya ayaa sheegtay inay xadka ay la wadaagto Soomaaliya iyo Itoobiya xoojinayso, iyadoo sheegtay inay ka soo galaan hubka sharci-darrada ah ee ay isticmaalaan kooxaha xag-jiriinta ah ee dalkeeda weerarrada ka geysta.

Xoghayaha waasaradda arrimaha gudaha ee Kenya, Joseph Ole Lenku ayaa ugu sheegay wariyeyaasha magaalada Nairobi in soohdimaha Soomaaliya iyo Kenya ay yihiin kuwa ay kasoo galaan hubka sharci-darrada ah.

“Soohdimaha aan la wadaagno dalalka dariska ah ee Somalia iyo Itoobiya waa kuwo ay kasoo galaan hubka loo isticmaalo dagaallada beelaha iyo kuwa ay isticmaalaan kooxaha argagaxisada ah ama lagu geysto dambiyada kale,” ayuu yiri Lenku oo ka hadlay xaflad ay dowladda Britain ku siinaysay Kenya qalab casri ah oo loo isticmaalo ilaalinta xuduudaha.

Joseph Ole Lenku ayaa sheegay in Kenya ay sii wadi doono iskaashi ay EU-da la leeyihiin, sidoo kalena ay sii socon doonaan xiriirka kala dhexeeya dalalka Soomaaliya iyo Kenya. Wuxuu xusay in dalkiisu uu ilaalinta xadka u adeegsan doono qalab cusub oo sheegaya cidda soo galaysa.

“Waxaan doonaynaa in Kenya aan kusoo dabaalno ammaan buuxa si ay u helaan dadka dalxiisayaasha ah amni ay ku tegi karaan meeshii ay dalka ka doonaan,” ayuu hadalkiisa raaciyay Lenku, isagoo xusay in cid walba oo lagu soo qabto xuduudaha la marsiin doono sharci adag.

Sidoo kale, wuxuu hoosta ka xariiqay inay la dagaalami doonaan dhallinta ka ganacsada qamriga la farsameeyay, wuxuuna carrabka ku adkeeyay inay ka shaqeyn doonaan sidii suuqyada looga joojin lahaa ganacsiga qamrigaas.

Qalabka lagu adkeynayo xuduudaha dalka Kenya ayaa waxaa ku kacaya 600,000 oo giniga Ingiriiska ah, sida ay sheegtay safaaradda Britain ee dalka Kenya.

Kenya ayaa waxay tan iyo sannadkii 2011 ka cabanaysay weerarro gaadmo ah oo ay Al-shabaab ka geysato gudaha dalkeeda, iyadoo ay taas ay jirto ayaa waxaa haddana dalkaas ku xoogeystay dagaallada qabiilka ku saleysan oo intooda badan ka dhaca deegaannada ku dhow xuduudaha ay la wadaagto Soomaaliya iyo Itoobiya.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-07-13 9:58 AM EST
Sabti, July 13, 2013 (HOL) — Madaxweynaha Soomaaliya, Xasan Sheekh Maxamuud ayaa maanta xafiiskiisa kula kulmay guddiga loo saaray inay soo diyaariyaan qodobbada la hordhigayo shirka lagu qabanayo September 16-keeda magaalada Brussels ee xarunta Belgium.

2013-07-13 8:42 AM EST
Sabti, July 13, 2013 (HOL) — Ergeygga gaarka ah ee xoghayaha guud ee Qaramadda Midoobay (SRSG), Nicholas Kay ayaa maanta booqasho ku tagay magaalada Garoowe ee xarunta Puntland, taasoo ahayd booqashadii ugu horreysay ee Kay uu ku tago Puntland oo ka mid ah maamullada dalka ka jira ee taageersan dowladda Soomaailya.

2013-07-13 8:23 AM EST
Sabti, July 13, 2013 (HOL) - Shirkad dhawaanahaanba hawlo shidaal baaris ah ka waday deegaanka Modogashe oo ka tirsan magaalada Gaarisa ee xarunta gobolka waqooyi bari ayaa ku hanjabtay inay gabi ahaanba shaqada joojin doonto.

2013-07-13 8:05 AM EST
Sabti, July 13, 2013 (HOL) — Maxkamadda gobolka Banaadir ayaa maanta u fariisatay dhageysiga dacwado loo haystay 16-qof oo ku kala eedeysnaa dil, kufsi iyo dhac, waxaana maxkamaddu 12 qof oo ka mid ah ay ku ridday xukunno isugu jira xabsi iyo dil toogasho.

2013-07-13 4:03 AM EST
Sabti, July 13, 2013 (HOL) — Wasiirka arrimaha gudaha iyo ammaanka Qaranka xukuumadda Soomaaliya, C/kariin Xuseen Guuleed ayaa sheegay in wadahadalladii dowladda Soomaaliya iyo Somaliland ku dhexmaray dalka Turkiga ay ahaayeen kuwo lagu qancinayo Somaliland.

2013-07-13 3:34 AM EST
Sabti, July 13, 2013 (HOL) — Afhayeenka AMISOM, Col. Cali Aadan Xumad oo saxaafadda la hadlay ayaa shacabka Soomaaliyeed ka dalbaday inay kala shaqeeyaan ciidamadoda iyo kuwa dowladda Soomaaliya sidii lagu sugi lahaa ammaanka guud ee caasimadda Soomaaliya.

2013-07-13 3:16 AM EST
Sabti, July 13, 2013 (HOL) — Taliska booliiska Soomaaliya ayaa faahfaahin ka bixiyay weerarkii ismiidaaminta ahaa ee shalay Muqdisho lagu beegsaday ciidamada Midowga Afrika ee AMISOM, iyagoo sheegay in baaritaanno ay ku hayaan gaariga iyo ciddii iska lahayd.