2014-11-24
Today from Hiiraan Online:  _
Wararka Maanta- Sabti, July 13, 2013
Ergayga Qaramada Midoobay ee Arrimaha Somalia oo Markii ugu Horreysay safar ku tagay Xarunta Puntland ee Garoowe



Sabti, July 13, 2013 (HOL) — Ergeygga gaarka ah ee xoghayaha guud ee Qaramadda Midoobay (SRSG), Nicholas Kay ayaa maanta booqasho ku tagay magaalada Garoowe ee xarunta Puntland, taasoo ahayd booqashadii ugu horreysay ee Kay uu ku tago Puntland oo ka mid ah maamullada dalka ka jira ee taageersan dowladda Soomaailya.

Kay ayaa la kulmay madaxweynaha Puntland, C/raxmaan Maxamed Faroole iyo xubno kale oo ka tirsan maamulkaas, isagoo kala hadlay howlgalka cusub ee Qaramada Midoobay oo la billaabay 03-dii Juun ee sannadkan.

“Waxaan ku faraxsanahay inaan maanta booqdo Puntland oo aan la kulmo madaxweyne C/raxmaan Maxamed Faroole. Puntland waxay kaalin weyn ka qaadatay dadaalkii loo galay dhammeynta xilligii KMG ahaa ee Soomaaliya, waxaana ku han-weynnahay inay sii waddo qaybta wanaagsan ee ay ka qaadato taageeridda marxaladda ka dambeysa KMG iyo nabadaynta,” ayuu yiri Nicholas Kay.

Ergaygu wuxuu maamulka iyo shacabka Puntland uga tacsiyeeyay geeridii ku timid Alle ha u naxriisee Boqor Cabdullaahi Boqor Muuse oo Qardho lagu aasay toddobaadkii lasoo dhaafay.

Mr. Kay ayaa madaxweynaha Puntland, Cabdiraxmaan Faroole u sharraxay howlaha xafiiska UNSOM ee Soomaaliya, kaasoo uu sheegay in howshiisu ay tahay in la taageero dhisidda iyo tayada Qaranka Soomaaliyeed, nabadda, maamul wanaagga, di-bu-habaynta amniga, ku dhaqanka sharciga iyo sidoo kale  xuquuqda aadanaha.

Sidoo kale, ergaygu wuxuu sheegay in howshooda ay ka mid tahay sidii ay uga shaqeyn lahaayeen dhexdhexaadinta iyo dib-u-heshiisiin siyaasadeed ee gargaarka caalamiga ah ee Soomaaliya ay hesho dunida.

Wafdiga ergayga intii ay booqashada ku joogeen Puntland waxay maamulka Puntland ku wareejin doonaan xafiisyada UNDP u dhistay Xeer-ilaaliyaha guud iyo guddiga garsoorka Puntland, iyadoo mashruucan uu qayb ka ahaa mashaariicda loogu fududeynayo maamulka cadaaladda. 

Ergayga, wuxuu sidoo kale la kulmi doonaa inta uu ku sugan yahay Puntland guddoomiyaha baarlamaanka maamulkaas, bulshada rayidka ah iyo guddiga KMG ah ee doorashooyoinka Puntland. Isagoo sheegay inuu rajeyanyo inay doorashooyinka dowladaha hoose ee Puntland ay noqdaan kuwo si nabad ah ku dhaca.

“Hannaanka dimuqraadiyadda Puntland waa muhiim. mar walba waxaa jira wax dheeraad ah oo loo baahan yahay in la barto. Xafiiska UNSOM ee Garoowe wuxuu maamulka iyo bulshada rayidka kala shaqeyn doonaa dhammaan arrimaha la xiriira waajibkeenna iyo xilka naloo ig-maday”, ayuu Key hadalkiisa kusoo gabgabeeyay.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-07-13 9:58 AM EST
Sabti, July 13, 2013 (HOL) — Madaxweynaha Soomaaliya, Xasan Sheekh Maxamuud ayaa maanta xafiiskiisa kula kulmay guddiga loo saaray inay soo diyaariyaan qodobbada la hordhigayo shirka lagu qabanayo September 16-keeda magaalada Brussels ee xarunta Belgium.

2013-07-13 8:44 AM EST
Sabti, July 13, 2013 (HOL) — Xukuumadda Kenya ayaa sheegtay inay xadka ay la wadaagto Soomaaliya iyo Itoobiya xoojinayso, iyadoo sheegtay inay ka soo galaan hubka sharci-darrada ah ee ay isticmaalaan kooxaha xag-jiriinta ah ee dalkeeda weerarrada ka geysta.

2013-07-13 8:23 AM EST
Sabti, July 13, 2013 (HOL) - Shirkad dhawaanahaanba hawlo shidaal baaris ah ka waday deegaanka Modogashe oo ka tirsan magaalada Gaarisa ee xarunta gobolka waqooyi bari ayaa ku hanjabtay inay gabi ahaanba shaqada joojin doonto.

2013-07-13 8:05 AM EST
Sabti, July 13, 2013 (HOL) — Maxkamadda gobolka Banaadir ayaa maanta u fariisatay dhageysiga dacwado loo haystay 16-qof oo ku kala eedeysnaa dil, kufsi iyo dhac, waxaana maxkamaddu 12 qof oo ka mid ah ay ku ridday xukunno isugu jira xabsi iyo dil toogasho.

2013-07-13 4:03 AM EST
Sabti, July 13, 2013 (HOL) — Wasiirka arrimaha gudaha iyo ammaanka Qaranka xukuumadda Soomaaliya, C/kariin Xuseen Guuleed ayaa sheegay in wadahadalladii dowladda Soomaaliya iyo Somaliland ku dhexmaray dalka Turkiga ay ahaayeen kuwo lagu qancinayo Somaliland.

2013-07-13 3:34 AM EST
Sabti, July 13, 2013 (HOL) — Afhayeenka AMISOM, Col. Cali Aadan Xumad oo saxaafadda la hadlay ayaa shacabka Soomaaliyeed ka dalbaday inay kala shaqeeyaan ciidamadoda iyo kuwa dowladda Soomaaliya sidii lagu sugi lahaa ammaanka guud ee caasimadda Soomaaliya.

2013-07-13 3:16 AM EST
Sabti, July 13, 2013 (HOL) — Taliska booliiska Soomaaliya ayaa faahfaahin ka bixiyay weerarkii ismiidaaminta ahaa ee shalay Muqdisho lagu beegsaday ciidamada Midowga Afrika ee AMISOM, iyagoo sheegay in baaritaanno ay ku hayaan gaariga iyo ciddii iska lahayd.