3/29/2024
Today from Hiiraan Online:  _
Wararka Maanta- Sabti, July 13, 2013
Shirkad Shidaal ka Baaraysay Deegaanno Hoosyimaada Magaalada Gaarisa oo ku Hanjabtay inay shaqada Joojinayso

Sabti, July 13, 2013 (HOL) - Shirkad dhawaanahaanba hawlo shidaal baaris ah ka waday deegaanka Modogashe oo ka tirsan magaalada Gaarisa ee xarunta gobolka waqooyi bari ayaa ku hanjabtay inay gabi ahaanba shaqada joojin doonto.

Vanoil Energy Company oo laga leeyahay dalka Canada ayaa ka cabanaysa qaar kamid ah dadka deegaanka oo kasoo horjeestay hawlaha ay shirkadu ka wado goobahaas.

Waxayna sheegtay in hadii ay sii socdaan muranka u dhexeeya shaqaalaha shirkadda iyo dadka deegaanka oo ka cabanaya inay waxyeelo kasoo gaadho deegaanka hawlaha ay shirkadu wado inay sababi karto joojinta dhammaan hawlaha baaritaannada ah ee socda.

Guddoomiyaha Countiga Gaarisa Nadiif Jaamac ayaa ka dalbaday dadka deegaanka Modogashe inay joojiyaan is hortaagga shirkada si ay shaqadeeda u wadato.

Shirkada shidaalka ee Vanoil ayaa qorshaynaysa inay ka qodo Modogashe labo ceel  oo lagu ogaanayo in halkaas uu ku jiro shidaal taasoo ay ku kacayso lacag dhan 2.2 million oo shilinka Kenya ah.

Waa markii ugu horreysay oo laga bilaabo baaritaano dhanka shidaalka ah deegaanada hoos yimaada gobolka waqooyi bari ee Soomaalida kadib markii shidaal laga helay Lokichar oo ka tirsan deegaanka Turkana ee waddanka Kenya.

Axmed C/samad, Hiiraan Online
[email protected]
Nairobi , Kenya













Click here
7/13/2013 9:58 AM EST
Sabti, July 13, 2013 (HOL) — Madaxweynaha Soomaaliya, Xasan Sheekh Maxamuud ayaa maanta xafiiskiisa kula kulmay guddiga loo saaray inay soo diyaariyaan qodobbada la hordhigayo shirka lagu qabanayo September 16-keeda magaalada Brussels ee xarunta Belgium.

7/13/2013 8:44 AM EST
Sabti, July 13, 2013 (HOL) — Xukuumadda Kenya ayaa sheegtay inay xadka ay la wadaagto Soomaaliya iyo Itoobiya xoojinayso, iyadoo sheegtay inay ka soo galaan hubka sharci-darrada ah ee ay isticmaalaan kooxaha xag-jiriinta ah ee dalkeeda weerarrada ka geysta.

7/13/2013 8:42 AM EST
Sabti, July 13, 2013 (HOL) — Ergeygga gaarka ah ee xoghayaha guud ee Qaramadda Midoobay (SRSG), Nicholas Kay ayaa maanta booqasho ku tagay magaalada Garoowe ee xarunta Puntland, taasoo ahayd booqashadii ugu horreysay ee Kay uu ku tago Puntland oo ka mid ah maamullada dalka ka jira ee taageersan dowladda Soomaailya.

7/13/2013 8:05 AM EST
Sabti, July 13, 2013 (HOL) — Maxkamadda gobolka Banaadir ayaa maanta u fariisatay dhageysiga dacwado loo haystay 16-qof oo ku kala eedeysnaa dil, kufsi iyo dhac, waxaana maxkamaddu 12 qof oo ka mid ah ay ku ridday xukunno isugu jira xabsi iyo dil toogasho.

7/13/2013 4:03 AM EST
Sabti, July 13, 2013 (HOL) — Wasiirka arrimaha gudaha iyo ammaanka Qaranka xukuumadda Soomaaliya, C/kariin Xuseen Guuleed ayaa sheegay in wadahadalladii dowladda Soomaaliya iyo Somaliland ku dhexmaray dalka Turkiga ay ahaayeen kuwo lagu qancinayo Somaliland.

7/13/2013 3:34 AM EST
Sabti, July 13, 2013 (HOL) — Afhayeenka AMISOM, Col. Cali Aadan Xumad oo saxaafadda la hadlay ayaa shacabka Soomaaliyeed ka dalbaday inay kala shaqeeyaan ciidamadoda iyo kuwa dowladda Soomaaliya sidii lagu sugi lahaa ammaanka guud ee caasimadda Soomaaliya.

7/13/2013 3:16 AM EST
Sabti, July 13, 2013 (HOL) — Taliska booliiska Soomaaliya ayaa faahfaahin ka bixiyay weerarkii ismiidaaminta ahaa ee shalay Muqdisho lagu beegsaday ciidamada Midowga Afrika ee AMISOM, iyagoo sheegay in baaritaanno ay ku hayaan gaariga iyo ciddii iska lahayd.