2014-11-24
Today from Hiiraan Online:  _
Wararka Maanta- Jimco, July 12, 2013
Dad ku dhinty rasaas lagu furay gaari ka baxay Degmada Boosaaso iyo qaar kale oo ku dhaawacmay isla Weerarkaas


Jimco, July 12, 2013 (HOL) — Koox dabley ah ayaa xalay abbaare 12:kii habeennimo jidka u galay gaari nooca xamuulka qaada ah oo ka tegey magaalada Boosaaso, kaas oo marayey inta u dhexeysa tuulooyinka Kalabery iyo Kob-dhexaad oo qiyaastii 70km magaalada Boosaaso bariga ka xiga.

Rasaasta lagu furay gaariga ayaa sababtay geerida 3-qof oo isugu jirey wadihii gaariga, caawiyihii wadaha iyo qofka sadexaad oo ahaa nin waayeel ah. Sidoo kale waxaa rasaasta ku dhaawacmay 8-qof oo kale, kuwaas oo 6-kamid ahi ay haween yihiin.

Dadka dhaawaca ah oo ay qaarkood xaaladoodu aad halis u tahay, islamarkaana ay ku jiraan dad da' ah, waxaa goobta laga soo qaaday xilli danbe oo xalay ahayd, waxaana intooda badan lagu dabiibayaa isbitaalka guud ee magaalada Boosaaso.

Taliyaha saldhigga Booliska ee degmada Carmo Gaashaanle Yuusuf Axmed Ciise oo kamid ahaa dadkii ugu horeeyey ee goobtaas gaarey ayaa warbaahinta uga warbixiyey sida ay wax u dheceen, wuxuuna sheegay in weerarkan ay soo qaadeen koox dhalinyaro ah oo ka yimid dhinaca tuulada Kalabayr, waa sida uu hadalka u dhigaye.

Wuxuuna intaas ku daray in falkani uu xiriir la leeyahay colaad in muddo ah soo jiitameysey oo u dhexeysa labo beelood oo walaalo ah, kuwaas oo wada dega qaybo kamid ah gobollada Bari iyo Karkaar. Colaaddan oo marar badan la xalliyey ayaa dib mar kale usoo cusboonaatay asbuucan horraantiisii.

Falkan ayaa ahaa mid si aad ah looga argagaxay, mana jiraan ilaa iyo hadda mas'uuliyiin ka tirsan maamulka gobolka Bari oo arrintan ka hadlay.

Maxamed Salaad Xaaji Dirir, Hiiraan Online
xaajidirir@hiiraan.com
Puntland, Soomaaliya





Post your comments

2013-07-12 3:15 PM EST
Jimco, July 12, 2013 (HOL) — Madaxweynaha Somaliland Mudane Axmed Maxamed Maxamuud (Siilaanyo), ayaa xadhiga ka jaray idaacad cusub oo FM ah oo khaas u ah quraanka karriimka iyo Axaadiista Nabiga NNKHA oo lagu soo kordhiyay idaacadda Radio Hargeysa.

2013-07-12 2:14 PM EST
Jimco, July 12, 2013 (HOL) — Urur-siyaasadeedka Wadajir oo kamid ah 6-da urur-siyaasadeed ee Puntland ayaa maanta shaaciyey in uusan ka qayb geli doonin doorashada goleyaasha deegaanka ee Isniinta soo socota la filayo in ay ka qabsoonto deegaanada Puntland.

2013-07-12 1:20 PM EST
Jimco, July 12, 2013 (HOL) — Sideed sano ayaa kasoo wareegtay markii kooxo hubeysan ay xalay oo kale ku toogteen gurigiisa oo ku yaalay degmada Wadajir C/qaadir Yaxye Sheekh Cali oo ka mid ahaa mas’uuliyiintii hay’adda cilmi-baarista iyo wadashiga CRD.

2013-07-12 12:40 PM EST
Jimco, July 12, 2013 (HOL) — Ra,iisal wasaaraha Soomaaliya, Cabdi Faarax Shirdon (Saacid) ayaa cambaareeyay weerarkii is-miidaaminta ahaa ee lala beegsaday gellinkii dambe ee maanta gaadiid ay wateen ciidamada AMISOM, isagoo tacsi u diray dhamaan qoysaskii dadkii rayidka ahaa ee wax-yeelladu kasoo gaartay weerarkaas.

2013-07-12 11:47 AM EST
Jimco, July 12, 2013(HOL)—Suxufiyiinta Soomaaliyeed ayaa sheegay in Dowladda Soomaaliya ay meel marisay sharci qabyo qoraal ah, kaasi oo ay u arkayaan in uu yahay mid xaaladda ku sii adkeyn doona warfidiyeennada Soomaaliyeed oo xaalado ka dhan ah xuquuqdooda aas-aasiga ah la kulmayay sanadihii aynu ka soo gudubnay.

2013-07-12 10:29 AM EST
Jimco, July 12, 2013(HOL) :- Shir maanta ka dhacay xarunta jaamacadda Kismaayo islamarkaana ay goobjoog ka ahaayeen madaxda ugu sareeysa maamulka Jubbaland iyo ergadii soo dhistay maamulka ayaa waqti kordhin loogu sameeyay madaxweeynaha maamulka si uu u soo dhameystiro qeybaha ka dhisman maamulka.

2013-07-12 9:12 AM EST
Jimco, July 12, 2013 (HOL) — Inta la ogyahay shan ruux oo ka mid ah kuwii uu dagaalku u dhexeeyay ayaa ku dhintay sagaal kalena dhaawacyo ayaa ka soo gaaray dagaal ciidamada dowladda Soomaaliya iyo kuwa Al-shabaab ku dhexmaray manta degmada Awdheegle ee gobolka Shabeellada Hoose.

2013-07-12 8:47 AM EST
Jimco, July 12, 2013 (HOL) — Weerar Ismiidaamin ah ayaa goor dhow lala beegsday gaadiid ay wateen ciidamada AMISOM oo marayay agagaarka xarunta hay’adda UNDP ay ku leedahay Muqdisho, iyadoo weerarkaas ay ka dhasheen khasaarooyin isugu jira dhimasho iyo dhaawac.

2013-07-12 4:57 AM EST
Jimco, July 12, 2013 (HOL) — Jaaliyadda Soomnaaliyeed ee ku nool xarunta labaad ee dalka Britain ee Birmingham ayaa xaflad soo dhaweyn ah xalay u sameeyay wafdi xildhibaanno ah oo uu hoggaaminayay guddoomiye ku xigeenka labaad ee baarlamaanka Soomaaliya, Mahad Cabdalla Cawad oo socdaal shaqo ku jooga Britain.

2013-07-12 4:13 AM EST
Jimco, July 12, 2013 (HOL) — Madaxweynaha Puntland C/raxmaan Sheekh Maxamed Faroole ayaa ugu baaqay shacabka ku nool Puntland inay ka qayb-qaataan doorashooyinka golaha deegaanka oo billaaban doona Isniinta soo socota oo ku beegan 15-ka bishan July.