2014-10-25
Today from Hiiraan Online:  _
Wararka Maanta- Jimco, July 12, 2013
Madaxweyne C/raxmaan Faroole oo shacabka Puntland ku booriyay inay ka Qayb-galaan Doorashooyinka Puntland



Jimco, July 12, 2013 (HOL) — Madaxweynaha Puntland C/raxmaan Sheekh Maxamed Faroole ayaa ugu baaqay shacabka ku nool Puntland inay ka qayb-qaataan doorashooyinka golaha deegaanka oo billaaban doona Isniinta soo socota oo ku beegan 15-ka bishan July.

Faroole wuxuu shacabka ka dalbaday inay ciddii ay doonaan u codeeyaan, balse ay tahay inay doorashada u soo baxaan, isagoo sheegay in doorashadu ay tilmaan u tahay horumarka dhinaca dimuqraadiyadda ah ee Puntland ay ku tallaabsatay.

“Cidaad rabtid u code… hadaad rabto Horseed ha u codeyn, laakiinse waa in aad codeyso. kuwo badan baa dhexda ka baxay oo waxay is lahaayeen wax hagaagi mayaan, waxaana jira kuwo caqabad ku ah horumarka Puntland ay ku tallaabsatay,” ayuu yiri madaxweynaha Puntland.

Isagoo sii hadlaya ayaa wuxuu yiri: “Somalidu waxay oran jirtay qofkii low isku dhuftaa - isagaa u dhutiya, qofkii dhibaato sameeyo waa lagu ciqaabaa waana laga jaasaynayaa.”

Doorashooyinkan golaha deegaanka oo noqonaya kuwii ugu horreeyay ee ay Puntland qabato ayaa waxaa ka qaybgalaya xisbiyo fara badan oo xilliyadii ugu dambeeyay is-diiwaangelinayay, kuwaasoo uu ku jiro xisbi uu hormuud u yahay madaxweynaha Puntland oo lagu magacaabo Horseed.

“Xisbiyada la sameeyay waa kuwo aan soo dhaweynayo waana kuwo tilmaan u ah horumar dhinaca siyaasadda ah ee la gaaray. Waxaana ku boorrinayaa inay kuraasta madaxnimada u tartamaan. Ninkii wanaag doonaya waa inuu la shaqeeyaa wanaagga, waayo dunida horumar ayay ku socotaa,” ayuu mar kale hadalkiisa ku daray.

Madaxweynaha Puntland ayaa hadalkan ka sheegay isku soo baxyo uu ka sameeyay xisbiga Horseed deegaannada Puntland oo ay ku jirto degmada Garoowe oo ah xarunta maamulkan.

Doorashooyinkan ayaa waxay ka dhici doonaan guud ahaan deegaannada uu ka kooban yahay Puntland, iyadoo dhowr jeer oo hore ay doorashooyinkan golaha deegaanku dib u dhac ku yimaadeen, balse hadda la xaqiijiya inay dhici doonaan 15-ka bishan.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-07-12 3:15 PM EST
Jimco, July 12, 2013 (HOL) — Madaxweynaha Somaliland Mudane Axmed Maxamed Maxamuud (Siilaanyo), ayaa xadhiga ka jaray idaacad cusub oo FM ah oo khaas u ah quraanka karriimka iyo Axaadiista Nabiga NNKHA oo lagu soo kordhiyay idaacadda Radio Hargeysa.

2013-07-12 2:14 PM EST
Jimco, July 12, 2013 (HOL) — Urur-siyaasadeedka Wadajir oo kamid ah 6-da urur-siyaasadeed ee Puntland ayaa maanta shaaciyey in uusan ka qayb geli doonin doorashada goleyaasha deegaanka ee Isniinta soo socota la filayo in ay ka qabsoonto deegaanada Puntland.

2013-07-12 1:20 PM EST
Jimco, July 12, 2013 (HOL) — Sideed sano ayaa kasoo wareegtay markii kooxo hubeysan ay xalay oo kale ku toogteen gurigiisa oo ku yaalay degmada Wadajir C/qaadir Yaxye Sheekh Cali oo ka mid ahaa mas’uuliyiintii hay’adda cilmi-baarista iyo wadashiga CRD.

2013-07-12 12:40 PM EST
Jimco, July 12, 2013 (HOL) — Ra,iisal wasaaraha Soomaaliya, Cabdi Faarax Shirdon (Saacid) ayaa cambaareeyay weerarkii is-miidaaminta ahaa ee lala beegsaday gellinkii dambe ee maanta gaadiid ay wateen ciidamada AMISOM, isagoo tacsi u diray dhamaan qoysaskii dadkii rayidka ahaa ee wax-yeelladu kasoo gaartay weerarkaas.

2013-07-12 11:47 AM EST
Jimco, July 12, 2013(HOL)—Suxufiyiinta Soomaaliyeed ayaa sheegay in Dowladda Soomaaliya ay meel marisay sharci qabyo qoraal ah, kaasi oo ay u arkayaan in uu yahay mid xaaladda ku sii adkeyn doona warfidiyeennada Soomaaliyeed oo xaalado ka dhan ah xuquuqdooda aas-aasiga ah la kulmayay sanadihii aynu ka soo gudubnay.

2013-07-12 10:29 AM EST
Jimco, July 12, 2013(HOL) :- Shir maanta ka dhacay xarunta jaamacadda Kismaayo islamarkaana ay goobjoog ka ahaayeen madaxda ugu sareeysa maamulka Jubbaland iyo ergadii soo dhistay maamulka ayaa waqti kordhin loogu sameeyay madaxweeynaha maamulka si uu u soo dhameystiro qeybaha ka dhisman maamulka.

2013-07-12 9:12 AM EST
Jimco, July 12, 2013 (HOL) — Inta la ogyahay shan ruux oo ka mid ah kuwii uu dagaalku u dhexeeyay ayaa ku dhintay sagaal kalena dhaawacyo ayaa ka soo gaaray dagaal ciidamada dowladda Soomaaliya iyo kuwa Al-shabaab ku dhexmaray manta degmada Awdheegle ee gobolka Shabeellada Hoose.

2013-07-12 8:47 AM EST
Jimco, July 12, 2013 (HOL) — Weerar Ismiidaamin ah ayaa goor dhow lala beegsday gaadiid ay wateen ciidamada AMISOM oo marayay agagaarka xarunta hay’adda UNDP ay ku leedahay Muqdisho, iyadoo weerarkaas ay ka dhasheen khasaarooyin isugu jira dhimasho iyo dhaawac.

2013-07-12 8:42 AM EST
Jimco, July 12, 2013 (HOL) — Koox dabley ah ayaa xalay abbaare 12:kii habeennimo jidka u galay gaari nooca xamuulka qaada ah oo ka tegey magaalada Boosaaso, kaas oo marayey inta u dhexeysa tuulooyinka Kalabery iyo Kob-dhexaad oo qiyaastii 70km magaalada Boosaaso bariga ka xiga.

2013-07-12 4:57 AM EST
Jimco, July 12, 2013 (HOL) — Jaaliyadda Soomnaaliyeed ee ku nool xarunta labaad ee dalka Britain ee Birmingham ayaa xaflad soo dhaweyn ah xalay u sameeyay wafdi xildhibaanno ah oo uu hoggaaminayay guddoomiye ku xigeenka labaad ee baarlamaanka Soomaaliya, Mahad Cabdalla Cawad oo socdaal shaqo ku jooga Britain.