2014-10-23
Today from Hiiraan Online:  _
Wararka Maanta- Khamiis, July 11, 2013
Golaha wasiirrada Xukuumadda Soomaaliya oo kulankoodii Maanta ku Meel-mariyay Sharciga Warbaahinta Dalka


Khamiis, July 11, 2013 (HOL) — Golaha wasiirrada Xukuumadda Soomaaliya ayaa maanta shir ay ku yeesheen xaruntooda Muqdisho waxay ku meel-mariyeen sharciga ay ku dhaqmayso warbaahinta dalka (Media Law).

Kulanka oo uu shi-guddoominayay ra’iisul wasaaraha Somalia, Cabdi Faarax Shirdoon ayaa sidoo kale warbixino looga dhegeystay wasiirka warfaafinta, boostada iyo isgaarsiint, Cabdullaahi Ciilmooge Xirsi iyo wasiiradda adeegga bulshada, Maryam Qaasim Axmed, kuwaasoo safarro ku tagay dalal dhowr ah oo ay lasoo galeen heshiisyo horumarineed.

Gabagabadii kulanka ayaa waxaa warbaahinta la hadlay wasiirka warfaafinta mudane Ciilmooge, isagoo xusay in goluhu ay ka dooday qodobbo dhowr ah oo ay ugu horreysay sharciga warbaahinta, taasoo falanqeyn dheer kaddib si buuxda loo meel-mariyay.

“Sida aad la socoteen, kulan ballaaran ayaan isugu yeernay qaybaha kala duwan ee warbaahinta 09-kii Febraayo, waxaana u soo bandhignay howl-wadeennada iyo madaxda warbaahinta dalka sharci lagu maareynayo war-baahinta, waxaana weydiinnay taladooda inay ku biiriyaan sharcigan, weyna ku talo-darsadeen. Bishii May bilowgeedii ayaan ka helnay wixii talo ah ee ay bixiyeen waanan ku darnay,” ayuu yiri wasiirka oo xusay in qodobbada ugu badan ee sharcigani dhigayo ay yihiin kuwii ay soo gudbiyeen bahda warbaahinta dalka si sharcigani u noqdo mid dhaqan-gal ah oo aan waxba u dhimin dadka ku howlan mihnada saxaafadda.

“Runtii marar badan ayaa waxaa dhacday in lagu xad-gudbo shuruucda war-baahinta, dowladduna wax tallaabo ah ma qaadin, sababtoo ah waxaan sugeynay in sharci la helo si cid kasta ay u hesho xaquuqdeeda,” ayuu mar kale yiri wasiirka warfaafita oo guul ku tilmaamay meel-marinta sharcigan, si deg-deg ahna loogu gudbin doono golaha baarlamaanka Soomaaliya si ay u sharciyeeyaan.

Sidoo kale, wasiirka ayaa sheegay in xayiraaddii garoonka caalamiga ah ee Aadan-cadde International oo muddo 20 sano ah saarnayd laga qaaday uuna hadda ka mid yahay garoommada caalmiga ah ee calaamka, ayna diyaarado caalami ah kusoo degi karaan. Isagoo xusayin Air Uganda ay duulmaadyo ka billowday Muqdisho.

Dhanka kale, wasiiradda horumarinta adeegga bulshada, Maryam Qaasim oo iyadna safar ku tagtay dalka Turkiga ayaa golaha uga warbixisay heshiis ay lasoo saxiixatay dawladda Turkiga; kaasoo lagu horumarinayo adeegyada bulshada, gaar ahaana caafimaadka. Iyadoo xustay in dhawaan la howlgelin doono Isbitaalkii Digfeer kaasoo ay dawladda Turkigu dayactir iyo ballaarin ku sameysay uuna howl-billaabi doono bisha September ee sanadkan.

“Isbitaalku wuxuu noqon doonaa isbitaalka ugu weyn uguna casrisan geeska Afrika, wuxuuna dabooli doonaa baahida caafimaad ee shacabka,” ayay tiri wasiiradda oo intaasi ku dartay in dadka caafimaadkooda wax looga qaban waayo gudaha dalka looo qaadi doono Turkiga, kaasoo qeyb ka ah heshiiska.

Gabagabadii, golaha wasiirrada ayaa guddi heer wasiir ah u saaray aaska Allaha ha u naxariistee, danjire Sayid Shariif Sheekh Cabdullaahi oo ahaa danjirihii Soomaaliya ee dalka dalka Koofur Afrika, kaasoo Arbacadii shalay ku geeriyooday magaalada Pretoria, waxaana berri aas Qaran loogu sameyn doonaa dalka gudihiisa iyadoo meydkiisa la keeni doono garoonka Aadan-Cadde si madaxda Qaranku ugu tukudaan salaadda janaasada kaddibna loo aaso.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-07-11 3:16 PM EST
Khamiis, July 11, 2013 (HOL) — Barclays Bank oo ah bankiga ugu weyn UK oo lacagaha kaashka ah u kala gudbin jiray xawaaladaha Soomaalida ayaa ku dhawaaqay inuu xiray 100 sanaadiiq xisaabaad ah oo ay ku laahayeen xawaaladaha Soomaaliya, inkastoo tiro yar oo xawaalado ah uu u oglaaday inay weli isticmaalaan bangiga.

2013-07-11 2:57 PM EST
Khamiis, July 11, 2013 (HOL) — Madaxa hay’adda UNHCR oo qoxootiga u qaabilsan Qaramada Midoobay ayaa ka digay in qaxootiga Soomaaliyeed la celiyo iyadoo aan la raacin sharciayada caalamiga ah ee u dagsan qaxootiga iyo habka loola dhaqmo.

2013-07-11 2:31 PM EST
Khamiis, July 11, 2013 (HOL) — Mas'uuliyiinta maamulka gobolka Hiiraan iyo saraakiisha ciidamada oo todobaadyadii aynu soo dhaafnayba siweyn ugu howlanaa dib u habeynta ciidamada iyo sugida amniga ayaa saldhigyo dheeraad ah oo ay ka howlgali doonaan ciidamada booliiska ka hergaliyay qeybo ka mid ah xaafadaha magaalada Baladweyne.

2013-07-11 9:43 AM EST
Khamiis, July 11, 2013 (HOL) — Madaxweynaha Somaliland Mudane Axmed Maxamed Siillaanyo, ayaa isku shaandheyn ku sameeyey agaasimeyaasha guud ee wasaaradaha iyo hay’adaha dawliga ah.

2013-07-11 8:41 AM EST
Khamiis, July 11, 2013 (HOL) — Madaxweynaha Soomaaliya, Xasan Sheekh Maxamud ayaa maanta xafiiskiisa kula kulmay wafdi ururka Midowga Yurub ka socday oo ay horkacayeen, Erik Solheim oo ahaa wasiirkii horumarinta & iskaashiga caalimga ah ee Norway, haddana ah madaxa arrimaha shirka 16-ka September 2013 lagu qabanayo magaalada Brussels iyo safiirka Midowga Yurub ee u fadhiya Soomaaliya, Michelle Cervone.

2013-07-11 7:43 AM EST
Khamiis, July 11, 2013 (HOL) — Maxkamadda degmada Gabiley, ayaa xukun ku riday 15 qof oo ku eedeysnaa ka ganacsiga Tahriibinta dadka. kiiskan oo muddo laba bilood ah dacwadooddu ka socotay maxkamadda Gabiley, ayaa 15 qof oo afar ka mid ahi iyagoo maqan la xukumay, halka 11 kii kalana xukuno kala duwan lagu riday.

2013-07-11 6:05 AM EST
Khamiis, July 11, 2013(HOL) :- Iyadoo maalmihii ugu danbeeyay dowladda Soomaaliya ay mushaaraad u qeybineysay ciidamada dowladda ee ku sugan qeybo ka tirsan gobollada dalka ayaa waxaa maanta lacagahoodii mushaaraadka la gudoonsiiyay ciidamada dowladda Soomaaliya ee ku sugan gobolka Gedo.

2013-07-11 3:51 AM EST
Khamiis, July 11, 2013 (HOL) — Wafdi uu hoggaaminayo guddoomiye ku xigeenka labaad ee baarlamaanka Soomaaliya, Mahad Cabdalla Cawad oo ku sugan magaalada London ayaa la kulmay xildhibaanno ka tirsan labada aqal ee boqortooyada Britain, guddoomiyaha Inter-Parliamentry Union iyo xubno kale.

2013-07-11 2:55 AM EST
Khamiis, July 11, 2013 (HOL) — Xukuumadda Sierra Leone oo ka mid ah dalalka ay ciidamada kaga sugan yihiin Soomaaliya ayaa ku dhawaaqday inay bedeshay taliyihii ciidamadan ka tirsan howlagalka Midowga Afrika ee AMISOM.

2013-07-11 2:40 AM EST
Khamiis, July 11, 2013 (HOL) — Siyaasiyiiin reer Somaliland ah oo maanta ku dhawaaqay gole oo la magac baxay golaha madaxa banaan ee wadatashiga iyo Toosinta Qaranka, kaas oo ka shaqayn doono inuu xukuumadda ku haggo wadadda toosan.