2014-10-02
Today from Hiiraan Online:  _
Wararka Maanta- Khamiis, July 11, 2013
Madaxweynaha Somalia oo Muqdisho kula kulmay wafdi ka socday Midowga Yurub oo uu Hoggaaminayay Erik Solheim (SAWIRRO)



Khamiis, July 11, 2013 (HOL) — Madaxweynaha Soomaaliya, Xasan Sheekh Maxamud ayaa maanta xafiiskiisa kula kulmay wafdi ururka Midowga Yurub ka socday oo ay horkacayeen, Erik Solheim oo ahaa wasiirkii horumarinta & iskaashiga caalimga ah ee Norway, haddana ah madaxa arrimaha shirka 16-ka September 2013 lagu qabanayo magaalada Brussels iyo safiirka Midowga Yurub ee u fadhiya Soomaaliya, Michelle Cervone.

Madaxweynaha Soomaaliya aaya waxaa ku wehliyay kulankan xubno ay ka mid yihiin wasiirka maaliyadda iyo wasiir-u-dowlaha xafiiska madaxweynaha iyo la-taliyeyaasha gaarka ah ee madaxweynaha.

Erik Solheim ayaa uga mahadceliyay madaxweynaha Somalia qaabilaaddiisa, warbixinna ka siiyay shirka 16-ka September  ka dhacaya Brussels isagoo u sheegay in Midowga Yurub ay ka go’antahay sidii shirkaas uu u noqon lahaa mid miro dhal ah, isla markaana ay Soomaaliya la imaan doono COMPACT ku qeexan sidii dalka dib loogu dhisi lahaa iyo sida ay dowladdu mudnaanta u kala siinayso howlaha ay rabto inay qabato.

Sidoo kale, Solheim ayaa sheegey inay muhiim tahay in dowladda Somalia la dhageysto bacdamaa Midowga Yurub uu rabo in Soomaalida waxa ay rabaan la fuliyo. Iyadoo madaxweynuhuna uu Erik uga mahadceliyey booqashadiisa iyo sida ay Midowga Yurub ay uga go’an tahay inay hormuud ka noqoto dib u dhiska dalka Soomaaliya.

“Dowladdu waxay u xil-saartay guddi ka shaqeeya arrimaha New Deal oo ku saabsan shirka 16-ka September, si shirkaas uu u noqdo mid guuleysta oo ay kasoo baxaan wax dan u ah shacabka Soomaaliya. Sidoo kale waxaan wadnaa wadatashiyo aan la sameyneyno dhammaan bulshada Soomaaliyeed si uu u noqdo qorshaha la sameynayo mid ka yimid shacabka,” ayuu yiri madaxweynaha Soomaaliya.

Madaxweynaha oo sii hadlaya ayaa wuxuu sheegay inay guddiyo ay u diri doonaan magaalooyinka, Baydhabo, Hargeysa, Baladweyne iyo Garoowe, si ay u soo ururiyaan baahiyaha ay dadku qabaan, loona horgeeyo shirka 16-ka bisha September ka dhacaya xarunta dalka Belgium.

Dhanka kale, madaxweynaha Soomaaliya ayaa Midowga Yurub ka codsaday in shirkan uu ka duwanaado kuwii hore, Soomaaliya iyo Midowga Yurubna ay kawada shaqeeyaan dabalgalna ku sameeyaan sidii ballanqaadyada loo fulin lahaa oo dhammaan mashaariicda la ballan-qaado ay u hirgeli lahaayeen. Madaxweynaha ayaa sheegey in dowladdu ay diyaarsay nidaamkii maamulka maaliyadda oo kalsooni siin kara dalalka deeqaha baxsha.

Kulanka kaddib waxaa shir jaraa’id wadajir u qabtay safiirka Midowga Yurub ee Soomaaliya, Michelle Cervone iyo afhayeenka madaxweynaha Somalia, Inj. Yariisow iyagoo sheegay in shirka 16-ka September ka dhacaya Brussels ay shir-guddoomin doonaan madaxweynaha Somalia iyo Catherine Ashton.





Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-07-11 3:16 PM EST
Khamiis, July 11, 2013 (HOL) — Barclays Bank oo ah bankiga ugu weyn UK oo lacagaha kaashka ah u kala gudbin jiray xawaaladaha Soomaalida ayaa ku dhawaaqay inuu xiray 100 sanaadiiq xisaabaad ah oo ay ku laahayeen xawaaladaha Soomaaliya, inkastoo tiro yar oo xawaalado ah uu u oglaaday inay weli isticmaalaan bangiga.

2013-07-11 2:57 PM EST
Khamiis, July 11, 2013 (HOL) — Madaxa hay’adda UNHCR oo qoxootiga u qaabilsan Qaramada Midoobay ayaa ka digay in qaxootiga Soomaaliyeed la celiyo iyadoo aan la raacin sharciayada caalamiga ah ee u dagsan qaxootiga iyo habka loola dhaqmo.

2013-07-11 2:31 PM EST
Khamiis, July 11, 2013 (HOL) — Mas'uuliyiinta maamulka gobolka Hiiraan iyo saraakiisha ciidamada oo todobaadyadii aynu soo dhaafnayba siweyn ugu howlanaa dib u habeynta ciidamada iyo sugida amniga ayaa saldhigyo dheeraad ah oo ay ka howlgali doonaan ciidamada booliiska ka hergaliyay qeybo ka mid ah xaafadaha magaalada Baladweyne.

2013-07-11 10:26 AM EST
Khamiis, July 11, 2013 (HOL) — Golaha wasiirrada Xukuumadda Soomaaliya ayaa maanta shir ay ku yeesheen xaruntooda Muqdisho waxay ku meel-mariyeen sharciga ay ku dhaqmayso warbaahinta dalka (Media Law).

2013-07-11 9:43 AM EST
Khamiis, July 11, 2013 (HOL) — Madaxweynaha Somaliland Mudane Axmed Maxamed Siillaanyo, ayaa isku shaandheyn ku sameeyey agaasimeyaasha guud ee wasaaradaha iyo hay’adaha dawliga ah.

2013-07-11 7:43 AM EST
Khamiis, July 11, 2013 (HOL) — Maxkamadda degmada Gabiley, ayaa xukun ku riday 15 qof oo ku eedeysnaa ka ganacsiga Tahriibinta dadka. kiiskan oo muddo laba bilood ah dacwadooddu ka socotay maxkamadda Gabiley, ayaa 15 qof oo afar ka mid ahi iyagoo maqan la xukumay, halka 11 kii kalana xukuno kala duwan lagu riday.

2013-07-11 6:05 AM EST
Khamiis, July 11, 2013(HOL) :- Iyadoo maalmihii ugu danbeeyay dowladda Soomaaliya ay mushaaraad u qeybineysay ciidamada dowladda ee ku sugan qeybo ka tirsan gobollada dalka ayaa waxaa maanta lacagahoodii mushaaraadka la gudoonsiiyay ciidamada dowladda Soomaaliya ee ku sugan gobolka Gedo.

2013-07-11 3:51 AM EST
Khamiis, July 11, 2013 (HOL) — Wafdi uu hoggaaminayo guddoomiye ku xigeenka labaad ee baarlamaanka Soomaaliya, Mahad Cabdalla Cawad oo ku sugan magaalada London ayaa la kulmay xildhibaanno ka tirsan labada aqal ee boqortooyada Britain, guddoomiyaha Inter-Parliamentry Union iyo xubno kale.

2013-07-11 2:55 AM EST
Khamiis, July 11, 2013 (HOL) — Xukuumadda Sierra Leone oo ka mid ah dalalka ay ciidamada kaga sugan yihiin Soomaaliya ayaa ku dhawaaqday inay bedeshay taliyihii ciidamadan ka tirsan howlagalka Midowga Afrika ee AMISOM.

2013-07-11 2:40 AM EST
Khamiis, July 11, 2013 (HOL) — Siyaasiyiiin reer Somaliland ah oo maanta ku dhawaaqay gole oo la magac baxay golaha madaxa banaan ee wadatashiga iyo Toosinta Qaranka, kaas oo ka shaqayn doono inuu xukuumadda ku haggo wadadda toosan.