2014-10-01
Today from Hiiraan Online:  _
Wararka Maanta- Khamiis, July 11, 2013
Maxkamadda Magaalada Gabiley oo Xukunno kala duwan ku ridday dad lagu eedeeyey inay dadka ka Tahriibiyaan Somaliland


Khamiis, July 11, 2013 (HOL) — Maxkamadda degmada Gabiley, ayaa xukun ku riday 15 qof oo ku eedeysnaa ka ganacsiga Tahriibinta dadka. kiiskan oo muddo laba bilood ah dacwadooddu ka socotay maxkamadda Gabiley, ayaa 15 qof oo afar ka mid ahi iyagoo maqan la xukumay, halka 11 kii kalana xukuno kala duwan lagu riday.

15 qof ayaa lagu helay dambiga ah inay dadka tahriibiyaan, isla markana ay kaalmo siiyaan dhalinyaradda tahriibiya, kuwaas oo ay tusaan dariiqyada la marayo kana shaqaystaan tahriibinta dadka.

Mid  ka mid ah Garsoorayaashii xukumay oo magaciisa ka gaabsaday ayaa khadka Telefoonka ugu waramay HOL, ayaa noo xaqiijiyey inay 11 ka mid ah 15 la xukumay laga soo gudbiyey Wajaale, qaarkoodna Itoobiya soo qabteen, kuwaas oo loo soo gudbiyey Gabilay, waxaana afar ka mid ah oo ay kiiskani ku cadaaday lagu xukumay laba sanno oo xadhig ah iyo milyan iyo laba boqol iyo lixdan kun oo shilling Somaliland ah.

Afartaasi la xukumay waxay magacyadooddu kala ahaayeen:

1. Xasan Carab Cubeed.

2.  Maxamed Cabdi Xirsi.

3. Cabdicasiis Aadan Ismaaciil.

4. Cabdi Suuudi Diiriye  Qase.

Waxaana afartan qof saddax ka mid ah lagu soo qabtay xadka Itoobiyo iyo Somaliland u dhexeeya iyagoo Bas Caasi oo number Itoobiyaan ku xidhan yahay ku qaaday 12 qof, waxaanay 11 habeenimo ay dhalinyaradaasi oo ay ku hayeen meel u dhexeeya Wajaale iyo kala-baydh ka soo qaadeen, waxaana lagu qabtay xadka labadda dal.

Lix ka mid ah 15 qofna Waxa lagu xukumay min lix bilood oo xadhig ah, waxaanay lagu helay dambiga ah inay dhalinyardda u fududeeyaan tahriibka, kuwaas oo qaarna saara baabuurta jaadka qaarkoodna lugaysiiya, waxaana qaarkood sanadkii hore loogu xukumay xadhig, haseyeeshee waxay maxkamaddu sheegay in aanay ka waantoobin walina ku jiraan fududeeynta tahriibka.

Sidoo kale, waxa lixdan qof lagu helay inay caruurta ka cabsiiyaan, isla markana ay caruurta ku qasbaan inay iyaga aaminaan si aanay cid kale gacanta ugu galin, taasina waxay keentay in dhalinyaradda tahriibaysaa ka tallo qaataan, isla markaana calaa qof ka qaataan saddex boqol oo bir.

Lixdan qof ee lixda bilood lagu xukumay waxay magacyadoodu kala yihiin:

1. Cabdi Daa’uud Sooyaal

2. Axmed Daahir muxumed NACNAC.

3. Iiid Muuse Aadan Qamdalas.

4. Maxamed Maxamuud Cabdilaahi Qaro.

5. Cabdirisaaq Cali Rooble baashaal.

6. Naasir Cabdilaahi Aaadan.

Waxa kale isna dambi lagu waayey nin taksiile ah oo ku jiray kooxdan la soo qabtay waxaana maxkamadu dib ugu celisay xoriyadiisa ka dib markii la waayey cid ku markhaati furta dambigan lagu helay.

Haseyeeshee laba qareen oo u doodayey kooxdan ayaa sheegay in ay racfaan ka qaateen xukunkan, waxaanay sheegeen in aanay jirin xeer lagu qaadi karo dadka tahriibayaasha ah  ama tahriibinaya sidaa darteed xukunka ay maxkamadu qaaday aanu sharci ahayn.

Haseyeeshee waxaanu arrintaasi wax ka waydiinay mid ka mid ah garsoorayaasha xukunkan xukumay waxaanu sheegay inay ku qaadeen xeerka socdaalka  3295 qodobkiisa 37aad oo odhanaya qof kasta oo gacan siiya qof ka baxaya dalka ama soo galaya waxa lagu ciqaabayaa 12 bilood oo xadhig ah iyo ganaax.

Haseyeeshee mar aanu waydiinay sababta labadda sanno loogu xukumay mar hadii xeerku sheegayo 12 bilood,  waxa uu garsooruhu ku dooday in afartan qof ee labada sano lagu xukumay lagu eedeeyey inay lacag badan ka qaateen dhalinyaro tahriibaysa, isla markaana aanay geyn meeshay ay doonayeen, ka dib markii meel banaan ah oo u dhow Wajaale war-wareerjiyeen ay u sheegeen inay joogaan meel u dhow jiga jiga, taasina ay been noqotay sidaa darteed ay dadkii lacagta ka qaateen meeshii ay rabana aanay geyn, taasina ay keentay inuu xukunku kaga cuslaado, isla markaana markahatiyo cadayn ku filan la helay.

Sidoo kale, xeer ilaalinta soo dacwaysay ayaa ku eedeysay kooxdan qodobka 457, qodobkaasi oo Ka hadlaya ka ganacsiga Adoonta, waxaaanay ku doodeen maadaama oo ay dadkani yihiin dad xoriyadii laga qaaday ay adoon u yihiin dadkan haysta, isla markaana ay dhacdo dad ka ganacsadda xubnaha bani’aadamka, wax  kale oo ay ku eedeysay xeer ilaalintu qodobka 466 oo odhanaya in aan qofna la hadidi Karin ama la cabsi galin karin, isla markaana aan xoriyadda laga qaadi Karin, haseyeeshee ay dadka dadka tahriibiyaa hadidaad ku sameeyaan oo ay xoriyadda ka qaadaan si amarkooda mooyee amar kale u qaadan dadka tahriibaya, kuwaas hadii xeerarkaasi lagu qaadi lahaa ilaa toban sano lagu xukumi lahaa, haseyeeshee maxkamaddu kumay qaadin xeerkaasi xeer ilaalintu ku oogtay, maadaama oo cadayn badan iyo markhaatiyo badan looga baahan yahay, waxaase maxkaamadu ku xukuntay xeerka socdaalka.

Barkhad-Ladiif M. Cumar, Hiiraan Online
barkhadladiif@hiiraan.com  
Hargeysa, Somaliland





Post your comments

2013-07-11 3:16 PM EST
Khamiis, July 11, 2013 (HOL) — Barclays Bank oo ah bankiga ugu weyn UK oo lacagaha kaashka ah u kala gudbin jiray xawaaladaha Soomaalida ayaa ku dhawaaqay inuu xiray 100 sanaadiiq xisaabaad ah oo ay ku laahayeen xawaaladaha Soomaaliya, inkastoo tiro yar oo xawaalado ah uu u oglaaday inay weli isticmaalaan bangiga.

2013-07-11 2:57 PM EST
Khamiis, July 11, 2013 (HOL) — Madaxa hay’adda UNHCR oo qoxootiga u qaabilsan Qaramada Midoobay ayaa ka digay in qaxootiga Soomaaliyeed la celiyo iyadoo aan la raacin sharciayada caalamiga ah ee u dagsan qaxootiga iyo habka loola dhaqmo.

2013-07-11 2:31 PM EST
Khamiis, July 11, 2013 (HOL) — Mas'uuliyiinta maamulka gobolka Hiiraan iyo saraakiisha ciidamada oo todobaadyadii aynu soo dhaafnayba siweyn ugu howlanaa dib u habeynta ciidamada iyo sugida amniga ayaa saldhigyo dheeraad ah oo ay ka howlgali doonaan ciidamada booliiska ka hergaliyay qeybo ka mid ah xaafadaha magaalada Baladweyne.

2013-07-11 10:26 AM EST
Khamiis, July 11, 2013 (HOL) — Golaha wasiirrada Xukuumadda Soomaaliya ayaa maanta shir ay ku yeesheen xaruntooda Muqdisho waxay ku meel-mariyeen sharciga ay ku dhaqmayso warbaahinta dalka (Media Law).

2013-07-11 9:43 AM EST
Khamiis, July 11, 2013 (HOL) — Madaxweynaha Somaliland Mudane Axmed Maxamed Siillaanyo, ayaa isku shaandheyn ku sameeyey agaasimeyaasha guud ee wasaaradaha iyo hay’adaha dawliga ah.

2013-07-11 8:41 AM EST
Khamiis, July 11, 2013 (HOL) — Madaxweynaha Soomaaliya, Xasan Sheekh Maxamud ayaa maanta xafiiskiisa kula kulmay wafdi ururka Midowga Yurub ka socday oo ay horkacayeen, Erik Solheim oo ahaa wasiirkii horumarinta & iskaashiga caalimga ah ee Norway, haddana ah madaxa arrimaha shirka 16-ka September 2013 lagu qabanayo magaalada Brussels iyo safiirka Midowga Yurub ee u fadhiya Soomaaliya, Michelle Cervone.

2013-07-11 6:05 AM EST
Khamiis, July 11, 2013(HOL) :- Iyadoo maalmihii ugu danbeeyay dowladda Soomaaliya ay mushaaraad u qeybineysay ciidamada dowladda ee ku sugan qeybo ka tirsan gobollada dalka ayaa waxaa maanta lacagahoodii mushaaraadka la gudoonsiiyay ciidamada dowladda Soomaaliya ee ku sugan gobolka Gedo.

2013-07-11 3:51 AM EST
Khamiis, July 11, 2013 (HOL) — Wafdi uu hoggaaminayo guddoomiye ku xigeenka labaad ee baarlamaanka Soomaaliya, Mahad Cabdalla Cawad oo ku sugan magaalada London ayaa la kulmay xildhibaanno ka tirsan labada aqal ee boqortooyada Britain, guddoomiyaha Inter-Parliamentry Union iyo xubno kale.

2013-07-11 2:55 AM EST
Khamiis, July 11, 2013 (HOL) — Xukuumadda Sierra Leone oo ka mid ah dalalka ay ciidamada kaga sugan yihiin Soomaaliya ayaa ku dhawaaqday inay bedeshay taliyihii ciidamadan ka tirsan howlagalka Midowga Afrika ee AMISOM.

2013-07-11 2:40 AM EST
Khamiis, July 11, 2013 (HOL) — Siyaasiyiiin reer Somaliland ah oo maanta ku dhawaaqay gole oo la magac baxay golaha madaxa banaan ee wadatashiga iyo Toosinta Qaranka, kaas oo ka shaqayn doono inuu xukuumadda ku haggo wadadda toosan.