2014-10-24
Today from Hiiraan Online:  _
Wararka Maanta- Khamiis, July 11, 2013
Xukuumadda Soomaaliya oo Mushaaraad u Qeybisay Ciidanka Dowladda ee ku sugan Deegaanno ka Tirsan Gobolka Gedo


Khamiis, July 11, 2013(HOL) :- Iyadoo maalmihii ugu danbeeyay dowladda Soomaaliya ay mushaaraad u qeybineysay ciidamada dowladda ee ku sugan qeybo ka tirsan gobollada dalka ayaa waxaa maanta lacagahoodii mushaaraadka la gudoonsiiyay ciidamada dowladda Soomaaliya ee ku sugan gobolka Gedo.

Ciidamada ku sugan gobolka Gedo ayaa waxaa lacagooda mushaaraadka gudoonsiinayay Abaanduulaha ciidamada xoogga dalka ee gobollada Jubooyinka Col. Cabbaas Ibraahim Gureey.

Guddoomiyaha degmada Ceelwaaq Ibraahim Guuleed Kijiko oo qadka teleefonka ugu waramay HOL ayaa sheegay in maanta ay soo gabagabeeyeen mushaar qeybin ay ka wadeen gobolka Gedo, wuxuuna inta ku daray in dowladda Soomaaliya ay u ballan qaaday in ay joogteyn doonto mushaaraadka ciidamada.

Masuulkan oo kamid ahaa wafdi isugu jiray saraakiil ciidan iyo siyaasiyiin oo dhawaan magaalada Muqdisho kula soo kulmay madaxda ugu sareeysa ee dowladda Soomaaliya ayaa dhinaca kale sheegay in dowladda ay u gudbiyeen dhibaatooyinka ka jira gobolka Gedo islamarkaana ay dowladdu ballanqaaday in ay gacan ka geysan doonto daboolidda baahida shacabka iyo ciidamada ku sugan gobolka Gedo.

“Wasiirka arimaha gudaha ayaa kamid ahaa masuuliyiinta aan la kulannay, waxaan kala hadalnay xaaladda bulshada iyo baahida wadanka ka jirta iyo weliba sidii ay dowladda wax ugu qaban lahayd shacabka iyo ciidamada ku sugan gobolka Gedo, dowladuna way naga aqbashay, waxayna ballan qaaday in ay joogteeyn doonto mushaaraadka ciidamada,” ayuu masuulkani hadalkiisii raaciyay.

Guddoomiyaha ayaa intaa ku daray in ciidamada ay aad ugu farxeen lacagaha mushaaraadka ee loo qeybiyay, wuxuuna xusay in ay niyad dhis u noqon doonto islamarkaana ay laba jibaari doonaan howlaha ay ka hayaan gobolka Gedo.

Wasiirka gaashaandhigga xukuumadda Soomaaliya Mudane C/xakiin Max’uud Xaaji Fiqi oo dhawaan warbaahinta ka hadlay ayaa sheegay in hadda wixii ka danbeeyo ay dowladda joogteyn doonto mushaar siinta ciidamada kala duwan ee dowladda Soomaaliya.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-07-11 3:16 PM EST
Khamiis, July 11, 2013 (HOL) — Barclays Bank oo ah bankiga ugu weyn UK oo lacagaha kaashka ah u kala gudbin jiray xawaaladaha Soomaalida ayaa ku dhawaaqay inuu xiray 100 sanaadiiq xisaabaad ah oo ay ku laahayeen xawaaladaha Soomaaliya, inkastoo tiro yar oo xawaalado ah uu u oglaaday inay weli isticmaalaan bangiga.

2013-07-11 2:57 PM EST
Khamiis, July 11, 2013 (HOL) — Madaxa hay’adda UNHCR oo qoxootiga u qaabilsan Qaramada Midoobay ayaa ka digay in qaxootiga Soomaaliyeed la celiyo iyadoo aan la raacin sharciayada caalamiga ah ee u dagsan qaxootiga iyo habka loola dhaqmo.

2013-07-11 2:31 PM EST
Khamiis, July 11, 2013 (HOL) — Mas'uuliyiinta maamulka gobolka Hiiraan iyo saraakiisha ciidamada oo todobaadyadii aynu soo dhaafnayba siweyn ugu howlanaa dib u habeynta ciidamada iyo sugida amniga ayaa saldhigyo dheeraad ah oo ay ka howlgali doonaan ciidamada booliiska ka hergaliyay qeybo ka mid ah xaafadaha magaalada Baladweyne.

2013-07-11 10:26 AM EST
Khamiis, July 11, 2013 (HOL) — Golaha wasiirrada Xukuumadda Soomaaliya ayaa maanta shir ay ku yeesheen xaruntooda Muqdisho waxay ku meel-mariyeen sharciga ay ku dhaqmayso warbaahinta dalka (Media Law).

2013-07-11 9:43 AM EST
Khamiis, July 11, 2013 (HOL) — Madaxweynaha Somaliland Mudane Axmed Maxamed Siillaanyo, ayaa isku shaandheyn ku sameeyey agaasimeyaasha guud ee wasaaradaha iyo hay’adaha dawliga ah.

2013-07-11 8:41 AM EST
Khamiis, July 11, 2013 (HOL) — Madaxweynaha Soomaaliya, Xasan Sheekh Maxamud ayaa maanta xafiiskiisa kula kulmay wafdi ururka Midowga Yurub ka socday oo ay horkacayeen, Erik Solheim oo ahaa wasiirkii horumarinta & iskaashiga caalimga ah ee Norway, haddana ah madaxa arrimaha shirka 16-ka September 2013 lagu qabanayo magaalada Brussels iyo safiirka Midowga Yurub ee u fadhiya Soomaaliya, Michelle Cervone.

2013-07-11 7:43 AM EST
Khamiis, July 11, 2013 (HOL) — Maxkamadda degmada Gabiley, ayaa xukun ku riday 15 qof oo ku eedeysnaa ka ganacsiga Tahriibinta dadka. kiiskan oo muddo laba bilood ah dacwadooddu ka socotay maxkamadda Gabiley, ayaa 15 qof oo afar ka mid ahi iyagoo maqan la xukumay, halka 11 kii kalana xukuno kala duwan lagu riday.

2013-07-11 3:51 AM EST
Khamiis, July 11, 2013 (HOL) — Wafdi uu hoggaaminayo guddoomiye ku xigeenka labaad ee baarlamaanka Soomaaliya, Mahad Cabdalla Cawad oo ku sugan magaalada London ayaa la kulmay xildhibaanno ka tirsan labada aqal ee boqortooyada Britain, guddoomiyaha Inter-Parliamentry Union iyo xubno kale.

2013-07-11 2:55 AM EST
Khamiis, July 11, 2013 (HOL) — Xukuumadda Sierra Leone oo ka mid ah dalalka ay ciidamada kaga sugan yihiin Soomaaliya ayaa ku dhawaaqday inay bedeshay taliyihii ciidamadan ka tirsan howlagalka Midowga Afrika ee AMISOM.

2013-07-11 2:40 AM EST
Khamiis, July 11, 2013 (HOL) — Siyaasiyiiin reer Somaliland ah oo maanta ku dhawaaqay gole oo la magac baxay golaha madaxa banaan ee wadatashiga iyo Toosinta Qaranka, kaas oo ka shaqayn doono inuu xukuumadda ku haggo wadadda toosan.