2014-10-24
Today from Hiiraan Online:  _
Wararka Maanta- Khamiis, July 11, 2013
Xildhibaanno ka kala tirsan baarlamaanka Somalia iyo baarlamaanka Britain oo ku kulmay Magaalada London (SAWIRRO)



Khamiis, July 11, 2013 (HOL) — Wafdi uu hoggaaminayo guddoomiye ku xigeenka labaad ee baarlamaanka Soomaaliya, Mahad Cabdalla Cawad oo ku sugan magaalada London ayaa la kulmay xildhibaanno ka tirsan labada aqal ee boqortooyada Britain, guddoomiyaha Inter-Parliamentry Union iyo xubno kale.

Ugu horreyn wafdiga uu hoggaaminayo xildhibaan Cawad ayaa lagu marti-qaaday inay goobjoog ka ahaadaan kulan uu baarlamaanka Britain su'aallo ku weeydiinayay ra'iisul wasaaraha dalkaas, David Cameroon oo ka dhacay aqalka baarlamaanka boqortooyada Ingiriiska.

Kulankaasi kaddib waxaa guddoomiye ku xigeenka labaad ee baarlamaanka Soomaaliya iyo wafdigiisa ay kulammo gaar ah la qaateen xildhibaanno ka tirsan labada aqal ee boqortooyada Ingiriiska, kuwaasoo ay kawada hadleen xiriirka iyo wada-shaqeynta labada baarlamaan ee Soomaaliya iyo Ingiriiska, iyadoo wada-shaqeyntaasna ay billow u tahay kulammadan hadda ka dhacay London; waxaana kulammadaasi ay kusoo gabag-aboobeen is afgarad.

Wafdiga ka socda baarlamaanka Soomaaliya ayaa waxay ka kooban yihiin xubnaha guddoomiyeyaasha guddiyada baarlamaanka iyo kuwo kale oo ka tirsan baarlamaanka, waxaana safarkan uu qayb ka yahay safarro ay ku marayaan dalalka Yurub qaarkood.

Dhanka kale, guddoomiye ku xigeenka iyo wafdigiisa ayaa waxaa lau wadaa in caawa ay kulammo la yeeshaan jaaliyadda Soomaaliyeed ee London ku nool iyagoo u sharraxi doona isbedellada dalka ka dhacay iyo kaalinta looga baahan yahay.






Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-07-11 3:16 PM EST
Khamiis, July 11, 2013 (HOL) — Barclays Bank oo ah bankiga ugu weyn UK oo lacagaha kaashka ah u kala gudbin jiray xawaaladaha Soomaalida ayaa ku dhawaaqay inuu xiray 100 sanaadiiq xisaabaad ah oo ay ku laahayeen xawaaladaha Soomaaliya, inkastoo tiro yar oo xawaalado ah uu u oglaaday inay weli isticmaalaan bangiga.

2013-07-11 2:57 PM EST
Khamiis, July 11, 2013 (HOL) — Madaxa hay’adda UNHCR oo qoxootiga u qaabilsan Qaramada Midoobay ayaa ka digay in qaxootiga Soomaaliyeed la celiyo iyadoo aan la raacin sharciayada caalamiga ah ee u dagsan qaxootiga iyo habka loola dhaqmo.

2013-07-11 2:31 PM EST
Khamiis, July 11, 2013 (HOL) — Mas'uuliyiinta maamulka gobolka Hiiraan iyo saraakiisha ciidamada oo todobaadyadii aynu soo dhaafnayba siweyn ugu howlanaa dib u habeynta ciidamada iyo sugida amniga ayaa saldhigyo dheeraad ah oo ay ka howlgali doonaan ciidamada booliiska ka hergaliyay qeybo ka mid ah xaafadaha magaalada Baladweyne.

2013-07-11 10:26 AM EST
Khamiis, July 11, 2013 (HOL) — Golaha wasiirrada Xukuumadda Soomaaliya ayaa maanta shir ay ku yeesheen xaruntooda Muqdisho waxay ku meel-mariyeen sharciga ay ku dhaqmayso warbaahinta dalka (Media Law).

2013-07-11 9:43 AM EST
Khamiis, July 11, 2013 (HOL) — Madaxweynaha Somaliland Mudane Axmed Maxamed Siillaanyo, ayaa isku shaandheyn ku sameeyey agaasimeyaasha guud ee wasaaradaha iyo hay’adaha dawliga ah.

2013-07-11 8:41 AM EST
Khamiis, July 11, 2013 (HOL) — Madaxweynaha Soomaaliya, Xasan Sheekh Maxamud ayaa maanta xafiiskiisa kula kulmay wafdi ururka Midowga Yurub ka socday oo ay horkacayeen, Erik Solheim oo ahaa wasiirkii horumarinta & iskaashiga caalimga ah ee Norway, haddana ah madaxa arrimaha shirka 16-ka September 2013 lagu qabanayo magaalada Brussels iyo safiirka Midowga Yurub ee u fadhiya Soomaaliya, Michelle Cervone.

2013-07-11 7:43 AM EST
Khamiis, July 11, 2013 (HOL) — Maxkamadda degmada Gabiley, ayaa xukun ku riday 15 qof oo ku eedeysnaa ka ganacsiga Tahriibinta dadka. kiiskan oo muddo laba bilood ah dacwadooddu ka socotay maxkamadda Gabiley, ayaa 15 qof oo afar ka mid ahi iyagoo maqan la xukumay, halka 11 kii kalana xukuno kala duwan lagu riday.

2013-07-11 6:05 AM EST
Khamiis, July 11, 2013(HOL) :- Iyadoo maalmihii ugu danbeeyay dowladda Soomaaliya ay mushaaraad u qeybineysay ciidamada dowladda ee ku sugan qeybo ka tirsan gobollada dalka ayaa waxaa maanta lacagahoodii mushaaraadka la gudoonsiiyay ciidamada dowladda Soomaaliya ee ku sugan gobolka Gedo.

2013-07-11 2:55 AM EST
Khamiis, July 11, 2013 (HOL) — Xukuumadda Sierra Leone oo ka mid ah dalalka ay ciidamada kaga sugan yihiin Soomaaliya ayaa ku dhawaaqday inay bedeshay taliyihii ciidamadan ka tirsan howlagalka Midowga Afrika ee AMISOM.

2013-07-11 2:40 AM EST
Khamiis, July 11, 2013 (HOL) — Siyaasiyiiin reer Somaliland ah oo maanta ku dhawaaqay gole oo la magac baxay golaha madaxa banaan ee wadatashiga iyo Toosinta Qaranka, kaas oo ka shaqayn doono inuu xukuumadda ku haggo wadadda toosan.