2014-10-01
Today from Hiiraan Online:  _
Wararka Maanta- Khamiis, July 11, 2013
Dowladda Sierra Leone oo Bedeshay Taliyihii Ciidankooda ku sugan Somalia ee Qaybta ka ah Howlgalka AMISOM


Khamiis, July 11, 2013 (HOL) — Xukuumadda Sierra Leone oo ka mid ah dalalka ay ciidamada kaga sugan yihiin Soomaaliya ayaa ku dhawaaqday inay bedeshay taliyihii ciidamadan ka tirsan howlagalka Midowga Afrika ee AMISOM.

Jen. Maxamed Keita Mamadi ayay xukuumaddu sheegtay inuu ka shaqeyn doono gudaha dalkiisa, iyadoo xukuumaddu ay sheegtay in loo magacaabay agaasimaha cusub howlgallada iyo qorsheynta wasaaradda gaashaandhigga dalka Sierra Leone.

Ciidamada Sierra Leone ayaa waxay ka howlgalaan Koonfurta Soomaaliya oo ay ku jirto magaalada Kismaayo oo dhawaan ay ka dhaceen dagaallo culus oo u dhexeeya rag isku haysta xilka madaxnimo ee maamulka Jubbaland.

Inkastoo dowladda Soomaaliya ay eedeyn u jeedisay ciidamada Kenya sidoo kalena ay dalbatay in laga bedelo qaybta ay joogaan, ayaanay haddana ka hadlin kaalinta ay ciidamada Sierra Loene kaga jiraan howlaha AMISOM ee gobolka Jubbada Hoose.

Jen. Mamadi Keita oo 49-jir ah ayaa wuxuu ku guuleystay shahaadooyin ka tarjumaya kaalintiisa howlgalka nabad ilaalinta iyo nabad dhalinta ah ee ay AMISOM ka hayso Soomaaliya.

Sidoo kale, wuxuu ku guuleysta billadda shaqo ee AMISOM ay bixiso, isagoo loo gartay taliyihii ugu wanaagsanaa ee howgalka intii u dhexesay 14-kii Oktoobar 2012 illaa 04-tii Jannaayo, 2013.

Taliska guud ee AMISOM ayaan ka hadlin bedelka taliyihii ciidamada Sierra Leone ee ku sugan Soomaaliya, sidoo kalena dowaldda Sierra Leone weli ma sheegin sarkaalka ay ku bedeshay Jen. Keita oo dib ugu laabtay dalkiisa.

Ciidamada AMISOM ee ku sugan Soomaaliya  oo tiradoodu ka badan tahay 17,500-askari ayaa waxay ka socdaan shan dal oo Afrikaan ah, kuwaasoo kala ah: Jabuuti, Uganda, Burundi, Kenya iyo Sierra Leone, waxaa sidoo kale ku sugan ciidammo booliis ah oo ka socda dalalka Uganda, Nigeria iyo Sierra Leone.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya




Post your comments

2013-07-11 3:16 PM EST
Khamiis, July 11, 2013 (HOL) — Barclays Bank oo ah bankiga ugu weyn UK oo lacagaha kaashka ah u kala gudbin jiray xawaaladaha Soomaalida ayaa ku dhawaaqay inuu xiray 100 sanaadiiq xisaabaad ah oo ay ku laahayeen xawaaladaha Soomaaliya, inkastoo tiro yar oo xawaalado ah uu u oglaaday inay weli isticmaalaan bangiga.

2013-07-11 2:57 PM EST
Khamiis, July 11, 2013 (HOL) — Madaxa hay’adda UNHCR oo qoxootiga u qaabilsan Qaramada Midoobay ayaa ka digay in qaxootiga Soomaaliyeed la celiyo iyadoo aan la raacin sharciayada caalamiga ah ee u dagsan qaxootiga iyo habka loola dhaqmo.

2013-07-11 2:31 PM EST
Khamiis, July 11, 2013 (HOL) — Mas'uuliyiinta maamulka gobolka Hiiraan iyo saraakiisha ciidamada oo todobaadyadii aynu soo dhaafnayba siweyn ugu howlanaa dib u habeynta ciidamada iyo sugida amniga ayaa saldhigyo dheeraad ah oo ay ka howlgali doonaan ciidamada booliiska ka hergaliyay qeybo ka mid ah xaafadaha magaalada Baladweyne.

2013-07-11 10:26 AM EST
Khamiis, July 11, 2013 (HOL) — Golaha wasiirrada Xukuumadda Soomaaliya ayaa maanta shir ay ku yeesheen xaruntooda Muqdisho waxay ku meel-mariyeen sharciga ay ku dhaqmayso warbaahinta dalka (Media Law).

2013-07-11 9:43 AM EST
Khamiis, July 11, 2013 (HOL) — Madaxweynaha Somaliland Mudane Axmed Maxamed Siillaanyo, ayaa isku shaandheyn ku sameeyey agaasimeyaasha guud ee wasaaradaha iyo hay’adaha dawliga ah.

2013-07-11 8:41 AM EST
Khamiis, July 11, 2013 (HOL) — Madaxweynaha Soomaaliya, Xasan Sheekh Maxamud ayaa maanta xafiiskiisa kula kulmay wafdi ururka Midowga Yurub ka socday oo ay horkacayeen, Erik Solheim oo ahaa wasiirkii horumarinta & iskaashiga caalimga ah ee Norway, haddana ah madaxa arrimaha shirka 16-ka September 2013 lagu qabanayo magaalada Brussels iyo safiirka Midowga Yurub ee u fadhiya Soomaaliya, Michelle Cervone.

2013-07-11 7:43 AM EST
Khamiis, July 11, 2013 (HOL) — Maxkamadda degmada Gabiley, ayaa xukun ku riday 15 qof oo ku eedeysnaa ka ganacsiga Tahriibinta dadka. kiiskan oo muddo laba bilood ah dacwadooddu ka socotay maxkamadda Gabiley, ayaa 15 qof oo afar ka mid ahi iyagoo maqan la xukumay, halka 11 kii kalana xukuno kala duwan lagu riday.

2013-07-11 6:05 AM EST
Khamiis, July 11, 2013(HOL) :- Iyadoo maalmihii ugu danbeeyay dowladda Soomaaliya ay mushaaraad u qeybineysay ciidamada dowladda ee ku sugan qeybo ka tirsan gobollada dalka ayaa waxaa maanta lacagahoodii mushaaraadka la gudoonsiiyay ciidamada dowladda Soomaaliya ee ku sugan gobolka Gedo.

2013-07-11 3:51 AM EST
Khamiis, July 11, 2013 (HOL) — Wafdi uu hoggaaminayo guddoomiye ku xigeenka labaad ee baarlamaanka Soomaaliya, Mahad Cabdalla Cawad oo ku sugan magaalada London ayaa la kulmay xildhibaanno ka tirsan labada aqal ee boqortooyada Britain, guddoomiyaha Inter-Parliamentry Union iyo xubno kale.

2013-07-11 2:40 AM EST
Khamiis, July 11, 2013 (HOL) — Siyaasiyiiin reer Somaliland ah oo maanta ku dhawaaqay gole oo la magac baxay golaha madaxa banaan ee wadatashiga iyo Toosinta Qaranka, kaas oo ka shaqayn doono inuu xukuumadda ku haggo wadadda toosan.