2014-10-22
Today from Hiiraan Online:  _
Wararka Maanta- Arbaco, July 10, 2013
Wakiillada Midowga Afrika iyo Qaramada Midoobay oo u rajeeyay Shacabka Soomaaliyeed inay ku Soomaan Farxad iyo Nabad


Arbaco, July 10, 2013 (HOL) — Ergayga Midowga Afrika ee Somalia, danjire Maxamed Saalax Anaadiif iyo ergayga Qaramada Midoobay ee Soomaaliya, Nikolas Kay ayaa shacabka Soomaaliyeed u rajeeyay Ramadaan wanaagsan iyo inay bishan ku dhameystaan cibaadadooda nabadgalyo iyo xasillooni.

Warsaxaafadeedyo ay mas’uuliyiintan soo saareen ayaa waxay ku sheegeen in bisha Ramadaan ay tahay bil cibaado ah oo looga baahan yahay dhamaan dadka muslimka ah oo ay ku jiraan kuwa Soomaaliyeed, ayna u rajeynayaan guul iyo cibaado wanaagsan.

“Bishan barakeysan ee Ramadaan waa calaamadda bani’aadamnimada iyo naxariista iyo weliba arrimo kale oo fara badan, waxaana mid muslimiinta oo dhan ay ku mideysan yihiin,” ayuu yiri Anaadiif oo intaas ku daray. “Waxaan ugu baaqayaa kuwa dhaqaalaha haysta inay caawiyaan kuwa kale ee aan u lahayd awoodda inay helaan wixii ay ku afuri lahaayeen,” ayuu hadalkiisa ku daray.

Madaxa xafiiska UNSOM ee Soomaaliya, Kay ayaa isaguna warsaxaafaded uu soo saaray ku sheegay inuu shacabka Soomaaliyeed u rajeynayo inay bishan ku soomaan farxad iyo ammaan.

“Bishani waa bishii la cibaadeysan jiray waana waqti ku habboon in laga fakaro arrimaha faraha badan ee la doonayo in la qabto si loo adkeeyo guulihii la gaarey dhawaan,”  ayuu Nikolas Kay ku yiri warbixintiisa isagoo intaas ku daray in loo baahan yahay in lasii wado habka ay ku gaarayso Soomaaliya guulo la taaban karo si ay mar walba u hanato niyad wanaagga iyo taageerada uga imanaysa bulshada caalamka.

Ergeygu wuxuu ku baaqey in laga waantoobo ficillada Soomaaliya dib u dhac u keeni kara kana ho-istaagaya inay hesho heerkii ay ka mudnayd dunida si ay shacabka Soomaaliyeed nabad ugu noolaadaan.

“Waxaan dhammaan ummadda Soomaaliyeed u rajeynayaa Soon ay nabad iyo farxadi ku dheehan tahay,” ayuu yiri ergaygu hadalkiisa kusoo afjaray, iyadoo hadlalada kasoo baxay mas’uuliyiintan ay imaanayaan iyadoo ay ku began tahay maanta maalintii koowaad ee bisha barakeysan ee Ramadaan.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-07-10 4:01 PM EST
Arbaco, July 10, 2013(HOL)—Dowladda Soomaaliya ayaa ammaan ku muteysatay mowqifkeeda ku aaddan difaacidda xuquuqda aadanaha, waxayna ammaantaas ku heshay in ay miiska soo saartay qaraar lagu difaacayo Xuquuqda dadka laga tirada badan yahay ee la takooro ee loo yaqaano Albinism.

2013-07-10 9:13 AM EST
Arbaco, July 10, 2013 (HOL) — Danjirihii Somalia ee dalka Koonfur Afrika, Sayid Xasan Shariif C/llaahi ayaa maanta oo Arbaco ah ku geeriyooday xarunta dlaka Koonfur Afrika ee Pretoria, iyadoo aan la sheegin sababta keentay geeridiisa.

2013-07-10 4:20 AM EST
Arbaco, July 10, 2013 (HOL) — Madaxweynaha Somaliland Axmed Maxamed Maxamuud Siilaanyo, ayaa shalay kormeer kadis ah ku maray qaar ka mid ah Hay’adaha dawladda, kaas oo aan hore loogu sii sheegin imaanshiiyihiisa madaxweynaha.

2013-07-10 3:14 AM EST
Arbaco, July 10, 2013 (HOL) — Ciidamadii Itoobiya ee ku sugnaa magaalada Baydhabo iyo degmooyin kale oo ka tirsan gobolka Bay ayaa billaabay maanta inay isaga baxaan, iyadoo la arkayo inay ka baxayaan saldhigyadii ay ku lahaayeen.

2013-07-10 3:05 AM EST
Arbaco, July 10, 2013 (HOL) — Madaxda Soomaalida ayaa shacabka ugu baaqay inay ka faa’iideystaan bisha barakceysan ee Ramadaan iyagoo ka codsaday inay Alle ka baryaan in dalkooda uu noqdo mid deggenaasho taam ah hela.

2013-07-10 2:40 AM EST
Arbaco, July 10, 2013 (HOL) — Guddoomiyaha gobolka Banaadir, ahna duqa Muqdisho, Maxamuud Axmed Nuur (Tarsan) oo kulan la qaatay culummada Soomaaliyeed ayaa ka dalbaday inay ka qaybqaataan sidii shacabku ay uga qayb-qaadan lahaayeen sugidda ammaanka.

2013-07-10 2:28 AM EST
Arbaco, July 10, 2013 (HOL) — Wadahadalladii u dhexeeyay Soomaaliya iyo Somaliland ee ka socday magaalada Istanbuul ee dalka Turkiga ayaa xalay lasoo gabagabeeyay iyadoo laga soo saaray qodobbo dhowr oo labadii guddi ay isku afgarteen, inkastoo ay jiraan qodobbo la isku fahmi waayay oo dib loo dhigay ka hadalkooda.