2014-09-02
Today from Hiiraan Online:  _
Wararka Maanta- Isniin, July 1 , 2013
Axmed Madoobe oo eedeyn kulul u Jeediyay Ciidamada Kenya ee ku sugan Kismaayo oo qayb ka ah howlgalka AMISOM



Isniin, July 01, 2013 (HOL) — Madaxweynaha Maamulka Jubbaland, Sheekh Axmed Madoobe Islaam (Sheekh Axmed Madoobe) oo haatan ku sugan dalka Itoobiya ayaa eedeyn u jeediyay ciidamada Kenya ee qaybta ka ah kuwa AMISOM, isagoo sheegay inuu wadahadallo la yeeshay mas’uuliyiin ka tirsan dowladda Soomaaliya.

Sheekh Axmed Madoobe ayaa beeniyay in ciidamada Kenya ay ciidamadiisa ka dagaalamayay Kismaayo gacan ku siiyeen dagaalka, wuxuuna sheegay in ciidamada Kenya ee AMISOM ka tirsan ay ku fiirsadeen dagaalka.

“Ciidamada Kenya aniga ayaa eedeynaya iska daa inay ciidamadeyda gacan ku siiyeen dagaalladii ka dhacay Kismaayo, waxaana ku eedeynayaa inay nagu fiirsadeen dagaal aan kula jirno cadow ay Al-shabaab ka mid tahay,” ayuu yiri Sheekh Axmed Madoobe oo la hadlayay warbaahinta Soomaalida.

Hoggaamiyaha Raaskambooni ayaa sheegay in ciidamada Kenya ay markii hore heshiis ku ahaayeen in lala dagaalamo Al-shabaab iyo wax walba oo cadow ah, balse dagaalladii Kismaayo ka dhacay ay ku fiirsadeen.

“Waxaan qabaa in dib loo eego qaabka ay ku joogaan ciidamada Kenya ee qaybta ka ah howgalka AMISOM, waayo waxay ka baxeen ballantii aan soo wada-galnay taasoo ahayd inay ka qaybgalaan dagaallada looga horjeedo qolyaha cadowga ah,” ayuu yiri Axmed Madoobe.

Sidoo kale, wuxuu sheegay in ciidamada Kenya ay diideen inay howgallada lagu doonayo in Al-shabaab looga saaro Jubbooyinka ay si cad oo toos ah uga soo horjeesteen, taasna ay tahay sababta ugu weyn ee eedeynta uu ugu jeedinayo.

Dhanka kale, hoggaamiyahan wuxuu sheegay inuu Addis Ababa kulan kula yeeshay xubno ka tirsan dowladda Soomaaliya ayna isku af-garteen in la furo wadahadal wax walba oo khilaaf ah oo jirana la dhameeyo.

“Xubnaha dowladda ka tirsan ee aan la kulmay, waxaana isla garanayn in la sii wado wadahadallada oo khilaafka jira la dhameeyo, balse anigu hadda ma oranayo heshiiskaas ayaan wada-gaarnay, waan been wararka meelaha lala marayo ee ah inaan heshiinnay innaga iyo dowladda Soomaaliya,” ayuu mar kale yiri Axmed Madoobe.

Eedeynta uu Sheekh Axmed Madoobe u jeediyay ciidamada Kenya ee qaybta ka ah kuwa AMISOM ee Midowga Afirka ayaa waxay imaanaysaa iyadoo ay jireen warar sheegaya in ciidamadaas oo ku sugan Kismaayo ay dagaalladii ka dhacay Kismaayo ka qaybgaleen.

Dowladda Soomaaliya ayaa ciidamada Kenya ee ka tirsan AMISOM horay ugu eedeysay inaysan dhexdhexaad ka ahayn dagaalladii ka Kismaayo ka dhacayay, waxayna codsatay in lagu bedelo ciidammo kale oo ka mid ah kuwa AMISOM ee dalka ku sugan.

Ugu dambeyn, Sheekh Axmed Madoobe ayaa ugu baaqay ciidamadiisa la wareegay gacan ku haynta magaalada Kismaayo inay ammaanka sugaan, isagoo ka gaabsady inuu ka hadlo khasaarihii ka dhashay dagaalladii magaaladaas ka dhacay kuna gaabsaday inuu ka dhashay khasaare fara badan.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-07-01 3:50 PM EST
Isniin, July 01, 2013 (HOL) — Saddex ka mid ah madaxweynayaashii is-magacaabay ee maamulka Jubbaland ayay maanta ciidamada Kenya ee ka tirsan AMISOM waxay kasoo dajiyeen magaalada Muqdisho, sidoo kalena ciidamada Kenya waxay Muqdisho keeneen dhaawacyada in ka badan 60-qof oo ku dhaawacmay dagaalladii Kismaayo ka dhacay.

2013-07-01 1:26 PM EST
Isniin, July 01, 2013 (HOL) — Iyadoo xilliga maamulka gobolka Bay oo lix bilood ahayd uu sii dhammaanyo ayaa waxaa magaalada Baydhabo labadii maalmood ee ugu dambeeyay ka socday kulammo lagu doonayo in la soo doorto maamulka bedeli doona maamulka xilligiisu sii dhammaanayo.

2013-07-01 12:10 PM EST
Isniin, July 01, 2013 (HOL) — Madaxweynaha Somaliland Mudane Axmed Maxamed Maxamud (SiLlaanyo) ayaa Maanta Xadhiga ka jaray Xafiiska Shaqo doonka Dhalinyarada oo ay wasaaradda Qarshaynta Qaranku ay soo abaabushay, kaasi oo laga Furay Wasaarada Caafimaadka Gudeheeda halkaas oo madaxweynuhu uu soo kormeeray Guud ahaan Shaqaalaha iyo Agabka ka ay ku shaqaynaayaan iyo adeegyada ay u qabanayaan Bulshada iyo Dhalinyaradaba.

2013-07-01 11:47 AM EST
Isniin, July 01, 2013 (HOL) — Xaflad ay soo qaban-qabiyeen ururka KAJOOG oo ay leeyihiin dhallinyarada Soomaaliyeed ee ku nool magaalada Minneapolis ee gobolka Minnesota ee dalka Mareykanka.

2013-07-01 11:33 AM EST
Isniin, July 01, 2013 (HOL) — Madaxweynaha Soomaaliya oo maanta ka hadlayay munaasabad lagu xusayay 01-da Luuliyo oo ka dhacday garoonka kubadda cagta ee Koonis Istaadiyum ee magaalada Muqdisho ayaa amaanay horumarka iyo nabadda ay ku taallabsadeen maamullada Somaliland iyo Puntland, isagoo sheegay in loo baahan yahay in looga daydo.

2013-07-01 11:11 AM EST
Isniin, July 01, 2013 (HOL) — Afhayeenka ciidamada Kenya, Col. Cyrus Oguna ayaa sheegay isagoo ku sugan Nairobi in ciidamadooda qaybta ka ah howgalka Midowga Afrika ee ku sugan Kismaayo ay la safteen dhinac ka mid ah dhinacyadii ku dagaalamay Kismaayo.

2013-07-01 10:49 AM EST
Isniin, July 01, 2013 (HOL) — Munaasabad si qurux badan loo soo agaasimay islamarkaana lagu mamuusayay 53 sano guuradii ka soo wareegatay waqtigii ay ka xorroobeen gobollada Koonfureed ee Soomaaliya gumeystihii Talyaaniga iyo Is raaciin labada gobol W/qooyi iyo Koonfur ayaa lagu qabtay magaalada Muqdisho.

2013-07-01 9:08 AM EST
Isniin, July 01, 2013 (HOL) — Egayga Midowga Afrika ee Soomaaliya, dajire Maxamed Saalax Aanaadiif ayaa hambalyo ku aaddan maalinta xorriyadda Soomaaliya ee 01-da Luuliyo u diray shacabka Soomaaliyeed iyo dowaldda.

2013-07-01 8:55 AM EST
Isniin, July 01, 2013 (HOL) — Dibadbax ay ka qaybgaleyeen dadweyne isugu jira haween, caruur iyo dhallinyaro loogana soo horjeedo xariga Sheekh Xasan Daahir iyo xubno la socday oo dowladda Soomaaliya u xiran ayaa maanta ka dhacay qaybo ka mid ah magaalada Muqdisho.

2013-07-01 7:40 AM EST
Isniin, July 01, 2013 (HOL) — Madaxweynaha dalka Mareykanka, Barack Obama oo safar shaqo ku maraya dalal ka tirsan Qaaradda Afrika ayaa u soo diiray shacabka Soomaaliyeed iyo dowladdooda hambalyo ku aaddan 01-da Luuliyo oo ah maalintii ay Soomaaliya ka xorowday gumeystihii Talyaaniga.

2013-07-01 6:40 AM EST
Isniin, July 01, 2013(HOL) :- Waxaa dagan xaaladda magaalada Kismaayo kadib mudo afar maalmood ah oo ay ka jireen xiisado dagaal, waxaana jawiga magaalada uu maanta yahay mid xasiloon iyadoona sidoo kale ay dib usoo noqdeen dhaqdhaqaaqyadii bulshada.

2013-07-01 4:46 AM EST
Isniin, July 1, 2013 (HOL) - Shir ay kasoo qaybgaleen dhammaan shirikadaha Isgaarsiinta Soomaaliyeed, wafdi ka socda dowladda Soomaaliyeed iyo xubno ka socda hay’adda Isgaarsiinta adduunka ee ITU iyo GSM ayaa maanta lagu soo gabagabeeyey xaruunta isgaarsiinta ee dalka isku-tagga Imaaraadka Carabta.

2013-07-01 2:34 AM EST
Isniin, July 01, 2013 (HOL) — Munaasabad ay ka qaybgaleen madaxda sare-sare ee dowladda Soomaaliya oo lagu maamuusayay sannad-guuradii 53-aad ee kasoo wareegtay markii ay gobollada Koonfureed ee Somalia ka xoroobeen gurmeysigii Talyaaniga iyo midowgii labada gobol ayaa waxaa xalay lagu qabtay Muqdisho.