2014-10-31
Today from Hiiraan Online:  _
Wararka Maanta- Isniin, July 1 , 2013
Madaxweynaha Somaliland oo ka Qayb-galay shir Qaran oo lagaga hadlayo shaqo-abuurka dhallinyarada (SAWIRRO)



Isniin, July 01, 2013 (HOL) — Madaxweynaha Somaliland Mudane Axmed Maxamed Maxamud (SiLlaanyo) ayaa Maanta Xadhiga ka jaray Xafiiska Shaqo doonka Dhalinyarada oo ay wasaaradda Qarshaynta Qaranku ay soo abaabushay, kaasi oo laga Furay Wasaarada Caafimaadka Gudeheeda halkaas oo madaxweynuhu uu soo kormeeray Guud ahaan Shaqaalaha iyo Agabka ka ay ku shaqaynaayaan  iyo adeegyada ay u qabanayaan Bulshada iyo Dhalinyaradaba.

Madaxweynuhu waxa uu ka qayb galay Xaflada Furitaanka Shir Qaran oo lagaga hadlayo sidii shaqo loogu abuuri lahaa dhalinyaradda oo socon doonna laba maalmood oo ka socda hotel Maansoor ee magaaladda Hargeysa.

Wasaaradda qorsheynta Qaranka iyo wasaaaradda shaqada iyo arimaha bulshadda ayaa baryahan dambe ku mashquulsana qaabkii dhalinyarda looga joojin lahaa tahriibka ay Da’yartii dalka ka haajirayaan iyagoo doonayna nolol dhaanta nolosha ay ku nool yihiin.

Sidoo kale, waxaa magaalada laga furay carwo shaqo doon ah oo ay ka soo qaybgaleen shirakadaha shaqaale doonka ah iyo dhalinyaro shaqo doon ah, kuwaas oo dhalinyaro farobadani CV-yadoodda dhiganayey shirkadaha, iyadooo  shirkad waliba soo bandhigay inta jago ee ka banaan iyo nooca shaqaddu tahay.

Madaxweynuhu wuxuu kaloo uu furay carwo loogu dardar gelinaayo shaqo abuurka oo iyana laga furay Hotel Maansoon  taasi oo ay soo abaabuleen  Ganacsatada iyo Wasaarada Qorshaynta Qaranka ayaa madaxweynuhu shirkadaha iyo dhalinayarada shaqo doonka ah uso jeediyey guul iyo inay dalkoodda ka shaqaystaan oo ay halista badan ee tahriibka iska joojiyaan.

Wasiirka wasaaradda Qorsheynta Sacad Cali Shire ayaa sheegay in ilaa afar kun oo shaqaale la qaatay mudadii ay xukuumadan kulmiye shaqaynaysay, isla markaana ay ku dadaalaysay sidii dhalinyaradu shaqo u heli lahaayeen.

Si kastaba ha ahate, xukuumadda oo guddi qaran u saartay shaqo abuurka dhalinyarada ayaa olole ugu jirta sidiii dhalinyarada shaqo loogu heli lahaa, iyadoo kaashanayaan hay’adaha caalamiga ah iyo shirkadaha ganacsiga Somaliland, kuwas oo madasha ku soo bandhigay waxay ka shaqeenayaan iyo inta boos ee ka banaan.

Wasaarada qorsheynta ayaa sidoo kale bulshada ugu baaqday inay abuuraan ganacsi yaryar oo loo maalgalin doono, waxaa hore lacag aad u farobadan loogu deeqay dad tartan ku helay maalgalinta ganacsigooda, haseyeeshee lacagta ku baxday maalgalinta gancsiga ayaan wax badan ka bedelin shaqo la’aanta ka jirto, iyadoo loogu talogalay in dadka ku guulaystay lacagtaasi ay abuuraan shaqooyin cusub oo dhalinyaro farobadani shaqo ka haleen.

Xukumaddan ayaa aad loogu dhaliilaa  tahriibka dhalinyarada, waxaana inta badan ku dhaliilaan siyaasiyinta mucaaradka in aanay xukuumaddu xil iska saarin sidii dhalinyarada shaqo abuur loogu samayn ama laga wacyigelin dhalinyarada, maadama oo xisbiga talada haya ee kulmiye ololihiisa ku daray wakhtigii uu doorashada ku jiray hal hays caan noqotay oo ahayd ha tahriibana UDUB way tagaysaaye, taas oo ilaa imika hortaagan, isla markaana tahriibkii ay xisbigi UDUB ku dhaliili jireen uu kor u kacay.











Barkhad-ladiif M. Cumar, Hiiraan Online
barkhadladiif@hiiraan.com
Hargeysa, Somaliland





Post your comments

2013-07-01 4:05 PM EST
Isniin, July 01, 2013 (HOL) — Madaxweynaha Maamulka Jubbaland, Sheekh Axmed Madoobe Islaam (Sheekh Axmed Madoobe) oo haatan ku sugan dalka Itoobiya ayaa eedeyn u jeediyay ciidamada Kenya ee qaybta ka ah kuwa AMISOM, isagoo sheegay inuu wadahadallo la yeeshay mas’uuliyiin ka tirsan dowladda Soomaaliya.

2013-07-01 3:50 PM EST
Isniin, July 01, 2013 (HOL) — Saddex ka mid ah madaxweynayaashii is-magacaabay ee maamulka Jubbaland ayay maanta ciidamada Kenya ee ka tirsan AMISOM waxay kasoo dajiyeen magaalada Muqdisho, sidoo kalena ciidamada Kenya waxay Muqdisho keeneen dhaawacyada in ka badan 60-qof oo ku dhaawacmay dagaalladii Kismaayo ka dhacay.

2013-07-01 1:26 PM EST
Isniin, July 01, 2013 (HOL) — Iyadoo xilliga maamulka gobolka Bay oo lix bilood ahayd uu sii dhammaanyo ayaa waxaa magaalada Baydhabo labadii maalmood ee ugu dambeeyay ka socday kulammo lagu doonayo in la soo doorto maamulka bedeli doona maamulka xilligiisu sii dhammaanayo.

2013-07-01 11:47 AM EST
Isniin, July 01, 2013 (HOL) — Xaflad ay soo qaban-qabiyeen ururka KAJOOG oo ay leeyihiin dhallinyarada Soomaaliyeed ee ku nool magaalada Minneapolis ee gobolka Minnesota ee dalka Mareykanka.

2013-07-01 11:33 AM EST
Isniin, July 01, 2013 (HOL) — Madaxweynaha Soomaaliya oo maanta ka hadlayay munaasabad lagu xusayay 01-da Luuliyo oo ka dhacday garoonka kubadda cagta ee Koonis Istaadiyum ee magaalada Muqdisho ayaa amaanay horumarka iyo nabadda ay ku taallabsadeen maamullada Somaliland iyo Puntland, isagoo sheegay in loo baahan yahay in looga daydo.

2013-07-01 11:11 AM EST
Isniin, July 01, 2013 (HOL) — Afhayeenka ciidamada Kenya, Col. Cyrus Oguna ayaa sheegay isagoo ku sugan Nairobi in ciidamadooda qaybta ka ah howgalka Midowga Afrika ee ku sugan Kismaayo ay la safteen dhinac ka mid ah dhinacyadii ku dagaalamay Kismaayo.

2013-07-01 10:49 AM EST
Isniin, July 01, 2013 (HOL) — Munaasabad si qurux badan loo soo agaasimay islamarkaana lagu mamuusayay 53 sano guuradii ka soo wareegatay waqtigii ay ka xorroobeen gobollada Koonfureed ee Soomaaliya gumeystihii Talyaaniga iyo Is raaciin labada gobol W/qooyi iyo Koonfur ayaa lagu qabtay magaalada Muqdisho.

2013-07-01 9:08 AM EST
Isniin, July 01, 2013 (HOL) — Egayga Midowga Afrika ee Soomaaliya, dajire Maxamed Saalax Aanaadiif ayaa hambalyo ku aaddan maalinta xorriyadda Soomaaliya ee 01-da Luuliyo u diray shacabka Soomaaliyeed iyo dowaldda.

2013-07-01 8:55 AM EST
Isniin, July 01, 2013 (HOL) — Dibadbax ay ka qaybgaleyeen dadweyne isugu jira haween, caruur iyo dhallinyaro loogana soo horjeedo xariga Sheekh Xasan Daahir iyo xubno la socday oo dowladda Soomaaliya u xiran ayaa maanta ka dhacay qaybo ka mid ah magaalada Muqdisho.

2013-07-01 7:40 AM EST
Isniin, July 01, 2013 (HOL) — Madaxweynaha dalka Mareykanka, Barack Obama oo safar shaqo ku maraya dalal ka tirsan Qaaradda Afrika ayaa u soo diiray shacabka Soomaaliyeed iyo dowladdooda hambalyo ku aaddan 01-da Luuliyo oo ah maalintii ay Soomaaliya ka xorowday gumeystihii Talyaaniga.

2013-07-01 6:40 AM EST
Isniin, July 01, 2013(HOL) :- Waxaa dagan xaaladda magaalada Kismaayo kadib mudo afar maalmood ah oo ay ka jireen xiisado dagaal, waxaana jawiga magaalada uu maanta yahay mid xasiloon iyadoona sidoo kale ay dib usoo noqdeen dhaqdhaqaaqyadii bulshada.

2013-07-01 4:46 AM EST
Isniin, July 1, 2013 (HOL) - Shir ay kasoo qaybgaleen dhammaan shirikadaha Isgaarsiinta Soomaaliyeed, wafdi ka socda dowladda Soomaaliyeed iyo xubno ka socda hay’adda Isgaarsiinta adduunka ee ITU iyo GSM ayaa maanta lagu soo gabagabeeyey xaruunta isgaarsiinta ee dalka isku-tagga Imaaraadka Carabta.

2013-07-01 2:34 AM EST
Isniin, July 01, 2013 (HOL) — Munaasabad ay ka qaybgaleen madaxda sare-sare ee dowladda Soomaaliya oo lagu maamuusayay sannad-guuradii 53-aad ee kasoo wareegtay markii ay gobollada Koonfureed ee Somalia ka xoroobeen gurmeysigii Talyaaniga iyo midowgii labada gobol ayaa waxaa xalay lagu qabtay Muqdisho.