2014-11-26
Today from Hiiraan Online:  _
Wararka Maanta- Isniin, July 1 , 2013
Xuska Maalinta Xoriyadda iyo is-raacii Labada Gobol ee Soomaaliya oo lagu qabtay Magaaladda Minneapolis (SAWIRRO)



Isniin, July 01, 2013 (HOL) — Xaflad ay soo qaban-qabiyeen ururka KAJOOG oo ay leeyihiin dhallinyarada Soomaaliyeed ee ku nool magaalada Minneapolis ee gobolka Minnesota ee dalka Mareykanka.

Waddada Lake Street oo ka mid ah waddooyinka ugu mashquulka badan ee ku taalla Koonfurta magaalada Minneaplis ayaa la xiray, waxaa kasoo qayb-galay boqolaal qof oo isagu jira carruur, dhallinyaro, wayeel waxayna lulayeen dhammaantood dhammaantood calanka baluuga ah ee Soomaaliya ay caanka ku tahay.

Waxaa kasoo qayb-galay madaxda gobolka, sida mudane Al-Franken, mudane Amy Klobuchar, xildhibaan Keith Ellison iyo musharraxiin kala duwan, sida Cabdi Warsame oo ah wiil Soomaliyeed oo u taagan jagadda guddoomiyaha xaafadda Ward 6 Minneaplis.

Jawigu wuxuu ahaa mid aad u macaan marka loo fiiriyo sannadkii hore oo uu jiray kuleyl badan oo dadka saameeyay. Fanaaniinta reer Minneaplis ayaa munaasabadda ka qaaday heeso waddani ah.

Mudane Al-Farnklin oo xafladda ka hadlay ayaa sheegay inuu aad ugu farax-san yahay in Washington uu uga soo duulay si uu xafladdan ugala qaybgalo Soomaalida ku nool gobolka Minnesota, waxuu u mahadceliyay dhallinyarada KAJOOG oo munaasabadda xuska 01-da Luuliyo ee lagu qabta Minneaplis soo abaabulay.

Sidoo kale, Amy Kobonuchar oo ka hadasha munaasabadda ayaa u sheegtay Soomaalida inay ogaadaan inay la tahay saaxiib dhow. “Waxaa farxad ah in ay isku dhow yihiin maalmaha xorriyadda Mareykanka iyo Somalia, waxaana aad uga xumahay dhibaatooyinka Soomaalida loogu geysnayo dalka Koonfur Afrika,” ayay tiri haweeneydan oo ka mid ah mudanayasaha Mareykanka.

Ugu dambeyn, xildhibaan Keith Ellison oo isna munaasabada ka hadlay ayaa sheegay in 53-sano oo Soomaaliya ay xor ahayd kaddib 22-sano oo xanuun badan ayay soo martay, balse waxaa nasiib-wanaag ah buu yiri inay hadda muujinayso nabad ayna Soomaalidu leeyihiin dowlad rasmi ah oo dunida oo dhan laga aqoonsan yahay.

















Siciid Saalax Siyaad, Hiiraan Online
siyadsalah@hotmail.com
Minneapolis, Minnesota





Post your comments

2013-07-01 4:05 PM EST
Isniin, July 01, 2013 (HOL) — Madaxweynaha Maamulka Jubbaland, Sheekh Axmed Madoobe Islaam (Sheekh Axmed Madoobe) oo haatan ku sugan dalka Itoobiya ayaa eedeyn u jeediyay ciidamada Kenya ee qaybta ka ah kuwa AMISOM, isagoo sheegay inuu wadahadallo la yeeshay mas’uuliyiin ka tirsan dowladda Soomaaliya.

2013-07-01 3:50 PM EST
Isniin, July 01, 2013 (HOL) — Saddex ka mid ah madaxweynayaashii is-magacaabay ee maamulka Jubbaland ayay maanta ciidamada Kenya ee ka tirsan AMISOM waxay kasoo dajiyeen magaalada Muqdisho, sidoo kalena ciidamada Kenya waxay Muqdisho keeneen dhaawacyada in ka badan 60-qof oo ku dhaawacmay dagaalladii Kismaayo ka dhacay.

2013-07-01 1:26 PM EST
Isniin, July 01, 2013 (HOL) — Iyadoo xilliga maamulka gobolka Bay oo lix bilood ahayd uu sii dhammaanyo ayaa waxaa magaalada Baydhabo labadii maalmood ee ugu dambeeyay ka socday kulammo lagu doonayo in la soo doorto maamulka bedeli doona maamulka xilligiisu sii dhammaanayo.

2013-07-01 12:10 PM EST
Isniin, July 01, 2013 (HOL) — Madaxweynaha Somaliland Mudane Axmed Maxamed Maxamud (SiLlaanyo) ayaa Maanta Xadhiga ka jaray Xafiiska Shaqo doonka Dhalinyarada oo ay wasaaradda Qarshaynta Qaranku ay soo abaabushay, kaasi oo laga Furay Wasaarada Caafimaadka Gudeheeda halkaas oo madaxweynuhu uu soo kormeeray Guud ahaan Shaqaalaha iyo Agabka ka ay ku shaqaynaayaan iyo adeegyada ay u qabanayaan Bulshada iyo Dhalinyaradaba.

2013-07-01 11:33 AM EST
Isniin, July 01, 2013 (HOL) — Madaxweynaha Soomaaliya oo maanta ka hadlayay munaasabad lagu xusayay 01-da Luuliyo oo ka dhacday garoonka kubadda cagta ee Koonis Istaadiyum ee magaalada Muqdisho ayaa amaanay horumarka iyo nabadda ay ku taallabsadeen maamullada Somaliland iyo Puntland, isagoo sheegay in loo baahan yahay in looga daydo.

2013-07-01 11:11 AM EST
Isniin, July 01, 2013 (HOL) — Afhayeenka ciidamada Kenya, Col. Cyrus Oguna ayaa sheegay isagoo ku sugan Nairobi in ciidamadooda qaybta ka ah howgalka Midowga Afrika ee ku sugan Kismaayo ay la safteen dhinac ka mid ah dhinacyadii ku dagaalamay Kismaayo.

2013-07-01 10:49 AM EST
Isniin, July 01, 2013 (HOL) — Munaasabad si qurux badan loo soo agaasimay islamarkaana lagu mamuusayay 53 sano guuradii ka soo wareegatay waqtigii ay ka xorroobeen gobollada Koonfureed ee Soomaaliya gumeystihii Talyaaniga iyo Is raaciin labada gobol W/qooyi iyo Koonfur ayaa lagu qabtay magaalada Muqdisho.

2013-07-01 9:08 AM EST
Isniin, July 01, 2013 (HOL) — Egayga Midowga Afrika ee Soomaaliya, dajire Maxamed Saalax Aanaadiif ayaa hambalyo ku aaddan maalinta xorriyadda Soomaaliya ee 01-da Luuliyo u diray shacabka Soomaaliyeed iyo dowaldda.

2013-07-01 8:55 AM EST
Isniin, July 01, 2013 (HOL) — Dibadbax ay ka qaybgaleyeen dadweyne isugu jira haween, caruur iyo dhallinyaro loogana soo horjeedo xariga Sheekh Xasan Daahir iyo xubno la socday oo dowladda Soomaaliya u xiran ayaa maanta ka dhacay qaybo ka mid ah magaalada Muqdisho.

2013-07-01 7:40 AM EST
Isniin, July 01, 2013 (HOL) — Madaxweynaha dalka Mareykanka, Barack Obama oo safar shaqo ku maraya dalal ka tirsan Qaaradda Afrika ayaa u soo diiray shacabka Soomaaliyeed iyo dowladdooda hambalyo ku aaddan 01-da Luuliyo oo ah maalintii ay Soomaaliya ka xorowday gumeystihii Talyaaniga.

2013-07-01 6:40 AM EST
Isniin, July 01, 2013(HOL) :- Waxaa dagan xaaladda magaalada Kismaayo kadib mudo afar maalmood ah oo ay ka jireen xiisado dagaal, waxaana jawiga magaalada uu maanta yahay mid xasiloon iyadoona sidoo kale ay dib usoo noqdeen dhaqdhaqaaqyadii bulshada.

2013-07-01 4:46 AM EST
Isniin, July 1, 2013 (HOL) - Shir ay kasoo qaybgaleen dhammaan shirikadaha Isgaarsiinta Soomaaliyeed, wafdi ka socda dowladda Soomaaliyeed iyo xubno ka socda hay’adda Isgaarsiinta adduunka ee ITU iyo GSM ayaa maanta lagu soo gabagabeeyey xaruunta isgaarsiinta ee dalka isku-tagga Imaaraadka Carabta.

2013-07-01 2:34 AM EST
Isniin, July 01, 2013 (HOL) — Munaasabad ay ka qaybgaleen madaxda sare-sare ee dowladda Soomaaliya oo lagu maamuusayay sannad-guuradii 53-aad ee kasoo wareegtay markii ay gobollada Koonfureed ee Somalia ka xoroobeen gurmeysigii Talyaaniga iyo midowgii labada gobol ayaa waxaa xalay lagu qabtay Muqdisho.