2014-09-16
Today from Hiiraan Online:  _
Wararka Maanta- Isniin, July 1 , 2013
Madaxweynaha Dowlada Soomaaliya oo ammaanay horumarka ay gaareen Maamullada Puntland iyo Somaliland (SAWIRRO)



Isniin, July 01, 2013 (HOL) — Madaxweynaha Soomaaliya oo maanta ka hadlayay munaasabad lagu xusayay 01-da Luuliyo oo ka dhacday garoonka kubadda cagta ee Koonis Istaadiyum ee magaalada Muqdisho ayaa amaanay horumarka iyo nabadda ay ku taallabsadeen maamullada Somaliland iyo Puntland, isagoo sheegay in loo baahan yahay in looga daydo.

Xasan Sheekh ayaa sheegay in gobolladaas ay wax badan ka horreeyaan kuwa ku yaalla bartamaha iyo Koonfurta Soomaaliya, isagoo xusay inay ku naaloonayeen iyo horumarro kale oo ay sameysteen intii uu dalku burburka ku jiray.

“Dalka qaybo badan oo ka mid ah xalaado kala duwan ayuu ku sugan yihiin, Somaliland iyo Puntland way dhaamaan gobollada bartamaha iyo koonfurta Soomaaliya, marka la fiiriyo xagga maamulka, amniga iyo deggenaashaha, waana ugu hambalyeynaynaa wanaagga ay bulshadooda u horseedeen. Dowladda Federaalka ahna waxay diyaar u tahay inay gacan ka geysato wax walba oo lagu horumariyo guulaha ay dadkaas gaareen,” ayu madaxweyne Xasan Sheekh ka sheegay munaasabadda.

Sidoo kale, madaxweynuhu wuxuu sheegay in wararka meelaha la marinayo ee ah in dowladdu ay siyaabo aan caddeyn wax u waddana waan beeninaynaa, waxaana diyaar u nahay inaan caawinno Soomaalida doonaysa inay horumar gaaraan oo dhan.

“Inteenna kale waan ku dayaynaa wanaagga ay gaareen maamullada ka jira waqooyi-bari ee Soomaaliya (Puntland) iyo Waqooyi-galbeed (Somaliland), baaqeenuna waa horay u sii wada horumarka - amniga aad haysataanna xajiya, adeegga umaddana loo qabanayana sii wada; aana kawada shaqeyno si loo helo Soomaaliya oo mid ah,” ayuu madaxweynuhu hadalkiisa raaciyay.

Dhanka kale, madaxweynuhu wuxuu ka hadlay halgankii loosoo maray sidii ay Soomaaliya xor ku noqon lahayd, isagoo sheegay dad badan ay dhiigooda u daadiyeen, haween badan ay dahabkoodii u gadeen, dad kale oo badanna ay xabsiyada u galeen, wanaaggaas inaan ilaalinno ayaana nalaga doonayaa.

“Magacii dowladnimadii iyo shafartii Soomaaliya inaan dib u soo celinno ayaa maanta u taagannahay qorraxda, halgalkii loo soo maray xorriyadda waan garanaynaa mana ahayn mid ku saleysan maslaxad gaar ah, balse waxay ahayd mid dhamaanteen faa’iido noogu jirtay, waana inaan ku dadaalnaa inaan dhowrno halgalkii ay abbayaasheen dadaalka u soo mareen,” ayuu mar kale ku yiri hadalkii uu halkaas ka jeediyay.

Boqolaal dadweyne ah oo isaga yimid magaalada Muqdisho ayaa xuskaas ka qaybgalay, waxaana sidoo kale goobjoog ka ahaa, saraakiisha ciidamada kala duwan ee dowladda, xildhibaanno iyo wasiirro xukuumadda ka tirsan.

Ra’iisul wasaaraha Soomaaliya, Cabdi Faarax Shirdoon Saacid oo isaguna ka hadlay munaasabadda ayaa sheegay in loo baahan yahay inaan macno-darro laga dhigin dadaalkii iyo dhiiggii loo daadiyay xorriyadda, loogana baahan qof walba oo Soomaali ah inuu qayb ka qaato sidii dalkan uu ku noqon lahaa mid daggan oo nabadi ay ka jirto.

Munaasabado kale oo lagu xusayay maalinta xorriyadda Soomaaliya ee 01-da Luuliyo ayaa maanta ka dhacay gobollada dalka qaarkood, sida gobollada Bay iyo Gedo, waxaana halkaas dadweynihii isugu soo ururay la hadlay xubno ka tirsan dowladda Soomaaliya.







Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-07-01 4:05 PM EST
Isniin, July 01, 2013 (HOL) — Madaxweynaha Maamulka Jubbaland, Sheekh Axmed Madoobe Islaam (Sheekh Axmed Madoobe) oo haatan ku sugan dalka Itoobiya ayaa eedeyn u jeediyay ciidamada Kenya ee qaybta ka ah kuwa AMISOM, isagoo sheegay inuu wadahadallo la yeeshay mas’uuliyiin ka tirsan dowladda Soomaaliya.

2013-07-01 3:50 PM EST
Isniin, July 01, 2013 (HOL) — Saddex ka mid ah madaxweynayaashii is-magacaabay ee maamulka Jubbaland ayay maanta ciidamada Kenya ee ka tirsan AMISOM waxay kasoo dajiyeen magaalada Muqdisho, sidoo kalena ciidamada Kenya waxay Muqdisho keeneen dhaawacyada in ka badan 60-qof oo ku dhaawacmay dagaalladii Kismaayo ka dhacay.

2013-07-01 1:26 PM EST
Isniin, July 01, 2013 (HOL) — Iyadoo xilliga maamulka gobolka Bay oo lix bilood ahayd uu sii dhammaanyo ayaa waxaa magaalada Baydhabo labadii maalmood ee ugu dambeeyay ka socday kulammo lagu doonayo in la soo doorto maamulka bedeli doona maamulka xilligiisu sii dhammaanayo.

2013-07-01 12:10 PM EST
Isniin, July 01, 2013 (HOL) — Madaxweynaha Somaliland Mudane Axmed Maxamed Maxamud (SiLlaanyo) ayaa Maanta Xadhiga ka jaray Xafiiska Shaqo doonka Dhalinyarada oo ay wasaaradda Qarshaynta Qaranku ay soo abaabushay, kaasi oo laga Furay Wasaarada Caafimaadka Gudeheeda halkaas oo madaxweynuhu uu soo kormeeray Guud ahaan Shaqaalaha iyo Agabka ka ay ku shaqaynaayaan iyo adeegyada ay u qabanayaan Bulshada iyo Dhalinyaradaba.

2013-07-01 11:47 AM EST
Isniin, July 01, 2013 (HOL) — Xaflad ay soo qaban-qabiyeen ururka KAJOOG oo ay leeyihiin dhallinyarada Soomaaliyeed ee ku nool magaalada Minneapolis ee gobolka Minnesota ee dalka Mareykanka.

2013-07-01 11:11 AM EST
Isniin, July 01, 2013 (HOL) — Afhayeenka ciidamada Kenya, Col. Cyrus Oguna ayaa sheegay isagoo ku sugan Nairobi in ciidamadooda qaybta ka ah howgalka Midowga Afrika ee ku sugan Kismaayo ay la safteen dhinac ka mid ah dhinacyadii ku dagaalamay Kismaayo.

2013-07-01 10:49 AM EST
Isniin, July 01, 2013 (HOL) — Munaasabad si qurux badan loo soo agaasimay islamarkaana lagu mamuusayay 53 sano guuradii ka soo wareegatay waqtigii ay ka xorroobeen gobollada Koonfureed ee Soomaaliya gumeystihii Talyaaniga iyo Is raaciin labada gobol W/qooyi iyo Koonfur ayaa lagu qabtay magaalada Muqdisho.

2013-07-01 9:08 AM EST
Isniin, July 01, 2013 (HOL) — Egayga Midowga Afrika ee Soomaaliya, dajire Maxamed Saalax Aanaadiif ayaa hambalyo ku aaddan maalinta xorriyadda Soomaaliya ee 01-da Luuliyo u diray shacabka Soomaaliyeed iyo dowaldda.

2013-07-01 8:55 AM EST
Isniin, July 01, 2013 (HOL) — Dibadbax ay ka qaybgaleyeen dadweyne isugu jira haween, caruur iyo dhallinyaro loogana soo horjeedo xariga Sheekh Xasan Daahir iyo xubno la socday oo dowladda Soomaaliya u xiran ayaa maanta ka dhacay qaybo ka mid ah magaalada Muqdisho.

2013-07-01 7:40 AM EST
Isniin, July 01, 2013 (HOL) — Madaxweynaha dalka Mareykanka, Barack Obama oo safar shaqo ku maraya dalal ka tirsan Qaaradda Afrika ayaa u soo diiray shacabka Soomaaliyeed iyo dowladdooda hambalyo ku aaddan 01-da Luuliyo oo ah maalintii ay Soomaaliya ka xorowday gumeystihii Talyaaniga.

2013-07-01 6:40 AM EST
Isniin, July 01, 2013(HOL) :- Waxaa dagan xaaladda magaalada Kismaayo kadib mudo afar maalmood ah oo ay ka jireen xiisado dagaal, waxaana jawiga magaalada uu maanta yahay mid xasiloon iyadoona sidoo kale ay dib usoo noqdeen dhaqdhaqaaqyadii bulshada.

2013-07-01 4:46 AM EST
Isniin, July 1, 2013 (HOL) - Shir ay kasoo qaybgaleen dhammaan shirikadaha Isgaarsiinta Soomaaliyeed, wafdi ka socda dowladda Soomaaliyeed iyo xubno ka socda hay’adda Isgaarsiinta adduunka ee ITU iyo GSM ayaa maanta lagu soo gabagabeeyey xaruunta isgaarsiinta ee dalka isku-tagga Imaaraadka Carabta.

2013-07-01 2:34 AM EST
Isniin, July 01, 2013 (HOL) — Munaasabad ay ka qaybgaleen madaxda sare-sare ee dowladda Soomaaliya oo lagu maamuusayay sannad-guuradii 53-aad ee kasoo wareegtay markii ay gobollada Koonfureed ee Somalia ka xoroobeen gurmeysigii Talyaaniga iyo midowgii labada gobol ayaa waxaa xalay lagu qabtay Muqdisho.