2014-09-01
Today from Hiiraan Online:  _
Wararka Maanta- Isniin, July 1 , 2013
Dowladda Kenya oo beenisay in ciidamadeeda ku sugan Kismaayo ay gacan siiyeen mid ka mid ah dhinac dagaalamay



Isniin, July 01, 2013 (HOL) — Afhayeenka ciidamada Kenya, Col. Cyrus Oguna ayaa sheegay isagoo ku sugan Nairobi in ciidamadooda qaybta ka ah howgalka Midowga Afrika ee ku sugan Kismaayo ay la safteen dhinac ka mid ah dhinacyadii ku dagaalamay Kismaayo.

Dowladda Soomaaliya ayaa ku eedeysay ciidamada Kenya ee Kismaayo ku sugan inay la safteen dhinac ka mid ah dhinacyadii ku dagaalamay degmada Kismaayo ee xarunta gobolka Jubbada Hoose, ayna ka qaybgaleen dagaalkii ka dhacay magaaladaas.

“Ciidamada milateriga Kenya ee ku sugan Soomaaliya waxay qayb ka yihiin howlgalka Midowga Afrika ee AMISOM, waxayna AMISOM halkaas ku joogtaa codsi uga yimid dowladda dhexe ee Soomaaliya, sidaa daraadeedna ma jirto cid gaar ah oo ay AMISOM la safanayso, ciidamadeenuna waa kuwo la mid ah AMISOM waana dhexdhexaad,” ayuu yiri Col. Oguna oo u warramayay laanta afka Soomaaliga  ee idaacadda Mareykanka VOA.

Afhayeenku wuxuu sidoo kale sheegay in waajibka ciidamada AMISOM ay ku joogaan Soomaaliya uu yahay inay caawiyaan dowladda Soomaaliya, mana dhacayso inay cid kale caawiyaan.

Isgoo ka jawaabayay eedeynta ay dowladda Somalia u soo jeedisay ciidanka Kenya oo ahayd inay xireen abaanduulihii ciidamada Somalia ee gobollada Jubbooyinka ayuu sheegay in ciidamada Kenya aysan xirin Col. Cabbaas oo ahaa abaanduulaha ciidamada Soomaalida ee Jubbooyinka.

“Col. Cabbaas waxaa loo fududeeyay in laga soo qaado Kismaayo diyaarad ayaana halkaas kasoo qaadday, wuxuuna saacado joogay Dhooblay kaddib markii ay cilladowday diyaaraddii wadday. Hadda wuxuu ku sugan yahay deegaanka Buusaar wuxuuna la joogaa ciidamadiisii,” ayuu yiri Col. Oguna.

Dowladda Soomaaliya ayaa dalbatay in ciidamada Kenya laga bedelay halka ay ku sugan yihiin ee Kismaayo lana geeyo ciidammo kale oo ka socda dalal Afrikaan ah, balse afhayeenku wax jawaab ah kama bixin hadalkaas kasoo yeeray dowladda Soomaaliya.

Ciidamada Kenya ee qaybta ka ah howlgalka AMISOM ee ku sugan gobollada Jubbooyinka, gaar ahaan Kismaayo waxaa dhowr jeer oo hore loosoo jeediyay eedeymo kala duwan oo ku saabsan inay la safteen dhinacyadii ku dagaalamay magaalada Kismaayo.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-07-01 4:05 PM EST
Isniin, July 01, 2013 (HOL) — Madaxweynaha Maamulka Jubbaland, Sheekh Axmed Madoobe Islaam (Sheekh Axmed Madoobe) oo haatan ku sugan dalka Itoobiya ayaa eedeyn u jeediyay ciidamada Kenya ee qaybta ka ah kuwa AMISOM, isagoo sheegay inuu wadahadallo la yeeshay mas’uuliyiin ka tirsan dowladda Soomaaliya.

2013-07-01 3:50 PM EST
Isniin, July 01, 2013 (HOL) — Saddex ka mid ah madaxweynayaashii is-magacaabay ee maamulka Jubbaland ayay maanta ciidamada Kenya ee ka tirsan AMISOM waxay kasoo dajiyeen magaalada Muqdisho, sidoo kalena ciidamada Kenya waxay Muqdisho keeneen dhaawacyada in ka badan 60-qof oo ku dhaawacmay dagaalladii Kismaayo ka dhacay.

2013-07-01 1:26 PM EST
Isniin, July 01, 2013 (HOL) — Iyadoo xilliga maamulka gobolka Bay oo lix bilood ahayd uu sii dhammaanyo ayaa waxaa magaalada Baydhabo labadii maalmood ee ugu dambeeyay ka socday kulammo lagu doonayo in la soo doorto maamulka bedeli doona maamulka xilligiisu sii dhammaanayo.

2013-07-01 12:10 PM EST
Isniin, July 01, 2013 (HOL) — Madaxweynaha Somaliland Mudane Axmed Maxamed Maxamud (SiLlaanyo) ayaa Maanta Xadhiga ka jaray Xafiiska Shaqo doonka Dhalinyarada oo ay wasaaradda Qarshaynta Qaranku ay soo abaabushay, kaasi oo laga Furay Wasaarada Caafimaadka Gudeheeda halkaas oo madaxweynuhu uu soo kormeeray Guud ahaan Shaqaalaha iyo Agabka ka ay ku shaqaynaayaan iyo adeegyada ay u qabanayaan Bulshada iyo Dhalinyaradaba.

2013-07-01 11:47 AM EST
Isniin, July 01, 2013 (HOL) — Xaflad ay soo qaban-qabiyeen ururka KAJOOG oo ay leeyihiin dhallinyarada Soomaaliyeed ee ku nool magaalada Minneapolis ee gobolka Minnesota ee dalka Mareykanka.

2013-07-01 11:33 AM EST
Isniin, July 01, 2013 (HOL) — Madaxweynaha Soomaaliya oo maanta ka hadlayay munaasabad lagu xusayay 01-da Luuliyo oo ka dhacday garoonka kubadda cagta ee Koonis Istaadiyum ee magaalada Muqdisho ayaa amaanay horumarka iyo nabadda ay ku taallabsadeen maamullada Somaliland iyo Puntland, isagoo sheegay in loo baahan yahay in looga daydo.

2013-07-01 10:49 AM EST
Isniin, July 01, 2013 (HOL) — Munaasabad si qurux badan loo soo agaasimay islamarkaana lagu mamuusayay 53 sano guuradii ka soo wareegatay waqtigii ay ka xorroobeen gobollada Koonfureed ee Soomaaliya gumeystihii Talyaaniga iyo Is raaciin labada gobol W/qooyi iyo Koonfur ayaa lagu qabtay magaalada Muqdisho.

2013-07-01 9:08 AM EST
Isniin, July 01, 2013 (HOL) — Egayga Midowga Afrika ee Soomaaliya, dajire Maxamed Saalax Aanaadiif ayaa hambalyo ku aaddan maalinta xorriyadda Soomaaliya ee 01-da Luuliyo u diray shacabka Soomaaliyeed iyo dowaldda.

2013-07-01 8:55 AM EST
Isniin, July 01, 2013 (HOL) — Dibadbax ay ka qaybgaleyeen dadweyne isugu jira haween, caruur iyo dhallinyaro loogana soo horjeedo xariga Sheekh Xasan Daahir iyo xubno la socday oo dowladda Soomaaliya u xiran ayaa maanta ka dhacay qaybo ka mid ah magaalada Muqdisho.

2013-07-01 7:40 AM EST
Isniin, July 01, 2013 (HOL) — Madaxweynaha dalka Mareykanka, Barack Obama oo safar shaqo ku maraya dalal ka tirsan Qaaradda Afrika ayaa u soo diiray shacabka Soomaaliyeed iyo dowladdooda hambalyo ku aaddan 01-da Luuliyo oo ah maalintii ay Soomaaliya ka xorowday gumeystihii Talyaaniga.

2013-07-01 6:40 AM EST
Isniin, July 01, 2013(HOL) :- Waxaa dagan xaaladda magaalada Kismaayo kadib mudo afar maalmood ah oo ay ka jireen xiisado dagaal, waxaana jawiga magaalada uu maanta yahay mid xasiloon iyadoona sidoo kale ay dib usoo noqdeen dhaqdhaqaaqyadii bulshada.

2013-07-01 4:46 AM EST
Isniin, July 1, 2013 (HOL) - Shir ay kasoo qaybgaleen dhammaan shirikadaha Isgaarsiinta Soomaaliyeed, wafdi ka socda dowladda Soomaaliyeed iyo xubno ka socda hay’adda Isgaarsiinta adduunka ee ITU iyo GSM ayaa maanta lagu soo gabagabeeyey xaruunta isgaarsiinta ee dalka isku-tagga Imaaraadka Carabta.

2013-07-01 2:34 AM EST
Isniin, July 01, 2013 (HOL) — Munaasabad ay ka qaybgaleen madaxda sare-sare ee dowladda Soomaaliya oo lagu maamuusayay sannad-guuradii 53-aad ee kasoo wareegtay markii ay gobollada Koonfureed ee Somalia ka xoroobeen gurmeysigii Talyaaniga iyo midowgii labada gobol ayaa waxaa xalay lagu qabtay Muqdisho.