3/28/2024
Today from Hiiraan Online:  _
Wararka Maanta- Isniin, July 1 , 2013
Xaaladda Degmada Kismaayo oo Maanta daggan iyo isku socodkii shacabka iyo ganacsigii oo dib u soo laabtay (SAWIRRO)



Isniin, July 01, 2013(HOL) :- Waxaa dagan xaaladda magaalada Kismaayo kadib mudo afar maalmood ah oo ay ka jireen xiisado dagaal, waxaana jawiga magaalada uu maanta yahay mid xasiloon iyadoona sidoo kale ay dib usoo noqdeen dhaqdhaqaaqyadii bulshada.

Waxaa maanta dib loo furay goobihii ganacsiga, waxbarashada, caafimaadka iyo weliba isu socodkii dadka iyo gaadiidka kuwaasoo xirnaa mudo ka badan afar maalmood oo ay magaalada Kismaayo ka socdeen dagaallo u dhexeeyay maamulka uu hogaamiyo Sheekh Axmed Max’ed Islaam (Axmed Madoobe) iyo ciidamo uu horkacayay Col Barre Aadan Shire (Hiiraale).

Saaka ayaa la arkayay qoysas fara badan oo dib ugu laabanaya guryahooda oo ay markii hore uga soo carareen dagaalladii xoogganaa ee ka dhacay magaalada.

"Mudo sedex maalmood ah guryaha ayaan ku jirnay, cid madaxa bannaanka keeni kartay ma jirin, maanta ayaan dib u furay ganacsigeeyga," ayuu yiri Max'uud Cali oo ka mid ah ganacsatada reer Kismaayo.

Mudadii ay dagaallada ka socdeen magaalada Kismaayo waxaa jiray qasaarooyin isugu jira dhimasho iyo dhaawac oo soo gaaray dadka rayidka ah iyo dhinacyadii dagaalamay, waxaana inta la ogyahay ku dhimatay ilaa 40 qof halka ay dhaawacyo kasoo gaareen dad kor u dhaafaya ilaa 80 qof, sida ay HOL u xaqiijiyeen saraakiisha isbitalka guud ee magaalada Kismaayo iyo goobo caafimaad oo gaar loo leeyahay oo ku yaal magaalada.

“Madfac ayaa wuxuu ku soo dhacay qol aan ku jirnay aniga iyo qoyskeeyga, waxay dhaawacyo kasoo gaareen sedex gabdhood oo aan dhalay, waan awoodi weeynay in aan xitaa Isbitalka geyno, ilaah mahadii wax ku dhintay ma jirin,” ayuu yiri Macalim Isaaq oo kamid ah qoysaskii ay guryahooda madaafiicda ku dhaceen xilliyadii ay dagaalladu ka socdeen Kismaayo.

Dhanka kale Madaxweeyne ku xigeenka maamulka jubbaland Jen. C/laahi Sheekh Ismaacil Fartaag oo shalay warbaahinta la hadlay ayaa sheegay in ay soo afjareen dagaalladii ka socday Kismaayo, isagoona xusay in maamulkooda uu si buuxda gacanta ugu hayo magaalada, wuxuuna sidoo kale dowladda Soomaaliya ku eedeeyay in ay masuul ka ahayd dagaalladii Kismaayo ka dhacay.

Xasan Nuur, Hiiraan Online
[email protected]
Kismaayo-Soomaaliya













Click here
7/1/2013 4:05 PM EST
Isniin, July 01, 2013 (HOL) — Madaxweynaha Maamulka Jubbaland, Sheekh Axmed Madoobe Islaam (Sheekh Axmed Madoobe) oo haatan ku sugan dalka Itoobiya ayaa eedeyn u jeediyay ciidamada Kenya ee qaybta ka ah kuwa AMISOM, isagoo sheegay inuu wadahadallo la yeeshay mas’uuliyiin ka tirsan dowladda Soomaaliya.

7/1/2013 3:50 PM EST
Isniin, July 01, 2013 (HOL) — Saddex ka mid ah madaxweynayaashii is-magacaabay ee maamulka Jubbaland ayay maanta ciidamada Kenya ee ka tirsan AMISOM waxay kasoo dajiyeen magaalada Muqdisho, sidoo kalena ciidamada Kenya waxay Muqdisho keeneen dhaawacyada in ka badan 60-qof oo ku dhaawacmay dagaalladii Kismaayo ka dhacay.

7/1/2013 1:26 PM EST
Isniin, July 01, 2013 (HOL) — Iyadoo xilliga maamulka gobolka Bay oo lix bilood ahayd uu sii dhammaanyo ayaa waxaa magaalada Baydhabo labadii maalmood ee ugu dambeeyay ka socday kulammo lagu doonayo in la soo doorto maamulka bedeli doona maamulka xilligiisu sii dhammaanayo.

7/1/2013 12:10 PM EST
Isniin, July 01, 2013 (HOL) — Madaxweynaha Somaliland Mudane Axmed Maxamed Maxamud (SiLlaanyo) ayaa Maanta Xadhiga ka jaray Xafiiska Shaqo doonka Dhalinyarada oo ay wasaaradda Qarshaynta Qaranku ay soo abaabushay, kaasi oo laga Furay Wasaarada Caafimaadka Gudeheeda halkaas oo madaxweynuhu uu soo kormeeray Guud ahaan Shaqaalaha iyo Agabka ka ay ku shaqaynaayaan iyo adeegyada ay u qabanayaan Bulshada iyo Dhalinyaradaba.

7/1/2013 11:47 AM EST
Isniin, July 01, 2013 (HOL) — Xaflad ay soo qaban-qabiyeen ururka KAJOOG oo ay leeyihiin dhallinyarada Soomaaliyeed ee ku nool magaalada Minneapolis ee gobolka Minnesota ee dalka Mareykanka.

7/1/2013 11:33 AM EST
Isniin, July 01, 2013 (HOL) — Madaxweynaha Soomaaliya oo maanta ka hadlayay munaasabad lagu xusayay 01-da Luuliyo oo ka dhacday garoonka kubadda cagta ee Koonis Istaadiyum ee magaalada Muqdisho ayaa amaanay horumarka iyo nabadda ay ku taallabsadeen maamullada Somaliland iyo Puntland, isagoo sheegay in loo baahan yahay in looga daydo.

7/1/2013 11:11 AM EST
Isniin, July 01, 2013 (HOL) — Afhayeenka ciidamada Kenya, Col. Cyrus Oguna ayaa sheegay isagoo ku sugan Nairobi in ciidamadooda qaybta ka ah howgalka Midowga Afrika ee ku sugan Kismaayo ay la safteen dhinac ka mid ah dhinacyadii ku dagaalamay Kismaayo.

7/1/2013 10:49 AM EST
Isniin, July 01, 2013 (HOL) — Munaasabad si qurux badan loo soo agaasimay islamarkaana lagu mamuusayay 53 sano guuradii ka soo wareegatay waqtigii ay ka xorroobeen gobollada Koonfureed ee Soomaaliya gumeystihii Talyaaniga iyo Is raaciin labada gobol W/qooyi iyo Koonfur ayaa lagu qabtay magaalada Muqdisho.

7/1/2013 9:08 AM EST
Isniin, July 01, 2013 (HOL) — Egayga Midowga Afrika ee Soomaaliya, dajire Maxamed Saalax Aanaadiif ayaa hambalyo ku aaddan maalinta xorriyadda Soomaaliya ee 01-da Luuliyo u diray shacabka Soomaaliyeed iyo dowaldda.

7/1/2013 8:55 AM EST
Isniin, July 01, 2013 (HOL) — Dibadbax ay ka qaybgaleyeen dadweyne isugu jira haween, caruur iyo dhallinyaro loogana soo horjeedo xariga Sheekh Xasan Daahir iyo xubno la socday oo dowladda Soomaaliya u xiran ayaa maanta ka dhacay qaybo ka mid ah magaalada Muqdisho.

7/1/2013 7:40 AM EST
Isniin, July 01, 2013 (HOL) — Madaxweynaha dalka Mareykanka, Barack Obama oo safar shaqo ku maraya dalal ka tirsan Qaaradda Afrika ayaa u soo diiray shacabka Soomaaliyeed iyo dowladdooda hambalyo ku aaddan 01-da Luuliyo oo ah maalintii ay Soomaaliya ka xorowday gumeystihii Talyaaniga.

7/1/2013 4:46 AM EST
Isniin, July 1, 2013 (HOL) - Shir ay kasoo qaybgaleen dhammaan shirikadaha Isgaarsiinta Soomaaliyeed, wafdi ka socda dowladda Soomaaliyeed iyo xubno ka socda hay’adda Isgaarsiinta adduunka ee ITU iyo GSM ayaa maanta lagu soo gabagabeeyey xaruunta isgaarsiinta ee dalka isku-tagga Imaaraadka Carabta.

7/1/2013 2:34 AM EST
Isniin, July 01, 2013 (HOL) — Munaasabad ay ka qaybgaleen madaxda sare-sare ee dowladda Soomaaliya oo lagu maamuusayay sannad-guuradii 53-aad ee kasoo wareegtay markii ay gobollada Koonfureed ee Somalia ka xoroobeen gurmeysigii Talyaaniga iyo midowgii labada gobol ayaa waxaa xalay lagu qabtay Muqdisho.