2014-10-24
Today from Hiiraan Online:  _
Wararka Maanta- Arbaco, Jan 9 , 2013
Hoggaamiye ka tirsan Burcadbadeedda Soomaaliya oo shaaciyay in isaga iyo kooxdiisa ay joojiyeen Burcad-badeednimada


Arbaco, Jannaayo 09, 2013 (HOL) — Hoggaamiyaha kooxaha burcabadeedda ah ee gobollada dhexe ee Soomaaliya, Maxamed Cabdi Xasan [Af-weyne] ayaa maanta kaga dhawaaqay degmada Cadaado ee gobolka Galguduud in isaga iyo raggii la shaqeynayay ay joojiyeen falalka burcadbdeednimo oo uu sheegay nay ku kalliftay inay tanaasulaan codsiyo dhowr jeer loosoo jeediyay iyo dhibaato ay kala kulmeen burcadbadeednimada.

Afweyne ayaa sheegay in isaga iyo kooxdiisa aysan mar dambe ku laaban doonin falalka burcadbadeednimo ee ay joojiyeen hadda, isagoo sidoo kale ugu baaqay dhallinyarada ku harsan burcadbdeednimada inay iyaguna ka haraan.

Hoggaamiyihii hore ee burcad badeedda wuxuu sheegay inay falalka burcad badeednimada ku jireen muddo siddeed sano, isagoo sheegay inay burcad badeednimadu leedahay dhibaatooyin badan.

“Falalka burcadbadeednimada waxaan kusoo jiray sideed sano, waxaana la joogaa xilligii aan xisaabtami lahayn aniga iyo saxiibbadey, burcad-badeednimada waa kuwo leh dhibaatooyin badan; sidoo kalena waxaa lagala kulmaan khasaarooyin isugu jira naf iyo maal, sumcad-darro, adduuna oo si aad ah lagaaga dhibsado iyo hoarumar la’aan,” ayuu yiri Afweyne.

Sidoo kale, hoggaamiyahan wuxuu diiday in isaga iyo saaxiibadiis ay ku qasbeen inay burcad-badeenimada ka baxaan ciidamada la-dagaalanka burcadbdeedda ee u sugan xeebaha Soomaaliya.

“Go’aankeennu waa inaan ka mid noqonno bulshada. Qaarkeen waxay doonayaan inay noqdaan ganacsato, qaar kalena waxay doonayaan inay bartaan xirfado ay ku shaqeystaan,” ayuu hadalkiisa raaciyay.

Hoggaamiyahan wuxuu beeniyay warbixin ay horay u soo saartay Qaramada Midoobay oo sheegaysay in madaxweynihii hore ee Soomaaliya, Sheekh Shariif Sheekh Axmed uu baasaboor diblamaasi ah u sameeyay isaga iyo xubno ka tirsan burcadbadeedda.

Madaxweynihii dowladii KMG ahayd ee Soomaaliya ayaa iska fogeeyay warbixinta ay guddi Qaramada Midoobay ku sheegeen inuu baasaboorro siiyay hoggaamiyeayasha burcadbadeedda, wuxuuna warqad dhaliil ah oo ku saabsan arrintan uu u diray Qaramada Midooaby.

Afweyne ayaa ugu baaqay dowladda federaalka Soomaaliya inay dhaqan-celin u sameyso xubnaha go’aanada inay isaga baxaan burcadbadednimada oo dadka oo Soomaaliyed ay ugu xirxiran yihiin caalamka dacalladiisa.

Munaasabadda ay uu uga dhawaaqay Afweyne iyo saaxiibbadiis inay isaga baxeen burcadbadeednimada waxaa goobjoog ka ahaa odayaal dhaqameed kasoo jeeda deegaannada uu ka taliyo maamulka Ximan iyo Xeeb iyo xubno ka tirsan maamulka.

Tallaabada ay qaadeen kooxdan burcadbadeedda ah ayaa waxay imaanysaa xilli uu wasiirka gaashaandhigga Soomaaliya, C/xakiin Maxamuud Xaaji Fiqi uu sheegay in burcadbadeedda ay taageeraan dalal shisheeye oo nabadda Soomaaliya kasoo horjeeda.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-01-09 2:22 PM EST
Arbaco, Jannaayo 09, 2013 (HOL) — Wasiiradda wasaaradda horumarinta iyo adeegga bulshada xukuuumadda Soomaaliya, Maryan Qaasim Axmed ayaa maanta oo Arbaco ah dib ugu soo laabatay Muqdisho, kadidb safaro ay toddobaadyo ku maraysay dalalka Turkiga iyo Tuuniisiya, waxaana la socday wufuud ka socday dowladda Turkiga uu u kuurlgalaya sidii horumarin loogu sameyn lahaa dalka.

2013-01-09 1:43 PM EST
Arbaco, Jannaayo 09, 2013 (HOL) — Hay’adda dhakhaatiirta aan xuduudda lahayn ee MSF ayaa weydiistay dowladda Soomaaliya in baaritaan dhab ah lagu sameeyo gacan-ku-dhiigle ku dilay Muqdisho laba shaqaalahooda ka mid ah bishii December ee sannadkii 2011 oo dhawaan xabsiga dhexe ee Muqdisho laga sii-daayay.

2013-01-09 12:36 PM EST
Arbaco, Jannaayo 09, 2013 (HOL) — Munaasabad uu xilka kula wareegayay xoghayaha dowladda hoose ee Laascaanood oo maanta ka dhacday xarunta gobolka Sool ee Laascaanood, iyadoo xoghayahan uu ka mid ahaa xubihii ku soo baxay doorashooyinkii golaha degaanka ee bishii lasoo dhaafnay ka dhacay Somaliland.

2013-01-09 11:36 AM EST
Arbaco, Jannaayo 09, 2013 (HOL) — Guddoomiyaha gobolka Banaadir ahna duqa Muqdisho, Maxamuud Axmed Nuur (Tarsan) ayaa sheegay in maamulkiisu uu wado qorshayaal uu kusoo celinayo ammaanka guud ee caasimadda, sidoo kalena ay ku duminayaan dhismayaasha sharci-darrada ah ee laga dhisay hareeraha waddooyinka Muqdisho.

2013-01-09 11:35 AM EST
Arbaco, Jannaayo 09, 2013 (HOL) — Askar ka tirsan ciidamada dowladda Soomaaliya iyo xoogagga Ahlusunna ee ku sugan gobolka Gedo oo dhawaan ay ka dhaceen dagaallo culus ayaa maanta loo dhoofiyay dalka Itoobiya si loogu soo daweeyo.

2013-01-09 8:05 AM EST
Arbaco, Jannaayo 09, 2013 (HOL) — Hal qof ayaa ku dhintay, illa toban kalana way ku dhaawacmeen mudaharaad saaka ka dhacay magaaladda Saylac, ka dib markii dad ka xanaaqsan maayarka cusub ee loo doortay degmada saylac ay isku xeereen dawladda hoose ee magaaladaasi. Ciidamadda milatariga iyo booliska ayaa saaka aroortii hore isku dayey inay dadkaasi ka dareeriyaan xaruntaasi, balse way u suurtogali wayday ilaa markii dambe ay xoog u adeegsadeen, waxaana rasaastii ciidankaasi rideen ku dhaawacmay ilaa toban qof oo mid ka mid ahi la sheegay inuu dhaawacii u dhintay.

2013-01-09 8:02 AM EST
Arbaco, Jannaayo 09, 2013 (HOL) — Madaxweynaha Somaliland Mudane Axmed Maxamed Maxamuud (Siilaanyo), ayaa maanta digreeto madaxweyne ku Dhaqan-geliyey Xeerka Hay’adda Sirdoonka Qaranka Xeer Lr. 59/2012.

2013-01-09 3:27 AM EST
Arbaco, Jannaayo 09, 2013 (HOL) — Madaxweynaha Puntland oo xalay ka khudbadeynayey munaasabad lagu xusayey sanad guuradii 4-aad ee kasoo wareegtey markii xilka loo doortay, ayaa soo hadal qaaday arimo badan oo ku saabsan ammaanka Puntland, howlihii shidaal-baarista iyo eedeymaha xiligan xukuumaddiisa uga imaanaya dhinaca siyaasiyiinta mucaaradka ah.

2013-01-09 3:24 AM EST
Arbaco, Jannaayo 09, 2013 (HOL) — Munaasabad ballaaran oo lagu xusayey sanad guuradii afaraad ee kasoo wareegtey xiligii la doortay madaxweynaha Puntland iyo ku xigeenkiisa, islamarkaana muddo 5-saac ka badan socotey ayaa xalay ka dhacday xarunta madaxtooyada ee magaalada Boosaaso.

2013-01-09 1:45 AM EST
Arbaco, Jannaayo 09, 2013 (HOL) — Kaddib kulan saraakiisha ciidamada Jabuuti AMISOM ay la qaateen mas’uuliyiinta maamulka gobollka Hiiraan iyo odayaasha dhaqanka magaalada Baladweyne ayaa waxaa leysku weydaarsaday macluumaad iyo aragtiyo ku saabsan isbadalka dhinaca nabad-galyada ah ee ka jira waqtigan magaalada iyo wada shaqeyn buuxda oo ay yeeshaan odayaasha iyo saraakiisha AMISOM.

2013-01-09 1:09 AM EST
Arbaco, Jannaayo 09, 2013 (HOL) — Madaxweynaha Puntland, C/raxmaan Sheekh Maxamed Faroole oo ka hadlayay dabbaal-deg loo sameeyay afar sano guuuradii kasoo wareegtay markii loo doortay madaxweynenimada Puntland oo xalay ka dhacday Boosaaso ayaa ka digay in dib u habeyn lagu sameeyo dastuurka dowladda federaalka Soomaaliya.

2013-01-09 12:33 AM EST
Wasiirka Arrimaha Dibadda ee Soomaaliya Marwa Fowziya Yuusuf Xaaji Aadan ayaa Booqatay qaar ka mid ah xaruumihii hantida ma guurtada ah ee Soomaaliya ku laheyd dalka Talyaaniga.