2014-08-21
Today from Hiiraan Online:  _
Wararka Maanta- Arbaco, Jan 9 , 2013
COL. CISMAAN DUBBAD: Ammaanka Magaalada Beledweyne wuxuu si aad ah uga wanaagsan yahay sidii hore”


Arbaco, Jannaayo 09, 2013 (HOL) — Kaddib kulan saraakiisha ciidamada Jabuuti AMISOM ay la qaateen mas’uuliyiinta maamulka gobollka Hiiraan iyo odayaasha dhaqanka magaalada Baladweyne ayaa waxaa leysku weydaarsaday macluumaad iyo aragtiyo ku saabsan isbadalka dhinaca nabad-galyada ah ee ka jira waqtigan magaalada iyo wada shaqeyn buuxda oo ay yeeshaan odayaasha iyo saraakiisha AMISOM.

Col. Cismaan Dubad Sugulle oo ah taliyaha ciidamada Jabuuti ee magaalada Baladweyne oo markii uu soo dhamaaday kulanka warbaahinta la hadllayay, ayaa sheegay in la wada qiray dhinacyadii kulanka ka qeyb-galay oo dhan isbadalka dhinaca amaanka ah ee ka jira Baladweyne tan iyo markii ay ka howlgaleen ciidamada Jabuuti ee qeybta ka ah AMISOM.

“Odayaasha iyo dhinacyadii  ka qeyb-galay kulanka waxaa ay si wada jir ah u qireen in isbadal uu jiro, runtiina wax badan ayaa laga qabtay amaanka, waxaana leysla gartay sidii halka ay hadda wax marayaan looga sii anba-qaadi lahaa,’’ ayuu yiri taliyaha ciidamada Jabuuti.

Waxaa uu sheegay Col Cismaan Dubad in bulshada ku dhaqan magaalada Baladweyne dhamaantood ka marag-kacayaan howsha iyo juhdiga badan ee la galiyay sidii loo soo celin lahaa amniga magaalada, madaama ay meesha ka baxeen arrimo badan oo markii hore qal qal ku ahaa nabad-galyada.

“Waxaa yaraad ama meesha ka baxay dilalkii qorsheysnaa, qaraxyadii dhici jiray, iyo isbaarooyinkii kooxaha hubeysan ku qaadan jireen lacagta, waxaas oo dhan meesha ayeey ka baxeen, si wanaagsanna waa looga howlgalay ayuu yiri,’’ Col Cismaan Dubad.

Sidoo kale, waxaa uu sheegay in ay xoogga saareen dhinaca tababarka ciidamada si markaa dhalinyarrada hubeysan ee u abaabulan qaab beeleedka looga dhigo ciidamo Qaran, isaga oo sheegay in arintaa ay ku guuleysteen.

“Maanta waad arkeysaan gobollku waxaa uu leeyahay ciidamo lagu faano, oo wax badan ka badalay nabad-galyada magaalada, waana kuwo ku filan xitaa in ay ka hor tagaan kooxaha cadawgga,’’ ayuu yiri taliyaha ciidamada Jabuuti.

Mar wax laga weydiiyay waxa uga qorsheysan deegaannada kale ee gobollka Hiiraan oo wali gacanta ugu jira Al-shabaab, waxaa uu sheegay in marka hore loo  baahan yahay in salka loo dhigo amniga magaalada, markaa kadibna loo dhaqaaqo qeybaha kale ee gobollka.

“Micno badan malaha in markiiba howlgal leysaga dhaqaaqo, xili aan wax badan laga qaban amniga magaalada, hadda magaalada amnigeedu waa uu hagaagsan yahay, talaabada xigta dabcan waad garan kartaan, waa in loo gudbo gobollka intiisa kale, “ayuu yiri Col. Dubad.

Waxaa uu sheegay in amniga ka jira magaalada uu sababay in dhaq-dhaqaaqa ganacsigu kordho, oo la akri karo mehrado ganacsi oo xiliyada habeenkii shaqeynaya, iyadoo aysan jirin wax laga cabsanayo, madaama si joogta ay u howlgalaan ciidamada Jabuuti iyo kuwa maamulka gobollka oo iskaashanaya.

Ciidamada Jabuuti oo soo gaaray magaalada Baladweyne bilihii ugu danbeeyay sanadkii ina dhaafay ee 2012-ka, ayaa la oran karaa waxaa ay wax badan ka qabteen amaanka oo hadda uu ka muuqdo isabadal la tabaan karo iyaga oo kaashanaya ciidamada mamulka gobollka Hiiraan oo tababar joogta ay siiyeen saraakiisha ciidamada Jabuuti ee AMISOM.

C/raxmaan Diini, Hiiraan Online
diini@hiiraan.com
Baladweyne, Soomaaliya





Post your comments

2013-01-09 2:22 PM EST
Arbaco, Jannaayo 09, 2013 (HOL) — Wasiiradda wasaaradda horumarinta iyo adeegga bulshada xukuuumadda Soomaaliya, Maryan Qaasim Axmed ayaa maanta oo Arbaco ah dib ugu soo laabatay Muqdisho, kadidb safaro ay toddobaadyo ku maraysay dalalka Turkiga iyo Tuuniisiya, waxaana la socday wufuud ka socday dowladda Turkiga uu u kuurlgalaya sidii horumarin loogu sameyn lahaa dalka.

2013-01-09 1:43 PM EST
Arbaco, Jannaayo 09, 2013 (HOL) — Hay’adda dhakhaatiirta aan xuduudda lahayn ee MSF ayaa weydiistay dowladda Soomaaliya in baaritaan dhab ah lagu sameeyo gacan-ku-dhiigle ku dilay Muqdisho laba shaqaalahooda ka mid ah bishii December ee sannadkii 2011 oo dhawaan xabsiga dhexe ee Muqdisho laga sii-daayay.

2013-01-09 12:36 PM EST
Arbaco, Jannaayo 09, 2013 (HOL) — Munaasabad uu xilka kula wareegayay xoghayaha dowladda hoose ee Laascaanood oo maanta ka dhacday xarunta gobolka Sool ee Laascaanood, iyadoo xoghayahan uu ka mid ahaa xubihii ku soo baxay doorashooyinkii golaha degaanka ee bishii lasoo dhaafnay ka dhacay Somaliland.

2013-01-09 12:05 PM EST
Arbaco, Jannaayo 09, 2013 (HOL) — Hoggaamiyaha kooxaha burcabadeedda ah ee gobollada dhexe ee Soomaaliya, Maxamed Cabdi Xasan [Af-weyne] ayaa maanta kaga dhawaaqay degmada Cadaado ee gobolka Galguduud in isaga iyo raggii la shaqeynayay ay joojiyeen falalka burcadbdeednimo oo uu sheegay nay ku kalliftay inay tanaasulaan codsiyo dhowr jeer loosoo jeediyay iyo dhibaato ay kala kulmeen burcadbadeednimada.

2013-01-09 11:36 AM EST
Arbaco, Jannaayo 09, 2013 (HOL) — Guddoomiyaha gobolka Banaadir ahna duqa Muqdisho, Maxamuud Axmed Nuur (Tarsan) ayaa sheegay in maamulkiisu uu wado qorshayaal uu kusoo celinayo ammaanka guud ee caasimadda, sidoo kalena ay ku duminayaan dhismayaasha sharci-darrada ah ee laga dhisay hareeraha waddooyinka Muqdisho.

2013-01-09 11:35 AM EST
Arbaco, Jannaayo 09, 2013 (HOL) — Askar ka tirsan ciidamada dowladda Soomaaliya iyo xoogagga Ahlusunna ee ku sugan gobolka Gedo oo dhawaan ay ka dhaceen dagaallo culus ayaa maanta loo dhoofiyay dalka Itoobiya si loogu soo daweeyo.

2013-01-09 8:05 AM EST
Arbaco, Jannaayo 09, 2013 (HOL) — Hal qof ayaa ku dhintay, illa toban kalana way ku dhaawacmeen mudaharaad saaka ka dhacay magaaladda Saylac, ka dib markii dad ka xanaaqsan maayarka cusub ee loo doortay degmada saylac ay isku xeereen dawladda hoose ee magaaladaasi. Ciidamadda milatariga iyo booliska ayaa saaka aroortii hore isku dayey inay dadkaasi ka dareeriyaan xaruntaasi, balse way u suurtogali wayday ilaa markii dambe ay xoog u adeegsadeen, waxaana rasaastii ciidankaasi rideen ku dhaawacmay ilaa toban qof oo mid ka mid ahi la sheegay inuu dhaawacii u dhintay.

2013-01-09 8:02 AM EST
Arbaco, Jannaayo 09, 2013 (HOL) — Madaxweynaha Somaliland Mudane Axmed Maxamed Maxamuud (Siilaanyo), ayaa maanta digreeto madaxweyne ku Dhaqan-geliyey Xeerka Hay’adda Sirdoonka Qaranka Xeer Lr. 59/2012.

2013-01-09 3:27 AM EST
Arbaco, Jannaayo 09, 2013 (HOL) — Madaxweynaha Puntland oo xalay ka khudbadeynayey munaasabad lagu xusayey sanad guuradii 4-aad ee kasoo wareegtey markii xilka loo doortay, ayaa soo hadal qaaday arimo badan oo ku saabsan ammaanka Puntland, howlihii shidaal-baarista iyo eedeymaha xiligan xukuumaddiisa uga imaanaya dhinaca siyaasiyiinta mucaaradka ah.

2013-01-09 3:24 AM EST
Arbaco, Jannaayo 09, 2013 (HOL) — Munaasabad ballaaran oo lagu xusayey sanad guuradii afaraad ee kasoo wareegtey xiligii la doortay madaxweynaha Puntland iyo ku xigeenkiisa, islamarkaana muddo 5-saac ka badan socotey ayaa xalay ka dhacday xarunta madaxtooyada ee magaalada Boosaaso.

2013-01-09 1:09 AM EST
Arbaco, Jannaayo 09, 2013 (HOL) — Madaxweynaha Puntland, C/raxmaan Sheekh Maxamed Faroole oo ka hadlayay dabbaal-deg loo sameeyay afar sano guuuradii kasoo wareegtay markii loo doortay madaxweynenimada Puntland oo xalay ka dhacday Boosaaso ayaa ka digay in dib u habeyn lagu sameeyo dastuurka dowladda federaalka Soomaaliya.

2013-01-09 12:33 AM EST
Wasiirka Arrimaha Dibadda ee Soomaaliya Marwa Fowziya Yuusuf Xaaji Aadan ayaa Booqatay qaar ka mid ah xaruumihii hantida ma guurtada ah ee Soomaaliya ku laheyd dalka Talyaaniga.