2014-07-24
Today from Hiiraan Online:  _
Wararka Maanta- Talaado, Jan 8 , 2013
Dowladda Talyaaniga oo sheegtay inay ka caawinayso Soomaaliya Tababarka Booliiska iyo dhinacyada Wax-soo-saarka


Talaado, Jannaayo 08, 2013 (HOL) — Dowladda Talyaaniga oo muddo dheer gumeysanaysay gobollada Koonfureed ee Soomaaliya ayaa shaacisay inay ka caawin doonto dowladda cusub ee Soomaaliya tababarka ciidamada iyo wax-soo-saarka.

Wasiirka arrimaha dibadda ee Talyaaniga, Guilio Terzi ayaa hadalkan ka sheegay xarunta Talyaaniga ee Roma kaddib markii uu kulan la qaatay wasiirka arrimaha dibadda Soomaaliya, Fowziyo Yuusuf Xaaji Aadan oo safar shaqo ku joogta dalka Talyaaniga.

“Talyaanigu wuxuu ka taageeri doonaa Soomaaliya xoojinta ammaanka, tababaridda ciidamada booliska iyo wax-soo-saarka beeraha iyo kalluumeysiga,” ayuu Terzi wariyeyaal ugu sheegay magaalada Roma.

Sidoo kale, wasiirradda arrimaha dibadda ee Soomaaliya, Fowziyo Yuusuf ayaa iyaduna sheegay inay ku faraxsan tahay in dib loosoo nooleeyo xiriirkii u dhexeeyay Soomaaliya iyo Talyaaniga.

“Innaga iyo Talyaanigu waxaan ku heshiinnay in loosoo nooleeyo dhammaan heshiisyadii dowliga ahaa ee ay labada dal horay u galeen, taasna waa guul weyn oo lagu faani karo,” ayay tiri wasiiradda arrimaha dibadda Soomaaliya oo iyaduna saxaafadda la hadashay.

Booqashada ay wasiirraddu ku joogto dalka Talyaaniga ayaa noqonaysa tii ugu horreysay oo ay ku tagto dalkaas tan iyo markii loo magacaabay xilkan, waxayna horay u soo martay dalka Ingiriiska oo ay muddo dheer qoxooti ahaan ugu noolayd.

Talyaaniga ayaa isha ku hayay marxaladihii ay Soomaaliya soo martay tan iyo markii ay dhacday dowladdii dhexe ee Soomaaliya muddo 21-sano laga joogo, iyadoo wasiirka arrimaha dibadda ee Talyaaniga Guilio Terzi uu 2011 ku yimid Muqdisho safar gaaban. 

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-01-08 4:54 PM EST
Talaado, January 08, 2013(HOL): Wiil Soomaali ah oo ku jiray xabsi ku yaalla magaalada Lecce ee dalka Talyaaniga, halkaasi oo loogu xiray in uu ku soo qaato ciqaabta dembi xatooyo ah oo lagu helay ayaa isdaldalay kaddib markii ay xaalad nolol xumo ah ay xabsiga kula soo gudboonaatay.

2013-01-08 12:12 PM EST
Talaado, Jannaayo 08, 2013 (HOL) — Wasiirka gaashaandhigga Soomaaliya, C/xakiin Maxamuud Xaaji Fiqi ayaa sheegay in dalal kasoo horjeeda nabad ka dhalata Soomaaliya ay taageeraan burcadbdeedda Soomaaliya, kuwaas oo raadinaya inaysan Soomaaliya weligeed xasilin oo aanay deggenaasho ka dhicin.

2013-01-08 12:11 PM EST
Talaado, Jannaayo 08, 2013 (HOL) — Ergayga xoghayaha guud ee Qaramada Midoobay uga wakiilka ah arrimaha Soomaaliya, Danjire Augustine Mahiga oo kulan la qaatay madaxweynaha Soomaaliya, Xasan Sheekh ayaa sheegay in Qaramada Midoobay ay qaab cusub kula shaqeyn doonto dowladda federaalka Soomaaliya.

2013-01-08 8:50 AM EST
Talaado, Jannaayo 08, 2013 (HOL) — Kulan ay magaalada Muqdisho ku yeesheen ergayga Midowga Afrika u qaabilsan Soomaaliya iyo madaxda dowladda Soomaaliya ayaa waxaa lagu gaaray go’aan lagu dalbanayo in la kordhiyo xilliga howgalka ciidamada Midowga Afrika ee AMISOM.

2013-01-08 7:56 AM EST
Talaado, Jannaayo 08, 2013 (HOL) — Kulan cashooyinkii lasoo dhaafay uga socday deegaanka Dan-dan madaxdhaqameed ku kala dhex-jirey beelo isku maan-dhaafay dhul daaqsimeed la magaaleeyay oo lagu magacaabo Xamar-lagu-xidh oo 40-km dhinaca Koonfur-bari kaga beegan Degmada Buuhoodle ayaa ga`aammo lagaga soo saaray.

2013-01-08 7:54 AM EST
Talaado, Jannaayo 08, 2013 (HOL) — Golaha aqoonyahannada Koonfurta Soomaaliya oo mudooyinkii ugu dambeeyay wadday barnaamij la magac baxay [qiimee qofkaaga] ayaa munaasabad uu soo qaban-qaabiyey golaha kana dhacday hoteel Manchester ee magaalada Baydhabo waxaa shahaadooyin lagu guddoonsiiyay shirkado iyo hay’ado wadani ah oo ka jira gobolka Bay.

2013-01-08 6:59 AM EST
Talaado, Jannaayo 08, 2013 (HOL) — Guddiga cadaalladda Somaliland ayaa isku shaan-dheyn ballaaran ku sameeyay guddoomiyeyaasha maxkamaddaha goboladda Somailland qaarkood.

2013-01-08 6:52 AM EST
Talaado, Jannaayo 08, 2013 (HOL) — Mudanayaasha golaha Wakiiladda Somaliland, ayaa maanta cod aqlabiyad ah ku ansixiyey wasiirka Dib u jinta Somaliland Mr: Saleebaan Ciise Axmed (Xaglo Toosiye) iyo wasiir ku xigeenka macdanta, Tamarta iyo biyaha Somaliland Mr: Cabdisalaan Maxamed Xasan.

2013-01-08 6:47 AM EST
Talaado, Jannaayo 08, 2013 (HOL) — Iyadoo madaxweynaha Soomaaliya, Xasan Sheekh Maxamuud uu dhawaan sheegay in askarigii kufsi lagu helo uu xukunkiisu noqonayo dil toogasho; ayaa haddana haweenka ku jira xeryaha barakacayaasha ee Muqdisho ku yaalla waxay ka cabanayaan kufsi ay u geystaan ciidamada dowladda Soomaaliya iyo dad xiran dharka ciidamada.

2013-01-08 5:57 AM EST
Talaado, Jannaayo 08, 2013 (HOL) —Maamulka culumaa’udiinka Ahlusunna Wal-jameeca ee gobolka Gedo ayaa sheegay in dagaalladii ugu danbeeyay ee ka dhacay gobolkaasi ay ku guuleysteen in ay xoogagga Al-shabaab kala wareegaan dhul ballaaran oo ay uga sugnaayeen gobolkaasi.

2013-01-08 1:21 AM EST
Talaado, Jannaayo 08, 2013 (HOL) — Ciidamada AMISOM ee ku sugan magaalada Baydhabo ee xarunta gobolka Bay ayaa lagu wareejiyay garoonka diyaaradaha ee Baydhabo, halkaasoo tan iyo bishii Feberaayo ee sannadkii hore ay gacanta ku hayeen ciidamada Itoobiya ee caawinaya kuwa dowladda Soomaaliya.

2013-01-08 1:20 AM EST
Talaado, Jannaayo 08, 2013 (HOL) — Afar qof oo ay ku jiraan saddex sarkaal oo ka tirsan saraakiisha booliiska Kenya iyo qof rayid ah ayaa ku dhaawacmay bambaano lagu weeraray xalay gaari ay wateen booliiska Kenya oo marayay bartamaha magaalada Gaarisa ee xarunta gobolka Waqooyi-bari-Kenya.