2014-10-31
Today from Hiiraan Online:  _
Wararka Maanta- Talaado, Jan 8 , 2013
Weerar ay ku dhaawacmeen Saraakiil ka tirsan Booliiska dalka Kenya oo xalay ka dhacay Magaalada Gaarisa


Talaado, Jannaayo 08, 2013 (HOL) — Afar qof oo ay ku jiraan saddex sarkaal oo ka tirsan saraakiisha booliiska Kenya iyo qof rayid ah ayaa ku dhaawacmay bambaano lagu weeraray xalay gaari ay wateen booliiska Kenya oo marayay bartamaha magaalada Gaarisa ee xarunta gobolka Waqooyi-bari-Kenya.

Weerarkan ayaa ka dhacay bartamaha magaalada Gaarisa, iyadoo kooxihii weerarka geystay ay u suurogashay inay ka baxsadaan goobta, waxaana weerarkan uu noqonayaa kii ugu horreeyay ee sannadkan ka dhaca gudaha dalka Kenya.

"Tirada ku dhaawacantay weerarka waa afar qof, saddex ka mid ah way ka tirsan yihiin booliiska Kenya," ayay yiraahdeen taliyaha booliiska Gaarisa iyo taliyaha unug ka tirsan booliiska Kenya oo u tababaran sida milateriga, kuwaasoo magacyadooda qariyay.

"Bambaanada oo ahayd nooca gacanta laga tuuro waxaa lala beegsaday gaariga ay wateen saraakiisha," ayay hadalkoosa ku dareen. Balse taliyaha booliiska gobolka Waqooyi-bari, Philip Tuimur ayaa xaqiijiyay in weerarku dhacay, balse wuu diiday inuu bixiyo faahfaahin intaas ka badan.

Weerarkan ayaa wuxuu imaanayaa iyadoo shan askari oo ciidamada booliiska Kenya ka tirsan lagu dilay magaalada Gaarisa bishii November ee sannadkii hore. Laba ka mid ah askartan waxaa lagu dilay gaarigooda dhexdooda, halka saddexda kalena lagu dilay weerar toos ah.

Dalka Kenya ayaa tan iyo sannadkii hore ka dhacayay weerarro toos ah iyo kuwo loo adeegsanayo bambooyin, iyadoo saraakiisha dowladduna ay ku eedeeyaan inay ka dambeeyaan weerarradaas xubno gacan-saar la leh Al-shabaabta Soomaaliya.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-01-08 4:54 PM EST
Talaado, January 08, 2013(HOL): Wiil Soomaali ah oo ku jiray xabsi ku yaalla magaalada Lecce ee dalka Talyaaniga, halkaasi oo loogu xiray in uu ku soo qaato ciqaabta dembi xatooyo ah oo lagu helay ayaa isdaldalay kaddib markii ay xaalad nolol xumo ah ay xabsiga kula soo gudboonaatay.

2013-01-08 12:12 PM EST
Talaado, Jannaayo 08, 2013 (HOL) — Wasiirka gaashaandhigga Soomaaliya, C/xakiin Maxamuud Xaaji Fiqi ayaa sheegay in dalal kasoo horjeeda nabad ka dhalata Soomaaliya ay taageeraan burcadbdeedda Soomaaliya, kuwaas oo raadinaya inaysan Soomaaliya weligeed xasilin oo aanay deggenaasho ka dhicin.

2013-01-08 12:11 PM EST
Talaado, Jannaayo 08, 2013 (HOL) — Ergayga xoghayaha guud ee Qaramada Midoobay uga wakiilka ah arrimaha Soomaaliya, Danjire Augustine Mahiga oo kulan la qaatay madaxweynaha Soomaaliya, Xasan Sheekh ayaa sheegay in Qaramada Midoobay ay qaab cusub kula shaqeyn doonto dowladda federaalka Soomaaliya.

2013-01-08 8:50 AM EST
Talaado, Jannaayo 08, 2013 (HOL) — Kulan ay magaalada Muqdisho ku yeesheen ergayga Midowga Afrika u qaabilsan Soomaaliya iyo madaxda dowladda Soomaaliya ayaa waxaa lagu gaaray go’aan lagu dalbanayo in la kordhiyo xilliga howgalka ciidamada Midowga Afrika ee AMISOM.

2013-01-08 7:56 AM EST
Talaado, Jannaayo 08, 2013 (HOL) — Kulan cashooyinkii lasoo dhaafay uga socday deegaanka Dan-dan madaxdhaqameed ku kala dhex-jirey beelo isku maan-dhaafay dhul daaqsimeed la magaaleeyay oo lagu magacaabo Xamar-lagu-xidh oo 40-km dhinaca Koonfur-bari kaga beegan Degmada Buuhoodle ayaa ga`aammo lagaga soo saaray.

2013-01-08 7:54 AM EST
Talaado, Jannaayo 08, 2013 (HOL) — Golaha aqoonyahannada Koonfurta Soomaaliya oo mudooyinkii ugu dambeeyay wadday barnaamij la magac baxay [qiimee qofkaaga] ayaa munaasabad uu soo qaban-qaabiyey golaha kana dhacday hoteel Manchester ee magaalada Baydhabo waxaa shahaadooyin lagu guddoonsiiyay shirkado iyo hay’ado wadani ah oo ka jira gobolka Bay.

2013-01-08 6:59 AM EST
Talaado, Jannaayo 08, 2013 (HOL) — Guddiga cadaalladda Somaliland ayaa isku shaan-dheyn ballaaran ku sameeyay guddoomiyeyaasha maxkamaddaha goboladda Somailland qaarkood.

2013-01-08 6:52 AM EST
Talaado, Jannaayo 08, 2013 (HOL) — Mudanayaasha golaha Wakiiladda Somaliland, ayaa maanta cod aqlabiyad ah ku ansixiyey wasiirka Dib u jinta Somaliland Mr: Saleebaan Ciise Axmed (Xaglo Toosiye) iyo wasiir ku xigeenka macdanta, Tamarta iyo biyaha Somaliland Mr: Cabdisalaan Maxamed Xasan.

2013-01-08 6:47 AM EST
Talaado, Jannaayo 08, 2013 (HOL) — Iyadoo madaxweynaha Soomaaliya, Xasan Sheekh Maxamuud uu dhawaan sheegay in askarigii kufsi lagu helo uu xukunkiisu noqonayo dil toogasho; ayaa haddana haweenka ku jira xeryaha barakacayaasha ee Muqdisho ku yaalla waxay ka cabanayaan kufsi ay u geystaan ciidamada dowladda Soomaaliya iyo dad xiran dharka ciidamada.

2013-01-08 5:57 AM EST
Talaado, Jannaayo 08, 2013 (HOL) —Maamulka culumaa’udiinka Ahlusunna Wal-jameeca ee gobolka Gedo ayaa sheegay in dagaalladii ugu danbeeyay ee ka dhacay gobolkaasi ay ku guuleysteen in ay xoogagga Al-shabaab kala wareegaan dhul ballaaran oo ay uga sugnaayeen gobolkaasi.

2013-01-08 5:46 AM EST
Talaado, Jannaayo 08, 2013 (HOL) — Dowladda Talyaaniga oo muddo dheer gumeysanaysay gobollada Koonfureed ee Soomaaliya ayaa shaacisay inay ka caawin doonto dowladda cusub ee Soomaaliya tababarka ciidamada iyo wax-soo-saarka.

2013-01-08 1:21 AM EST
Talaado, Jannaayo 08, 2013 (HOL) — Ciidamada AMISOM ee ku sugan magaalada Baydhabo ee xarunta gobolka Bay ayaa lagu wareejiyay garoonka diyaaradaha ee Baydhabo, halkaasoo tan iyo bishii Feberaayo ee sannadkii hore ay gacanta ku hayeen ciidamada Itoobiya ee caawinaya kuwa dowladda Soomaaliya.