2014-09-22
Today from Hiiraan Online:  _
Wararka Maanta- Arbaco, Jan 2 , 2013
Maxkamad ku taalla Itoobiya oo la horgeeyay Toban ruux oo loo haysto inay ka tirsan yihiin Xarakada Al-shabaab


Arbaco, Jannaayo 02, 2013 (HOL) — Maxkamad ku taalla dalka Itoobiya ayaa la horgeeyay 10-qof oo loo haysto argagaxisonimo iyo inay xiriir dhowr la leeyihiin Xarakada Al-shabaab ee ka dagaalanta gudaha Soomaaliya.

Garsooraha maxkamadda, Bahiru Darecha ayaa sheegay in raggan loo haysto inay sugayeen lacago si gudaha Itoobiya uga fuliyaan weerarro argagaxiso oo ka dhan ah danaha dhaqaale iyo midda siyaadadeed ee dalka Itoobiya.

"Ragga lagu helay dambiga oo 10 qof waxaa qaarkood ay qirteen dambiyada loo haysto oo ah inay xiriira la leeyihiin Al-shabaab," ayuu yiri garsoore Darecha oo sheegay in xukunka raggan lagu dhawaaqi doono bartamaha bishan Jannaayo.

Lix qof oo ka mid ah raggan ayaa maqan, iyadoo garsooruhu uu sheegay in la xukumi doono iyagoo maqan, wuxuuna intaas ku daray in eedeysayaasha dambiga lagu helay uu ku jiro nin u dhashay dalka Kenya oo la hayo caddeymihiisa la xiriira inuu ka tirsan yahay Al-shabaab.

Ruuxa Kenyanka ah oo lagu magacaabo, Xasan Jarso ayaa la sheegay inuu dhowr jeer uu taleefoon kula xiriiray shaqsiyaad ka tirsan Xarakada Al-shabaab ee Soomaaliya.

Xasan Jarso ayaa qirtay dambiga lagu soo oogay bishii May ee sannadkii hore, balse wuxuu diiday inuu ka mid yahay hoggaamiyeyaasha Al-Shabaab. Isagoo intaas ku daray inuusan qayb ka ahayn qorshe la doonayay in xeryo tababar ay Al-shabaab ka furato gobolka Oromiya ee dalka Itoobiya.

Sdioo kale, saddex ka mid ah eedeysanayaasha ayaa diiday dambiyadii lagu soo oogay iyagoo sheegay inay yihiin macallimiin wax ka dhiga dugsiyo lagu barto diinta Islaamka, wax lug ahna aysan ku lahayn eedeynaha loo haysto.

Itoobiya ayaa waxaa kaga sugan Soomaaliya ciidammo gacan ka siinaya dowladda Soomaaliya dagaalka ay kula jirto Al-shabaab, iyadoo dhowr jeer ay Al-shabaab sheetay inay weerarro la beegsan doonto danaha dowladda Itoobiya.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya




Post your comments

2013-01-02 11:51 AM EST
Arbaco, Jannaayo 02, 2013 (HOL) — Madaxweynaha Soomaaliya, Xasan Sheekh Maxamuud ayaa maanta kula kulmay magaalada Khartuum ee xarunta dalka Suudaan madaxweynaha Suudaan, Cumar Xasan Al-Bashiir, iyagoo kawada hadlay arrimo ay ka mid yihiin lacago ay dowladda Suudaan u daabacday Soomaaliya iyo arrimo ay ka mid yihiin waxbarashada.

2013-01-02 11:17 AM EST
Arbaco, Jannaayo 02, 2013 (HOL) — Madaxweynihii hore ee Puntland Jen. Maxamuud Muuse Xirsi (Cadde) oo dhowaan dalka dib ugu soo laabtay, dhowrkii maalmood ee ugu danbeeyeyna booqasho ku marayey qaar kamid ah magaalooyinka waaweyn ee Puntland, ayaa maanta gaarey magaalada Gaalkacayo ee xarunta gobolka Mudug.

2013-01-02 11:14 AM EST
Arbaco, Jannaayo 02, 2013 (HOL) — Xisbiga Nabadda iyo Dimuqraadiyadda oo ah xisbi mucaarad ah ayaa maanta ku qabtay Muqdisho kulan ay ka qayb-galeen xildihbaanno ka tirsan baalamaanka Soomaaliya, iyadoo ay ka qayb-galeen kulankaas madaxda xisbiyada kale ee dalka ka jira.

2013-01-02 8:15 AM EST
Arbaco, Jannaayo 02, 2013 (HOL) — Xukuumadda Kenya ayaa ku eedeysay askar horay uga tirsanaan jiray ciidamada dowladda Soomaaliya inay ka dambeeyaan falaka ammaan-darro ee ka taagan degmada Gaarisa ee xarunta gobolka Waqooyi-bari ee dalka Kenya.

2013-01-02 7:51 AM EST
Arbaco, Jannaayo 02, 2013 (HOL) — Maamulka gobolka Banaadir ayaa ka dalbaday ganacsatada Soomaaliyeed ee gudaha ku sugan iyo Qurbo-joogta Soomaalida ah ee dibadaha ku nool inay qayb ka qaataan dib u dhiska golaha murtida iyo madadaalada Muqdisho (National Theater).

2013-01-02 7:44 AM EST
Arbaco, Jannaayo 02, 2013 (HOL) — Qof rayid ah ayaa maanta lagu dilay suuqa weyn ee balcadka gaar ahaan nawaaxiga dahablaha oo ah goob aad u mashquul badan, iyadoona aan ilaa imika aan la garanayn cidda ka danbeeysay dilkaasi.

2013-01-02 7:32 AM EST
Arbaco, Jannaayo 02, 2013 (HOL) — Madaxweynaha Somaliland, Axmed Maxamed Maxamuud Siillaanyo iyo xubno golihiisa wasiiradda ah, ayaa saaka booqday askartii shalay dhaawacu ka soo gaadhay shilkii baabuur ee ka dhacay duleedka bari ee magaaladda Hargeysa.

2013-01-02 7:21 AM EST
Arbaco, Jannaayo 02, 2013 (HOL) — Hay'adda wadaniga ah ee Horn for Relief and Development (HRD) oo kaashanaysa haya'daha ILO iyo IIDA ayaa Muqdisho ku qabtay maanta oo Arbaco ah dood-wadaag ku saabsan horumarinta ganacsiga haweenka Soomaaliyeed, iyadoo doodda goob-joog ka ahaayeen xubno ka kala socday ururrada bulshada rayidka ah, dowladda iyo shirkadaha gaarka loo leeyahay.

2013-01-02 6:23 AM EST
Arbaco, Jannaayo 02, 2013 (HOL) — Maamulka gobolka Banaadir ayaa maanta iska fogeeyay in ruux isku dayay inuu dilo guddoomiyaha gobolka Banaadir ahna duqa Muqdisho uu ka tirsanaa shaqaalahooda, iyadoo maamulku uu sheegay in ruuxaas uu ka mid ahaa darawallo la shaqeyn jiray agaasimaha guud ee dowladda hoose.

2013-01-02 6:02 AM EST
Arbaco, Jannaayo 02, 2013 (HOL) — Wasiirka gaashaandhigga Soomaaliya, C/xakiin Maxamuud Fiqi iyo wafdi uu hoggaaminayo ayaa gaaray maanta magaalada Baydhabo ee xarunta gobolka Bay, isagoo halkaas kulammo kula leh mas'uuliyiinta maamulka iyo saraakiisha ciidamada dowladda.

2013-01-02 12:09 AM EST
Arbaco, Jannaayo 02, 2013 (HOL) — Soomaalida ku nool gobolka Minnesota ee dalka Mareykanka ayaa la sheegay inay laba jibaarmeen 12-kii sano ee lasoo dhaafay, sida ay shaacisay hay’ad lagu magacaabo Minnesota 2020 oo baaritaan ku sameysay tirada iyo dhaqaalaha Soomaalida ku nool gobolkaas.