2014-10-24
Today from Hiiraan Online:  _
Wararka Maanta- Isniin, Jan 14, 2013
Wasaaradda Caafimaadka Somaliland oo shaacisay in cudurka Jadeecaddu uu ka dilaacay Gobolka Maroodi-jeex


Isniin, Jannaayo 14, 2013 (HOL) — Wasaaradda Caafimaadka Somaliland, ayaa shaacisay in gobolka Maroodi jeex uu ka dilaacay cudurka jadeecadda, waxaanay bulshadda Somaliland gaar ahaan kuwa ku dhaqan gobolkan inay goobaha caafimaadka yimaadaan si loo xakameeyo cudurkan oo aanu dalka ugu fidin.

“Wasaarada Caafimaadku waxay shacabka gobolka Maroodi-jeex ugu baaqaysaa inuu gobolkan Ka dilaacay cudurka Jadeecadu, taasi oo Wasaarada caafimaadku ay fulinayso hawlgallo ay kaga hortagayso inaanu xanuunkaasi inagu fidin”ayey tidhi wasiir ku xigeenka Caafimaadka Nimco Xuseen Qawdhan oo warbaahinta la hadlaysay.

waxaanay intaas ku dartay “waxa la filayaa inay bilaabmayaan roobabkii gugu, markaa waxaanu ugu baaqaynaa hooyo kastaa oo dareentaa Cudurkan inay addeegyada jadeecada ka helayso Gobolka, tagtana goobta caafimaad ee ugu dhow, halkaana waxay ka helaysaa tallaalkii carruurta ee jadeecada”.

Sidoo kale, waxa wasiir ku xigeenka Caafimaadka Marwo Nimco Qawdhan ayaa sheegtay in hawl-wadeeno caafimaad u kala baxayaan dhulka miyiga si dadka deegaanadaasi ku nool looga talaali lahaa xanuunkan Jadeecadda oo la doonayo in aanu faafin.

Si kastaba ha ahaatee, xanuunkan ayaa la sheegay inuu leeyahay astaamo lagu garankaro oo ay ka mid yihiin xumad badan, Qubac, finan yaryar iyo indhaha oo casaadda, waxaana loogu baaqay dadweynaha cidii isku aragta astaamahaasi inay sida ugu dhakhsaha badan u gaadhaan goobaha u dhow ee caafimaad oo loogu diyaariyey hawl-wadeeno caafimaad oo  dadkaasi gargaar caafimaad siinaya.

Barkhad-Ladiif  M. Cumar, Hiiraan Online
barkhadladiif@hiiraan.com
Hargeysa, Somaliland





Post your comments

2013-01-14 12:31 PM EST
Isniin, Jannaayo 14, 2013 (HOL) — Wasiirka arrimaha gudaha ee Somaliland, Maxamed Nuur Carraale (Duur) iyo wafdi uu hoggaaminayo ayaa maanta gaaray magaalada Saylac oo ay dhawaan ka dhaceen rabshado sababay khasaare nafeed oo dhimasho iyo dhaawac isugu jirta.

2013-01-14 12:09 PM EST
Isniin, Jannaayo 14, 2013 (HOL) —Magaalada Bujumbura ee xarunta dalka Burundi ayaa waxaa maanta ka furmay tababar dhowr casho soconaya oo la siinayo 120 ka mid ah shaqaalaha rayidka ah ee dowaldda Soomaaliya, kaas oo uu soo qabanqaabiyay ururka Midowga Afrika, iyadoo shaqaalahaas ay baran doonaan maamulka dowladnimo iyo hab-maamuuska shaqada.

2013-01-14 12:09 PM EST
Isniin, Jannaayo 14, 2013 (HOL) —Al-shabaab ayaa soo bandhigtay maanta oo Isniin ah askari Faransiis ah oo ay ku dileen weerarkii fashilmay ee ka dhacay habeenkii Sabtidu soo galaysay deegaanka Buulo-Mareer ee gobolka Shabeellada Hoose.

2013-01-14 8:24 AM EST
Isniin, Jannaayo 14, 2013 (HOL) — Ciidamada ammaanka ee dowladda Soomaaliya ayaa in ka badan 400-qof ku qabqabtay howlgallo saf-ballaaran ay maanta ka sameeyeen degmooyinka Huriwaa iyo Yaaqshiid ee gobolka Banaadir, iyadoo qaar ka mid ah dadkaas lasii daayay.

2013-01-14 7:50 AM EST
Isniin, Jannaayo 14, 2013 (HOL) — Golaha Wakiiladda Somaliland, ayaa maanta Wasiirka Qorsheynta Qaranka, Sacad Cali Shire ka dhagaystay xeerka tirokoobka dadweynaha reer Somaliland oo xukuumaddu doonayso inay dalka ka hirgaliso Diiwaangelin madani.

2013-01-14 7:44 AM EST
Isniin, Jannaayo 14, 2013 (HOL) — Xarakada Al-shabaab ayaa sheegtay inuu dhintay askari Faransiis ah oo ay dhaawac ahaan u qabteen intii uu socday howgalkii fashilmay ee Faransiisku ay ku qaadeen deegaanka Buulo-Mareer ee gobolka Shabeellada Hoose, iyagoo sheegay inuu weli nool yahay Denis Allex oo ahaa sarkaalkii la doonayay in xoog lagu furto.

2013-01-14 7:28 AM EST
Isniin, Jannaayo 14, 2013 (HOL) — Golaha Guurtidda, ayaa dood adag ka yeeshay siyaasadda Arrimaha gudaha iyo arrimaha dibadda oo ay si weyn u dhaliileen, isla markaana soo jeediyey in wax laga qabto khilaafaad jira ee doorashooyinkii abuureen.

2013-01-14 7:27 AM EST
Isniin, Jannaayo 14, 2013 (HOL) — Ciidamada booliiska Puntland ee gobolka Mudug ayaa maanta kala eryay dad-weyne isugu soo baxay bartamaha magaalada Gaalkacayo, islamarkaana qorsheynayey in ay dhigaan muddaaharaad looga soo horjeedo xukuumadda madaxweyne Cabdiraxmaan Faroole.

2013-01-14 3:48 AM EST
Isniin, Jannaayo 14, 2013 (HOL) — Ciidamada maamulka Galmudug ee koonfurta magaalada Gaalkacyo ayaa dhaawacay ilaa sedex maxbuus oo dooneysay in ay ka baxsato xabsi ku yaal degmadaasi.

2013-01-14 1:22 AM EST
Isniin, Jannaayo 14, 2013 (HOL) — Wasiirka gaashaandhigga Soomaaliya, C/xakiin Maxamuud Xaaji Fiqi ayaa sheegay in howgalkii Faransiisku uu ka fuliyay deegaanka Buulo-mareer ee gobolka Shabeellada Hoose aan lagu soo wargelin dowladda Soomaaliya, wuxuuna ku tilmaamay howgalkaas mid ay dowladda Soomaaliya si aad ah u cambaareynayso.

2013-01-14 1:21 AM EST
Isniin, Jannaayo 14, 2013 (HOL) — Guddoomiyaha gobolka Banaadir, ahna duqa Muqdihso Maxamuud Axmed Nuur (Tarsan) ayaa uga digay dhallinta Soomaaliyeed ee ka yimid qurbaha inay waxyaabo anshaxa diinta iyo tan dalka ka baxsan ku sameeyaan xeebta Liido.

2013-01-14 1:18 AM EST
Isniin, Jannaayo 14, 2013 (HOL) — Madaxweynaha Mareykanka Barack Obama ayaa sheegay in taageero kooban ay ku siiyeen ciidamadii Faransiiska ahaa ee howgalka ka sameeyay deegaanka Buulo-mareer oo lagu haystay sarkaal Faransiis ah oo la doonayay in la furto inkastoo uu howlgalkaas fashilmay.