2014-09-02
Today from Hiiraan Online:  _
Wararka Maanta- Axad, Jan 13, 2013
Hay’adda Xuquuqda Aadanaha HRW oo dowladda Soomaaliya ugu baaqday in ay sii dayso Wariye iyo laba qof oo u xiran


Axad, Jannaayo 13, 2013 (HOL) — Dowladda Soomaaliya ayaa waxay si dhaqso ah u sii dayso wariye iyo laba qof oo u xiran, kuwaasoo lala xiriirinayo kufsi ay ciidamada dowladdu u geysteen haweeney rayid ah.
Booliiska Soomaaliya ayaa magaalada Muqdisho ku xiray wariye Cabdicasiis Cabdinuur Ibraahim oo ka mid ahaa wariyeyaasha ka howlgala magaalada Muqdisho, isagoo xabsiga ku jira tan iyo 10-kii bishan iyadoo aan wax su’aalo la weydiin.

“Ciidamada booliiska Soomaaliya waxay wariye u xireen arrimo la xiriira haweeney sheegtay in la kufsaday oo uu warbixin ka sameeyay, iyadoo ciidamadii lagu eedeeyay inay kufsiga sameeyeenna ay baxsadeen,” ayuu yiri Daniel Bekele oo ah madaxa Afrika ee hay’adda xuquuqda aadanaha ee Human Rights Watch.

Daniel wuxuu hadaliisa ku daray: “Dowladda cusub ee Soomaaliya  waxaa laga doonayaa inay xaqiijiso dhibaatooyinka ay ciidamadeeda booliisku geysanayaan oo aysan la safan ciidamada dhibaatada geysanaya.”

Hay’addu waxay sheegtay in xariga wariyuhu uu yimid kaddib markii CID-du ay soo xireen 10-kii bishan haweeneyda sheegtay inay kufsadeen ciidamada dowladda, uuna taliyaha laantaas Jen. Cabdullaahi Xasan Bariise si sharciga ka baxsan ugu khasbay inay u sheegto taleefoonnada wariyeyaasha wareysiga ka qaaday, sidaasna lagu xiray wariye Ibraahim.

“Haweeneydii dhibbanaha ahayd waxaa xabsiga laga sii daayay 11-kii bishan kaddib markii ninkeeda uu tagay xasbiga uuna bedelkeedii uu isagu xabsiga galay, sida laga soo xigtay ilo wareedyo lagu kalsoon yahay,” ayay hay’addu ku sheegtay warbixinta ay soo saartay maanta oo Axad ah.

CID-da  ayaa sidoo kale hay’addu sheegtay inay su’aalo weydiisay suxufiyiin kale oo ay ka mid yihiin: Cumar Faaruuq oo u shaqeeya Al-Jazeera iyo C/casiis Maxamed Diiriye oo ka howlgala idaacad ku taalla Muqdisho, kuwaas oo habeen ku xirnaa xarunta dambi-baarista booliiska Soomaaliya. Sidoo kale waxaa la wareystay haweeney ka tirsan hay’adaha u dooda haweenka la kursado oo arrintan lala xiriiriyay.

Dhacdadan ayaa waxay imaanaysaa iyadoo madaxweynaha Soomalaiya uu sheegay bishii November ee sannadkii hore in askarigii lagu helo kufsi uu xukunkiisu noqon doono dil toogasho.

“Aamusinta dhibbanayaasha iyo wariyeyaasha ma ahan mid dhameyn karta xadgudubyada galmada sharci-darrada ah; balse waxaa lagu joojin karaa in la taageero go’aannada dowladda ee lagu xisaabtamayo kuwa dambiyada gala,” ayuu yiri Bekele.

Ugu dambeyn, sarkaalka HRW ee Afrika wuxuu madaxweynaha Soomaaliya ugu baaqay inuu ka dhabeeyo ballanqaadyadii ahaa in la xakmeyn doono dhibaatooyinka ay ciidamadu geysanayaan, isagoo niyada ku haynaya in falkan uu niyad-jab ku keenayo wariyeyaasha in wariyeyaashu ay warbixinno ka sameeyaan dhibaatooyinka ay geysanayaan ciidamada dowladda.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-01-13 12:13 PM EST
Axad, Jannaayo 13, 2013 (HOL) — Saraakiil ka tirsan hay’adda nabad-sugidda Soomaaliya ayaa sheegay in sarkaalkii Faransiiska ahaa ee ay Al-shabaab faduubka ku haysay muddada ka badan saddexda sano lagu dilay howgalkii fashilmay ee la doonayay in lagu furto.

2013-01-13 11:37 AM EST
Axad, Jannaayo 13, 2013 (HOL) — Munaasabad xariga looga jarayay xarun cusub oo loogu talo-galay in lagu tababaro shaqaalaha laanta socdaalka iyo jinsiyasaha dowladda Soomaaliya ayaa maanta lagu qabtay garoonka Aadan Cadde ee magaalada Muqdisho.

2013-01-13 8:13 AM EST
Axad, Jannaayo 13, 2013 (HOL) — Dowladda Soomaaliya ayaa si adag u cambaareysay weerarkii fashilmay ee ay ciidamada Faransiisku ka geysteen deegaanka Buulo-mareer ee gobolka Shabeellada Hoose halkaas oo ay ka taliso Al-shabaab.

2013-01-13 7:30 AM EST
Axad, Jannaayo 13, 2013 (HOL) — Madaxweynaha Soomaaliya, Xasan Sheekh Maxamud ayaa maanta safarkiisii ugu horreeyay ugu ambabaxay dalka Mareykanka, waxaana safarkan ku wehliya, ra’iisul wasaare ku xigeenka ahna wasiirka arrimaha dibadda, Fowziyo Yuusuf Xaaji Aadan iyo la taliya-yaashiisa gaarka ah.

2013-01-13 7:17 AM EST
Axad, Jannaayo 13, 2013 (HOL) — Maamulka gobolka Banaadir oo gacan ka helaya booliiska Soomaaliya iyo booliiska AMISOM ayaa burburiyay maanta goobo ganacsi oo ku yaalla degmada Xamar-weyne, kuwaasoo la sheegay inay ahaayeen kuwo ku yaalla meelo sharci-darro ah.

2013-01-13 7:06 AM EST
Axad, Jannaayo 13, 2013 (HOL) —Francois Hollande oo ah madaxweeynaha dalka France ayaa sheegay in dowladiisu ay siweyn u adkeyn doonto ammaanka dalka,kadib howlgallo ay ciidamada France ka fuliyeen dalalka Soomaaliya iyo Mali.

2013-01-13 6:55 AM EST
Axad, Jannaayo 13, 2013 (HOL) — Gudoomiyihii Baankiga dhexe ee Jabuuti Marxuum Jaamac Maxamuud Xayd ayaa xalay lagu aasay magaaladda Jabuuti ee dalka Jabuuti ka dib markii laga keenay Cisbitaal ku yaala magaaladda Nairobi oo uu ku geeriyooday.

2013-01-13 6:44 AM EST
Axad, Jannaayo 13, 2013 (HOL) — Somaliland ayaa sheegtay inay ka qayb-geli doonto wajiga labaad ee wadahadallada u dhexeeya iyada iyo dowladda Soomaaliya, balse waxay ka digtay in lagu soo daro xubno matalaya Soomaaliya mas’uuliyiin kasoo jeeda Somaliland.

2013-01-13 2:23 AM EST
Axad, Jannaayo 13, 2013 (HOL) — Xarakada Al-shabaab ayaa ku adkeysanaysa inay weli gacanta ku hayso la haystihii Farnasiiska ahaa ee u afduubnaa Dennis Allex oo nool, kaddib markii ay ciidamada Faransiiska ee sida gaarka u tababaran ay ku fashilmeen inay xoog ku furtaan.

2013-01-13 2:21 AM EST
Axad, Jannaayo 13, 2013 (HOL) — Munaasibado is-barbar socda oo lagu xusayo sannad-guuradii koowaad ee kasoo wareegtey aasaaskii maamul-goboleedka Khaatumo State of Somalia ayaa ka socda degaano kala duwan oo ka mid ah degaanada uu maamulkaasi ka taliyo.

2013-01-13 2:20 AM EST
Axad, Jannaayo 13, 2013 (HOL) — Madaxweynaha Puntland iyo mas'uuliyiin kale oo ka tirsan golihiisa wasiirada ayaa xarunta madaxtooyada ee magaalada Boosaaso kulan kula qaatay xubno ka socdey ururada dhalinyarada ee gobolka Bari.