3/18/2024
Today from Hiiraan Online:  _
Wararka Maanta- Axad, Jan 13, 2013
Madaxweynaha Puntland oo Magaalada Boosaso kulan kula yeeshay Ururada Dhallinyarada ee Gobolka Bari
Axad, Jannaayo 13, 2013 (HOL) — Madaxweynaha Puntland iyo mas'uuliyiin kale oo ka tirsan golihiisa wasiirada ayaa xarunta madaxtooyada ee magaalada Boosaaso kulan kula qaatay xubno ka socdey ururada dhalinyarada ee gobolka Bari.

Kullanka oo ahaa mid in muddo ah qaatay waxaa waxyaabihii ugu waaweynaa ee looga wada hadlay kamid ahaa: xoojinta ammaanka iyo dar-dar gelinnta geedi socodka dimuqraadiyadda ee Puntland.

Madaxweyne Cabdiraxmaan Maxamed Faroole oo ugu horeyn goobta ka hadlay ayaa sheegay in dhalinyaradu ay yihiin laf-dhabarta ummad walba, islamarkaana ay lagama maarmaan tahay in ay dowladdu taageero fiican ka hesho.

Wuxuuna intaas raaciyey in nidaamka axsaabtu uusan marna hirgeli karin hadii la waayo kaalinta dhalinyarada: "Sanadkani waa sanadkii dhalinyarada, howsha hadda socota ee geedi socodka dimuqraadiyadda iyo hanaanka axsaabta badan waa lagama maarmaan in ay dhalinyaradu ka qayb qaataan, si taabbo gal looga dhigo"

Ugu danbeyntii wuxuu madaxweynuhu u ballan qaaday da'yarta Puntland, gaar ahaan kuwa gobolka Bari in dowladdu ay sanadkan qorsheysay sidii dhalinyarada shaqooyin badan loogu abuuri lahaa, iyadoo ay jiraan tobanaan shaqo oo ay xiligan dowladdu soo bandhigtay.

Wasiirka amniga Puntland Col. Khaliif Ciise Mudan oo isna madasha ka hadlay, ayaa ku dheeraaday sugidda ammaanka iyo doorka ay dhalinyaradu ku yeelan karaan.

Wuxuuna tilmaamay in dhalinyaradu ay yihiin xubin firfircoon oo bulshada ka mid ah, sidaas darteedna ay tahay in kartidooda looga faa'iideysto dhinaca wanaagsan, si uu dalku horumar dhan walba ah u gaaro.

Madaxwenaha Puntland oo weli ku sugan xarunta ganacsiga Puntland ee Boosaaso ayaa dhowrkii todobaad ee lasoo dhaafay kulammo la lahaa qaybaha kala duwan ee bulshada.

Maxamed Salaad Xaaji Dirir, Hiiraan Online
[email protected]
Puntland, Soomaaliya











Click here
1/13/2013 12:13 PM EST
Axad, Jannaayo 13, 2013 (HOL) — Saraakiil ka tirsan hay’adda nabad-sugidda Soomaaliya ayaa sheegay in sarkaalkii Faransiiska ahaa ee ay Al-shabaab faduubka ku haysay muddada ka badan saddexda sano lagu dilay howgalkii fashilmay ee la doonayay in lagu furto.

1/13/2013 11:37 AM EST
Axad, Jannaayo 13, 2013 (HOL) — Munaasabad xariga looga jarayay xarun cusub oo loogu talo-galay in lagu tababaro shaqaalaha laanta socdaalka iyo jinsiyasaha dowladda Soomaaliya ayaa maanta lagu qabtay garoonka Aadan Cadde ee magaalada Muqdisho.

1/13/2013 8:13 AM EST
Axad, Jannaayo 13, 2013 (HOL) — Dowladda Soomaaliya ayaa si adag u cambaareysay weerarkii fashilmay ee ay ciidamada Faransiisku ka geysteen deegaanka Buulo-mareer ee gobolka Shabeellada Hoose halkaas oo ay ka taliso Al-shabaab.

1/13/2013 7:57 AM EST
Axad, Jannaayo 13, 2013 (HOL) — Dowladda Soomaaliya ayaa waxay si dhaqso ah u sii dayso wariye iyo laba qof oo u xiran, kuwaasoo lala xiriirinayo kufsi ay ciidamada dowladdu u geysteen haweeney rayid ah. Booliiska Soomaaliya ayaa magaalada Muqdisho ku xiray wariye Cabdicasiis Cabdinuur Ibraahim oo ka mid ahaa wariyeyaasha ka howlgala magaalada Muqdisho, isagoo xabsiga ku jira tan iyo 10-kii bishan iyadoo aan wax su’aalo la weydiin.

1/13/2013 7:30 AM EST
Axad, Jannaayo 13, 2013 (HOL) — Madaxweynaha Soomaaliya, Xasan Sheekh Maxamud ayaa maanta safarkiisii ugu horreeyay ugu ambabaxay dalka Mareykanka, waxaana safarkan ku wehliya, ra’iisul wasaare ku xigeenka ahna wasiirka arrimaha dibadda, Fowziyo Yuusuf Xaaji Aadan iyo la taliya-yaashiisa gaarka ah.

1/13/2013 7:17 AM EST
Axad, Jannaayo 13, 2013 (HOL) — Maamulka gobolka Banaadir oo gacan ka helaya booliiska Soomaaliya iyo booliiska AMISOM ayaa burburiyay maanta goobo ganacsi oo ku yaalla degmada Xamar-weyne, kuwaasoo la sheegay inay ahaayeen kuwo ku yaalla meelo sharci-darro ah.

1/13/2013 7:06 AM EST
Axad, Jannaayo 13, 2013 (HOL) —Francois Hollande oo ah madaxweeynaha dalka France ayaa sheegay in dowladiisu ay siweyn u adkeyn doonto ammaanka dalka,kadib howlgallo ay ciidamada France ka fuliyeen dalalka Soomaaliya iyo Mali.

1/13/2013 6:55 AM EST
Axad, Jannaayo 13, 2013 (HOL) — Gudoomiyihii Baankiga dhexe ee Jabuuti Marxuum Jaamac Maxamuud Xayd ayaa xalay lagu aasay magaaladda Jabuuti ee dalka Jabuuti ka dib markii laga keenay Cisbitaal ku yaala magaaladda Nairobi oo uu ku geeriyooday.

1/13/2013 6:44 AM EST
Axad, Jannaayo 13, 2013 (HOL) — Somaliland ayaa sheegtay inay ka qayb-geli doonto wajiga labaad ee wadahadallada u dhexeeya iyada iyo dowladda Soomaaliya, balse waxay ka digtay in lagu soo daro xubno matalaya Soomaaliya mas’uuliyiin kasoo jeeda Somaliland.

1/13/2013 2:23 AM EST
Axad, Jannaayo 13, 2013 (HOL) — Xarakada Al-shabaab ayaa ku adkeysanaysa inay weli gacanta ku hayso la haystihii Farnasiiska ahaa ee u afduubnaa Dennis Allex oo nool, kaddib markii ay ciidamada Faransiiska ee sida gaarka u tababaran ay ku fashilmeen inay xoog ku furtaan.

1/13/2013 2:21 AM EST
Axad, Jannaayo 13, 2013 (HOL) — Munaasibado is-barbar socda oo lagu xusayo sannad-guuradii koowaad ee kasoo wareegtey aasaaskii maamul-goboleedka Khaatumo State of Somalia ayaa ka socda degaano kala duwan oo ka mid ah degaanada uu maamulkaasi ka taliyo.